東涌擬建全港最高公屋

東 涌 擬 建 全 港 最 高 公 屋
四 幢 高 47 及 49 層 　 勢 擋 映 灣 園 景 觀(轉載自 2月7日 蘋果日報)

唔起屏風樓, 起接近50層既摩天杉,
我覺得都幾破壞景觀...

仲要咁接近機場降落跑道, 又臨近海邊,
我唔覺得會好住得去邊

東涌呢個地方根本就唔算好住
空氣污染好強(from our motherland)
日日"睇"住飛機升降
交通雖然尚算方便,但車費又係貴
而且區內設施又唔係好(最近醫院竟然係瑪嘉烈)

唉!香港地皮少,政府為了三年上公屋承諾,被迫不斷地起公屋,其實應檢討房屋政策!

原帖由 JX9097 於 2009-2-7 19:34 發表
東涌呢個地方根本就唔算好住
空氣污染好強(from our motherland)
日日"睇"住飛機升降
交通雖然尚算方便,但車費又係貴
而且區內設施又唔係好(最近醫院竟然係瑪嘉烈) ...

東涌唔單止冇醫院,就連公眾泳池都冇,
最近既公眾泳池都要出青衣先有.

根本個規劃好有問題，東涌當初根本唔應該起公屋，

起公屋前應該起左醫院先（機場／嶼南有咩事都方便D），

而家搞到四不像咁，區內康體設施不足，私人樓卻太多～


有一次去到逸東，果間公共圖書館真係好細，得2-3個舖位左右咁大，

地鐵站果邊又無多間圖書館，成個東涌既人口就只得咁少資源～唉～

[ 本帖最後由 石頭 於 2009-2-18 02:34 編輯 ]

原帖由 3AD60 於 2009-2-17 23:36 發表

東涌唔單止冇醫院,就連公眾泳池都冇,
最近既公眾泳池都要出青衣先有.

睇過建築署0既網頁，東涌要0係今
年年尾同出年先至有一座游泳場館
同圖書館暨體育館大樓。

但......呢兩座0野起係邊？

游泳場館: 昂坪360纜車站停車場以西的地段

圖書館暨體育館大樓: 東薈城與怡文中學之間的地段

原帖由 石頭 於 2009-2-18 02:27 發表
根本個規劃好有問題，東涌當初根本唔應該起公屋，

起公屋前應該起左醫院先（機場／嶼南有咩事都方便D），

而家搞到四不像咁，區內康體設施不足，私人樓卻太多～


有一次去到逸東，果間公共圖書館真係好細，得2-3個舖位左右咁大，

地鐵站果邊又無多間圖書館，成個東涌既人口就只得咁少資源～唉～

我唔知大家係咪因為住慣市區, 所以覺得應該要有齊配套先住得人,
而家東涌咩到無, 所以大家覺得個度d居民好慘?

坦白講, 我就唔覺得東涌居民慘
好簡單, 拎返同類的天水圍黎比較就最貼切
同天水圍居民比, 東涌居民簡直比天水圍居民幸福得多!

講醫院......
天水圍入伙已經18年, 人口已經超過30萬,
人口仲多過元朗市, 但到而家仲未有醫院
(不要在網上搬字過紙, 跟天水圍居民說元朗市有博愛醫院......
居民最清楚架喇, 博愛醫院好多服務根本就提供唔到, 最終都係要送去屯門醫院)
而家HA先岩岩係天水圍北選定左一個地方打算起, 但仍然係興建無期,,,,,,

政府最近提議話打算係東涌起醫院, 其實有關當局的最終出發點係 "服務機場旅客"
係東涌起, 順便服務埋居民咁解, 而唔係特別為居民而起.


講區內康體設施不足......
天水圍入伙至今18年, 仲未有標準遊泳場館, 又無室內池,
好似話要過多幾年先會係天水圍北有一個正式標準泳池,
天水圍都要入伙20年以上先有一個普通泳池.

仲有, 天水圍有大量前市政局定好晒的康體設施未興建, 而家政府就一味拖拖拖.
標準圖書館, 都要3年後要落成, 入係21年先有標準圖書館.


講交通......
天水圍居民捱左7年先有大欖隧道出九龍, 先可以將行車時間縮短至1小時內,
在此之前, 出入要經屯門, 依賴屯門公路, 屯門公路有幾塞車, 大家都好清楚,
出親九龍都要一個鐘以上......當時過海巴士服務直頭係奢侈.
捱左12年先有西鐵.
天水圍的交通, 基本上係 03年開結先見得下人.

反觀東涌, 同機場差唔多同期入伙, 一開始就有大量E線巴士出外,
又有良好的北大嶼山快速公路, 一入伙就有地鐵過海啦, 幾好.


小弟唔係話反對政府係東涌興建社會設施,
小弟都親身感受過一個社區欠缺設施的苦況,
所以小弟係絕對支持政府盡快係東涌建醫院起設施.

小弟之所以開呢篇文,
係想同大家講, 東涌近機場, 已經叫做得到政府不少的注視,
如果東涌居民呢d叫慘, 咁天水圍居民過去個十幾年, 就係苦,

原帖由 AVW56 於 2009-2-21 08:20 發表


我唔知大家係咪因為住慣市區, 所以覺得應該要有齊配套先住得人,
而家東涌咩到無, 所以大家覺得個度d居民好慘?

坦白講, 我就唔覺得東涌居民慘
好簡單, 拎返同類的天水圍黎比較就最貼切
同天水圍居民比, 東涌居民簡 ...

天水圍其實係一個Special Case，

元朗／天水圍區受到市政局／區域市政局殺局影響，先會有咁多設施一拖再拖都未起，

但東涌規劃有問題亦是事實，既然規劃時有機場有大量人口，

咁最近既醫院都要去到瑪嘉烈，會唔會遠左D？


而家天水圍差極都有2間圖書館，1個泳池（唔好講室內泳池，因為葵涌都無），

雖然都係唔夠用，不過設施比東涌多，

而且同區（元朗區）都有其他設施可用，東涌有嗎？

原帖由 AVW56 於 2009-2-21 08:20 發表
原文略

天水圍的確係有問題
(不論係董生遺留落嚟嘅問題,定係殺局問題都好)
但唔代表東涌冇問題

東涌同埋天水圍都有d似
只係問題形成原因唔太同