點樣令自已粗魯點？

[ref=336789]hsu[/ref]  在 13.8.2005 07:46 發表:
咁當然喇~如果真係超熟果d maybe先係咁
(或者知己)
否則~都未必會咁做
因為~哈~始終係「男兒有淚不輕彈」呀嘛#

知己...
就算係知己...
都可能覺得你無情情喊唔知點應付啦...

當然，如果我對住異性朋友，
見到佢地喊的...當然識得應付啦...#

[ref=336798]hsu[/ref]  在 13.8.2005 08:15 發表:
咁又未必既~
喊得出黎既必然係發生大件事
係知己面前喊~對方都應該知道點做同點解咁樣

我都係~如果異性出現咁既情況
當然馬上處理咯~
(如果心儀對象就「更加」識處理喇#;oD)

拿...咁講...
就算係喊得出黎，
知道係大件事，
但係識唔識得應付又為另外一件事...
同埋，呢樣野有時都會牽涉性別角色的問題...
香港的社會入邊，
好多時都會覺得男人係應該將情緒用第二d渠道發泄，
但係喊一定唔係選擇...

OT: 唔知會對住我講壓力大果個人會幾時出現呢? #

[ref=336817]hsu[/ref]  在 13.8.2005 09:04 發表:
咁又係~不過我諗大家真係超熟、超好朋友果隻既
喊maybe唔會覺得有乜問題~

咁又係~始終男人俾人感覺係堅強既
喊都未必咁容易係人地面前
以我為例~通常都會打機玩自閉#或者出去癲喪下~#;oD

咁呢個當然啦...
但係真係唔會知道對方係點睇....

好難講ga...
我又真係唔鐘意響其他人面前喊...
當然，對住女朋友又真係另計...

玩自閉? 我試過，
但係會失敗的...
出去玩? 就係今次...
覺得對下人係會好過自閉的...
自閉真係幾容易亂諗野...

[ref=337057]hsu[/ref]  在 13.8.2005 13:54 發表:
如果對住女朋友喊~其實會唔會印象大扣分呢？
皆因可能俾左個感覺就係︰
乜我個男朋友咁易受傷既？

我個人比較鍾意玩自閉
至少可以唔駛對住人
自己可以諗下野~「點解會咁…咁…咁…」
不過自己都覺玩自閉的確幾易出事~(某次幾乎「賴野」)
但只試過一次咁既情況而己
因此都係鼓勵d人出去搵人傾訴好d

死喇...唔通我死呢樣野而不自知?
不過，睇咩情況啦...
如果係無適百事都喊一餐的，
咁我諗真係唔怕你都幾難...
你諗下如果你個女朋友十日唔埋就喊兩三次，
你會有咩反應?
當然，男人可以喊的密度又應該再低一點...

嗯...
都係果句啦...
有事的時候，
係好需要俾時間自己去冷靜，
但係一定要搵人幫自己手，
尤其係當問題去到自己一個係面對、解決唔到的時候...
真係要搵人傾下~~~

[ref=337078]hsu[/ref]  在 13.8.2005 14:13 發表:
我諗一次半次係女朋友面前喊
就冇乜所謂~
但如果成日就可能出現我所提出既疑問喇
不過我又唔介意女朋友喊
就算次數密都唔怕
皆因女朋友係囉黎錫嘛;)

有時真係可能未必控制到自己而做出一d事出黎
所以果次好彩突然醒一醒
否則真係「大條(大鑊)」喇~

嗯...呢樣野我真係要諗多下先得喇...
但係女仔，就算係女朋友喊，
都真係唔易做ga...
係，當然係錫佢啦...
但係佢係咁喊，
又或者因為同一件事可以喊好多次，
你話點算好呢?
尤其當你遇過的話...就更加~~

係ga~~
講真，有個人響身邊提點一下從來都唔係一件壞事...
多個人多個腦呀~~