兜兜轉轉的感情

轉自某些討論區，個人認為最終會係本文作者及Y小姐，大家
會否認同？

----------------------------------------------------------------------

好耐無出文，今次想同大家分享一下我的一件事，看看大家又
會如何處理。

我與Y小姐相識超過十年，相識時只係同學，畢業後有一年多沒
有來往；畢業後第3年在聚會中碰面，随即成為好朋友，但她己
有男友，再過一年，我與Y小姐的好朋友拍拖，不過拍了幾個月
便分了手，但我仍經常與Y小姐單獨約會，放假便外出，睇戲、
食飯、釣魚、遊河、晚晚傾電話，而Y小姐亦經常有事就必想找
我，印象最深係有一次在戲院，夏天時冷氣很冷，她有披肩而
我亦很冷，她叫我繞過她的背，左手搭她的左手而坐(擁着她)，
當晚她更在回家搭巴士時，用咀唇貼實我隻耳同我講話；而通
常我地出去，她男友來電，必定話同緊個女仔去街；

後來我在一年後，又再同另一個女仔C小姐拍拖，而呢次我拍
左三年拖，期間雖然同Y小姐少左見面，兩三個月先見一次，但
就只係晚飯，或每逢打風早走而約埋返屯門，而電話就每幾日
先傾一次；期間Y小姐曾表示己分手等等，但卻被我撞到她拍拖；
而C小姐一直對我同Y小姐來往有微言，最後以分手要脅我不耍
再同Y小姐來往，但我竟應允C小姐..........分手就分手：翌日我通
知Y小姐我分手了，她即致電C小姐確認一下，並同C小姐傾了
三年內唯一一次超過五分鐘的電話，而Y小姐不是叫C小姐跟我
復合，而係話要介紹男仔俾佢！

呢兩年我無拍拖，仲走去進修，每個星期有一晚去元朗上堂，十
點鐘放學，在近兩個月，Y小姐會從屯門走到元朗上，在我架車
旁邊等我放學，並去食搪水；而每次車到佢屋企下面，佢落車
時就會叫我返屋企打俾佢，我頭一次唔打俾佢，佢就打俾我，話
我唔打俾佢，佢擔心我；第二次佢電話飛左線，佢即刻打俾我，
話專登唔沖涼等我打俾佢，點知發現飛左返公司，就即刻打番俾
我。

而係前幾晚，佢同班朋友見面，期間突然打俾我，話最衰我果朝
早車佢返工，令佢無帶全月通，之後又打俾我，話佢班朋友對我
好有興趣，又話其中一個叫XX的女仔性格好似佢，要介紹俾我，
好啦，前晚出左去，連同我3女1男，叫XX的女仔完全唔似Y小姐，
而XX同佢朋友落車時都講句，"多謝您，叫Y小姐陪您補數"，
"我走啦，您地可以直落啦"，我都唔明到底乜事，又話介紹XX
俾我，但係人地似乎認定我先同Y小姐一起！

講左好多，過去多年，每次我問Y小姐幾時同佢拍左成十年拖
的男友結婚，佢都話，唔好講呢D啦！或者:您快過我的！但係
佢男友成三十六七歲！

到底：
Y小姐在我自己心中係乜地位，而Y小姐又想點呢？我前度女友
今天打俾我，同我講，您同Y小姐係一對，呢D係我直覺！不過
Y小姐一直有男友，如果您地係我又會點做？

[ref=339361]markwong[/ref]  在 2005-8-15 01:12 PM 發表:

轉自某些討論區，個人認為最終會係本文作者及Y小姐，大家
會否認同？

----------------------------------------------------------------------

好耐無出文，今次想同大家分享一下我的一件事，看看大家又 ...

看來咁講,Y小姐好像對你依依不捨這段戀情，對現有男友等如普通朋友看待。其實看來看去真係唔明,Y小姐是否一直都係個位男友，中途有沒有散拖?而C小姐為何誤解你結識女方就認定大家有戀情。其實筆者都有感，筆者眼見公司的幾位女同事拍拖，在工作期間或午飯期間有人找你，都估都估到是男友打。唉，我個心都不知點解會攣攣亂#:-/好像八掛理人的事...
筆者是個未有初戀經驗的人，首次分享我的看法。#???

無計，
感覺話俾我知，
C小姐係覺得你欠佢一個解釋...
Y小姐睇落就似可以同你開始，
但係可能你兩個已經係熟到一個唔可以做男女朋友的地步。
到底你自己想唔想試，
甚至你會唔會諗做第三者呢?

呢d問題，我係完全答你唔到，
真係希望你自己諗一諗先，
再話俾大家知你的諗法。

其實我唔係當事人，不過對於他們來往十多年,都好似走唔埋,
好似有d可惜

[ref=339610]simon12[/ref]  在 2005-8-15 07:46 PM 發表:




看來咁講,Y小姐好像對你依依不捨這段戀情，對現有男友等如普通朋友看待。其實看來看去真係唔明,Y小姐是否一直都係個位男友，中途有沒有散拖?而C小姐為何誤解你結識女方就認定大家有戀情。其實筆者都有感，筆 ...

文中係先結識Y小姐,再有C小姐

[ref=339709]markwong[/ref]  在 15.8.2005 20:49 發表:
其實我唔係當事人，不過對於他們來往十多年,都好似走唔埋,
好似有d可惜

但係如果雙方都跟對方太熟稔，
基本上都係很難可以一起了。