驚人發現:柯士甸站疑似設有預留空間改建做兩綫轉車站?

東鐵線過海變成「南北線」，馬鞍山線+東九龍線+西鐵線變成「屯烏線」的方案，除了東鐵線的先天不足問題外，仲有一大問題，就係令車公廟至烏溪沙段的過海客，全數集中在大圍站轉乘「南北線」，進一步加重早已飽和的大圍<>九龍塘段樽頸地帶的負荷。

可能有人會話，佢地唔一定要o係大圍轉，經新的「屯烏線」大圍>鑽石山>.....>紅磡，到紅磡至轉都得。但請問，既然同樣要轉一次車，邊個會有較直接又少站既「南北線」大圍、九龍塘、旺角東、紅磡段唔用，走去用又迂迴又多站既「屯烏線」大圍、鑽石山、啟德、土瓜灣、馬頭圍、何文田、紅磡段(仲未計可能有既顯徑同慈雲山)？

反觀如果馬鞍山線過海，東鐵線只到紅磡或柯士甸，咁對車公廟至烏溪沙段既過海客而言，如果使用舊有的東鐵線大圍以南段，雖然較直接及少站，但要轉車兩次，大圍站轉乘東鐵線，到紅磡站又轉回馬鞍山線。反而新建的馬鞍山線大圍>鑽石山>.....>紅磡段，雖然一樣又迂迴又多站，但卻有了免轉車過海的優勢。如此安排，可以達到平衡兩線優劣，不至出現一面倒情況，有希望吸引車公廟至烏溪沙段既過海客，使用大圍>鑽石山>.....>紅磡段，達到分散人流、減輕大圍<>九龍塘段樽頸地帶負荷。

不過呢度點講都冇用，現實當中，呢壇野已經係錯到極點，

無視實際乘車需求分別，硬要把尖東站完全撥歸某線的又一次重西輕中(個人把將軍澳算作「東」)、劫貧濟富反智行為，一錯

急急做一錯之餘，又死拖爛拖第四條過海鐵路，兩者預計相差達十年，二錯

東鐵線過海，三錯

[ 本帖最後由 mckhgc 於 2009-4-23 21:56 編輯 ]

原帖由 mmlcs36 於 2009-4-23 20:38 發表


這是因為除左去紅磡區之外，
坐尾卡根本冇乜著數

唔知閣下同kaix君所指既，係咪早上繁時南行，係的話其實仲有一個原因，就係東鐵線月台既電/樓梯分佈問題

以我印象中(可能是錯的)，早上繁時上車熱點，即係新界區各站南行月台，幾乎各站都有電/樓梯到達較近頭卡(約3,4卡)的位置，但尾卡位置呢，就只有羅湖、落馬洲、大埔墟、火炭、沙田、大圍有電/樓梯到達約第8、9卡位置，第9卡後係近乎「荒涼一片」，加上第9卡為頭等，阻礙了第7,8卡乘客(更前的就不用說了)移往第10至12卡位置，再加上東鐵線車隊以烏蠅頭為主，其狹窄的車卡駁位，亦令乘客「走卡」的意慾及可能性減低。所以東鐵線南行尾卡稍為鬆動，是正常現象。

題外話一講，東鐵線北行，乘客分佈幾乎班班車一樣，
第1至3卡，一般
第4卡，最鬆動，因為係頭等
第5卡至第12卡，第5卡全車最擠逼，但之後一卡比一卡鬆動，到第11,12卡，非繁時，尤其全日制學生放學前，有位坐機會甚大

反觀南行呢，就非常飄忽，有時頭重尾更重，有時頭超重尾近乎吉，估計同南行有較多出發點(羅湖、落馬洲、上水、大埔墟........)及電/樓梯分佈位置有關

原帖由 mckhgc 於 2009-4-23 20:54 發表
東鐵線過海，三錯

估唔到你會反對過海
你唔係一直都話重西輕中
而家東鐵過海你又話錯
請問你想點?

我覺得而家到左呢個規劃
沙中線的目的已經唔再係疏導東鐵大圍-九龍塘

[ 本帖最後由 tomtom2015 於 2009-4-23 21:26 編輯 ]

原帖由 tomtom2015 於 2009-4-23 21:20 發表

估唔到你會反對過海
你唔係一直都話重西輕中
而家東鐵過海你又話錯
請問你想點?

我覺得而家到左呢個規劃
沙中線的目的已經唔再係疏導東鐵大圍-九龍塘 ...

其實已很清楚，照02年，九鐵投得沙中線時既計劃，馬鞍山線過海，算是較可取的做法

觀乎閣下的回文，曾提及「大圍 <>九龍塘此段未至於用飽和形容」(大概意思)，後來閣下刪除了此句，未知是否閣下思前想後，也認為大圍 <>九龍塘此段已飽和？

一直以來，取道鐵路來往沙田(此沙田乃指「沙田區」，非「沙田站」)及中環，大圍 <>九龍塘乃必經之路，如果此段已飽和，新建的沙中線又不能疏導此段的擠擁的話，那意義何在呢？

原帖由 mckhgc 於 2009-4-23 05:50 發表


其實已很清楚，照02年，九鐵投得沙中線時既計劃，馬鞍山線過海，算是較可取的做法

觀乎閣下的回文，曾提及「大圍 九龍塘此段未至於用飽和形容」(大概意思)，後來閣下刪除了此句，未知是否閣下思前想後，也認為大圍 九龍塘此段已飽 ...

老實講，其實我唔係反對東鐵過海，反而係反對九鐵投得沙中線。因為興建一條咁長嘅交流電地鐵，成本比興建市區線高好多。只可惜當時兩鐵未能合併，否則我認為連帶馬鐵都應該改用直流電，用市區線列車行駛。

原帖由 mmlcs36 於 2009-4-23 09:26 發表

其實可以使下將東鐵的千九踢去東西線
然後貫交直流電車
於旺角東站以南入地底時切換

不過這些是事在人為的

我嘅意思係，大圍以南嘅沙中線(即東九龍線)應該用地鐵市區線規格興建，同東鐵無關(應該係同你講嘅岩岩相反)。另外，喺兩鐵未合併嘅情況下，東鐵過海可行性不大，同樣地馬鐵直通都要兩鐵合併先可以實行。

[ 本帖最後由 小早川優 於 2009-4-23 10:45 編輯 ]