點解而家要用"港鐵"

恐怕你有d 倒果為因, "廣州地鐵"/"北京地鐵"/"台北捷運" 之所以成為左一間公司o既名稱, 係因為佢地視 "地鐵"/"捷運" 做一種交通工具o既名, 而唔係先有公司名而後有交通工具名

原帖由 leochill 於 2009-5-10 21:14 發表
恐怕你有d 倒果為因, "廣州地鐵"/"北京地鐵"/"台北捷運" 之所以成為左一間公司o既名稱, 係因為佢地視 "地鐵"/"捷運" 做一種交通工具o既名, 而唔係先有公司名而後有交通工具名 ...

台北興建地下重鐵系統時, 係因為佢地直譯"Mass Rapid Transit"做"大眾捷運系統", 所以改名成"台北捷運公司".
若然台灣人同你意見一樣, 視"地鐵"為地下重鐵交通工具名, 點解佢地唔學香港, 廣州咁, 理所當然咁叫做"台北地鐵", "高雄地鐵", 而跟左"台北捷運公司"個名做"捷運", "高雄捷運公司"個名做"高捷"?
另外, 德國"ICE", 日本"新幹線", 呢d都係屬於高速鐵路一種, 但因為唔同國家營運呢類高速鐵路既公司分別替佢地營運既高速鐵路改成唔同名稱, 所以日本人會講"坐新幹線", 唔會講成"坐高鐵".

[ 本帖最後由 Alvin2002 於 2009-5-11 09:35 編輯 ]

原帖由 Alvin2002 於 2009-5-11 07:18 發表 台北興建地下重鐵系統時, 係因為佢地直譯"Mass Rapid Transit"做"大眾捷運系統", 所以改名成"台北捷運公司".若然台灣人同你意見一樣, 視"地鐵"為地下重鐵交通工具名, 點解佢地唔學香港, 廣州咁, 理所當然咁叫做" ...

完全同意閣下之論點, 不同地方的確會對同一事物有不同名稱, 不足為奇, 但這恐怕不在本論題的範圍之內, 因為本題是討論香港這一個地方的情況。
好了, 回到重點, 在兩鐵同併前香港人叫「地鐵」這種交通工具是不是全部或部分因為有地鐵公司, 所以合併後也該跟公司名改稱「港鐵」呢? 我知道不少朋友的答案是肯定的, 不過我反對。也沒有什麼對與錯, 習慣使然擺了。所以我對「港鐵」和「港鐵站」其實也不太抗拒。
要說我最討厭的, 還數九巴的「鐵路站」, 為何不稱「港鐵站」?是不是小家地不願為敵對公司賣廣告? 

原帖由 leochill 於 2009-5-11 12:55 發表
完全同意閣下之論點, 不同地方的確會對同一事物有不同名稱, 不足為奇, 但這恐怕不在本論題的範圍之內, 因為本題是討論香港這一個地方的情況。
好了, 回到重點, 在兩鐵同併前香港人叫「地鐵」這種交通工具是不是全部 ...

若果你同意不同地方對一件事物會有唔同名稱, 咁就ok喇. 我寫#42回應, 就係想解釋畀你知, 市民真係會因應一間運輸機構所作既名稱去稱呼同一種交通工具.

在閣下#31回文中, 有以下意見:

「地鐵」:  可以用來形容成個港鐵重鐵系統 (我不認為東鐵/西鐵/東涌線運作上有幾「區域」化, 只係發展歷史同市區內路線不同而已, 所以稱「沙田火車站」除了是習慣上使然, 實則上是的確不太正確的, 雖然我本人都會繼續咁叫!)
「地鐵站」: 用來稱呼所有重鐵o既車站。聽到「鐵路站」都想毛管豎! 不要忘記, 九巴連輕鐵站都叫做「鐵路站」, 實際上係更混淆視聽! 真係唔明九記點生得出個咁o既名!

若果用"地鐵站"稱呼所有重鐵車站, 咁你會點稱呼東鐵線"沙田站"同西鐵線"屯門站"? 會唔會叫"沙田地鐵站", "屯門地鐵站"?
若果咁稱呼, 會唔會造成市民更加一頭霧水?
既然要避免呢個情況, 又唔想用"鐵路站", 所以我就回左#32呢篇文, 話用"港鐵站"形容全個香港重鐵系統車站更貼切.

至於九巴點解會用"鐵路站"呢個名, 由於已經超出本版討論範圍, 兼且我都冇答案, 所以都解釋唔到.

原帖由 AD15113 於 2009-5-8 15:46 發表
好多時傳媒/新聞要提到香港的鐵路都要用港鐵,
例子;;某某地區交通擠塞,,運輸署建議市民改乘"港鐵",,
點解一定要咁強調呢個公司名?地鐵/西鐵/火車系交通工具名稱,,
或者例子:西鐵發生信號故障....為什麼要刻意說"港鐵 ...

九巴用鐵路站係畫蛇添足，因為一個「站」字已經足夠～

原帖由 石頭 於 2009-5-11 14:46 發表


九巴用鐵路站係畫蛇添足，因為一個「站」字已經足夠～

一個「站」字已經足夠 ?
你想講巴士站、小巴站、的士站定係單車站 ?

原帖由 hklam 於 11-5-2009 04:36 PM 發表


一個「站」字已經足夠 ?
你想講巴士站、小巴站、的士站定係單車站 ?

城巴/新巴都用係用緊「XX站」...
如果形容巴士站、小巴站、的士站，通常唔會叫佢做「九龍維景酒店站」，或者「長沙灣站站」/「長沙灣港鐵站站」
大家commonly會覺得係講既「港鐵」既車站。

另外一提，九巴版圖2009內298E既「地鐵車廠」站都改名叫「鐵路車廠」...

原帖由 hklam 於 2009-5-11 16:36 發表


一個「站」字已經足夠 ?
你想講巴士站、小巴站、的士站定係單車站 ?

其實可以加個港鐵嘅木字LOGO

原帖由 lsc04d11 於 2009-5-11 17:56 發表



城巴/新巴都用係用緊「XX站」...
如果形容巴士站、小巴站、的士站，通常唔會叫佢做「九龍維景酒店站」，或者「長沙灣站站」/「長沙灣港鐵站站」
大家commonly會覺得係講既「港鐵」既車站。

另外一提，九巴版圖2009內29 ...

城巴/新巴用緊「XX站」
但唔代表係好架

與其賭博乘客會知 xx 站係港鐵車站
不如講清楚 d 係咩站啦
知唔知咩係 Services Gap，要乘客估答案的問題，已經犯晒錯誤

原帖由 Alvin2002 於 2009-5-11 07:18 發表


台北興建地下重鐵系統時, 係因為佢地直譯"Mass Rapid Transit"做"大眾捷運系統", 所以改名成"台北捷運公司".
若然台灣人同你意見一樣, 視"地鐵"為地下重鐵交通工具名, 點解佢地唔學香港, 廣州咁, 理所當然咁叫做" ...

我相信台灣人係因為間公司名先會叫「捷運」，如果唔係，幾米唔會出本書叫「地下鐵」。