今年第一個紅雨

落雨天有時真係唔易預測, 因為有時影響的範圍可以好細, 變化既
形勢就更加難掌握, 即使香港唔同地方都可以有唔同既天氣。我印象
最深就係 10 多年前某次天文台發黑雨, 當日朝早港九地區落狗屎,
但係屯門就晴空萬里。

當然有唔少人都會話, 早排天文台多次預測落雨既日子最終都冇落到,
即係上面某些板友提及的「完全錯晒」。但從廣東省以至華南地區
的形勢去睇, 天文台應該冇預測錯, 至少我地從新聞都睇到唔少華南地區
落暴雨。

睇雷達圖會係一個幾好既參考, 但都係要記住「天氣變幻莫測」!

天有不測之風雲，林超英上場後天文台已經開放及進取了很多，我相信他離任後都唔會走回頭路。
我很清楚記得某年中秋節，本來天氣尚算唔錯，我同屋企人去北潭涌諗住「燒夜食」，
點知突然落大雨，而且無停歇之勢，唯有成個西貢東北的人迫晒上尾班96R，同埋大量私家車一齊出九龍，由麥邊已經開始塞......
返屋企上網睇，當時的雷達圖就只有西貢東北有雨雲，其他地區無異樣，我相信天文台都預計唔到。