我朋友的煩惱

頭先佢打電話俾我
同我講左一件事

首先講下d角色先
佢:我既朋友
a:佢前2度女朋友
b:剛復合的女朋友

話說,b之前同佢分左手,後來佢又打動返b,
b呢家同佢暫時拍返拖,不過,b對佢要求好無道理
又同b有返爭坳

佢同時又同a係好好朋友,間唔中會同a單獨約會
而b又介意佢同a單獨約會,當佢同b有問題既時候
就會唸返起a,而a亦同佢講,話只要佢同b分左手,可以隨時
同返佢一齊,不過,a之前因為選擇左第2個,所以先同佢分手

我聽左之後,叫佢2個都唔好要
因為我認為佢同是但一個一齊,
都唔會有好結果,事關a又有前科,
b呢家又對佢唔講道理,不過
佢又話想要其中一個,
因為佢呢家個圈子好難再識新既異性

唔知大家點睇呢?

如果一個人只係因為佢的圈子細，
而決定再次同之前的女朋友復合的話，
咁我就寧願唔拍好過...

又唔會得到d乜野，
亦都唔期望有結果，
亦都睇唔到有咩可能會得到同之前一次唔同的結果，
咁倒不如做返朋友，
可能關係會更好一點。

你個朋友似乎係為拍拖而拍拖多過
係真心想去愛一個女仔喎

[ref=360598]flora[/ref]  在 4.9.2005 20:16 發表:
你個朋友似乎係為拍拖而拍拖多過
係真心想去愛一個女仔喎

同意呢個講法...

佢只係好悶，想搵個人俾呢種感覺佢...

以我既見解
我寧願一世唔拍拖
都唔會再揀呢兩個女仔
一個已有前科
可話前車可鑑
(第二樣野我尚且可俾機會
但對我不忠既女人
就萬萬不可能再俾機會佢)

另一個就根本當佢係水泡
第時佢搵個第二個
呢個水泡就「任務完成」

不過如果佢真係一定要兩者擇其人
佢真係要自己諗清楚
因為兩個都可話係「雞肋」
根本冇人可以俾到一個正確答案佢

a:跟左其他人而分手,
   對你朋友愛極有限。
b:好似樓上咁講,
   當你朋友係水泡,
   用完就丟。
仲有c:你朋友又唔係真係好鐘意人,
         可以二揀一。

真係拍反拖都無謂。