[剪報]復合的技巧?[只限08.09閱讀]

婚 外 情 裂 縫 難 修 補 　 先 後 跳 樓 亡
教 師 夫 婦 殉 情

可能大家會將焦點睇成係教師自殺，
但係我想帶出其實件事係講緊復合，
同埋係面對感情事的方法。

復合:
其實復合係一樣唔可以亂咁有期望的野。
復合係可以去想，
尤其你真係想，而對方亦都俾到提示你，
大家都有呢個意願的話。

但係，唔好被自己的心所蒙蔽，
唔好因為自己的心好想，
就不理你見到的事，
去做出一d追求、復合的舉動。
咁樣可能係敢愛，
但係亦都可以看成任性，
最後自己不快樂的時候，
或許會更討厭當時自己做過的事。

面對感情事的心理:
好多人覺得要做到放得開係唔容易，
會話，點解要我放開?

愛係可以有佔有，
但係唔可以俾愛表現得只有佔有。
如果你係想一段關係健康的，
就算已經唔再係情侶，
亦都唔好做出一d可能令對方討厭的行為，
甚至為此催眠自己，
話自己所做的事係好合理、正常，
咁樣只係盲目的表現...

以前我都經歷過不惜一切，
想盡方法去睇下有無辦法可以再次一齊。

但係呢個諗法好單向，
只係睇到自己的需要，
但係就無諗過對方。

理所當然?
好多人係咁諗，
但係唔諗過復合要的技巧係好高...
甚至可以話，要求的野更多。

學會到點樣放開，
好多野識得睇開少少，
就自然會解決得到的。