吉百利朱古力廣告 (個人感想)

樓主，認真你就輸喇！
冇錯，睇完你唔會有即時購買意欲，
但係你睇完個告白，
為左佢而花時間上黎貼文問，
吉百利已經成功左。

況且樓上有人提及吉百利係百年老店，
唔少人已經品嚐過佢地既朱古力產品，
今天唔需要再強調佢既美味，
令你記住佢個名牌已經OK。

我睇完個告白感覺幾得意，
佢既目標客群應該係小朋友。
小朋友模仿力強，
佢地睇完個告白應該都會模仿廣告主角咁戚下條眉同捽下汽球。
模仿既成本亦唔貴，
幾蚊買袋汽球返黎任你捽餐飽，
捽爆就吹多個又捽！
呢班小朋友返學、出去社交聚會時同D朋輩演下野模仿一下，
靠呢種口耳相傳，
又變相賣下免費告白，
幾好呀！

小朋友之間一見你戚眉戚眼，
就知道係吉百利！

除左吉百利之外，喜力個廣告都好hit，我覺得幾好笑，不過係咁叫成日播會好嘈！

德國有過啤走廣告回敬返喜力
http://www.youtube.com/watch?v=pcm9oGBrNKA

原帖由 ~~Knysna~~ 於 2009-7-15 19:19 發表
除左吉百利之外，喜力個廣告都好hit，我覺得幾好笑，不過係咁叫成日播會好嘈！

可能真係因為太過嘈, 最近喜力廣告入面, 一眾男女的叫喊聲已經剪短左.
(廣告時段秒秒都係錢, 所以越播越短其實好正常.)

其實我比呢個廣告既background music吸引多過廣告主角，
因為無論現場環境有幾嘈，都一定好清楚聽到呢隻音樂，
呢樣係令我覺得成功既地方。
(所以而家手機根本唔應該用MP3/和弦鈴聲，環境嘈少少都會唔察覺而miss call)

就個人而言，判斷一個廣告成唔成功，除左吸唔吸引到人討論之外仲要睇下無說服力，
吉百利廣告睇完之後聯想唔到同朱古力有咩關係，比較失敗。

原帖由 ATR83 於 2009-7-12 14:54 發表
呢個廣告播映初期時間好長,成3-4分鐘,都唔知佢賣咩產品
後尾cut過來,聽到頭個粒音已經即刻想轉台

雖然我都覺得九唔搭八... 即係如果上 Britian's Got Talent 唔駛5秒已經俾人丁走!

但係... 我聽過有人竟然用來做電話鈴聲喎, 死未!!

呢個都已經算係有D關連..

係英國, 有個廣告係咁既..

一大堆和機場有關既LEGO車仔好有氣勢咁一齊係跑道上衝前, 當中有D行到反左..
成個廣告有成兩分鐘咁長...你估賣乜?

就係吉百利Diary milk...

個人就欣賞呢d非硬銷式廣告, 但過於冇關係既又真係有點摸不著頭腦, 但起碼你如果
曾經用腦work out過呢個係咩廣告, 你一定記得佢個product...marketing既, 又win左..

講真啊,呢個廣告太黑人憎..
做到好似低B仔等開餐..
係RS度播仲想拆爛部電視(個個什麼增肥廣告都係,琴日搭半個鐘車播左4-5次)
如果唔係,晨早想爆粗罵佢添

原帖由 kwyeung 於 2009-7-14 02:39 發表


睇完都未必想買, 咁都叫成功？

我同你講既完全相反...
見到個廣告就憎, 潛移默化到見到吉百利就反感,
更加唔好叫我買。

對佢就唔會想買者，賣廣告個goal都係draw attention
呢個廣告係呢方面就一定係成功架喇
你睇下youtube幾多remix版就知...
至於同銷量有無關係，呢層就要問下個target audience 喇
我諗起碼唔會係你同我啦....

本人第一次收看有關廣告時還以為它在宣傳某手機製造商推出的擁有強勁音樂質素的新手機，直到吉百利朱古力商標顯示出來才知原來是另一回事。

原帖由 ATR83 於 2009-7-12 14:54 發表
呢個廣告播映初期時間好長,成3-4分鐘,都唔知佢賣咩產品
後尾cut過來,聽到頭個粒音已經即刻想轉台

個廣告係cut 過，我都記得初期係長版，但好似無3-4分鐘咁長呀嘛？
我係youtube 搵個official 都係得1分鐘....