【轉載】觀眾投訴「香港先生選舉」意識不良(附i Power獎賞)

家陣部分香港人就係咁
咩都可以搵到理由投訴一頓
(尤其是近年，愈來愈多無理投訴... )

現在無綫方面，頻頻將一些受爭議的電視節目，作「家長指引—成人情節」處理，
目的是利用「家長指引」分類作擋箭牌，使廣管局認為節目已作分類，令觀眾投訴不成立。
無綫此舉就是維護電視台及管理層的聲名：單是廣管局一個「勸諭」，足以令電視台留「案底」。

P.S. 不知下一個需要「家長指引」的節目，就是港姐競選嗎？

參考來源：唯心論-第3話：電視台應CUT片嗎？(2004-6-17)

[ 本帖最後由 UCR683 於 2009-7-28 18:04 編輯 ]

問題係一個健健康康的 Mr. Hong Kong,
去到 TVB 手中成為了一堆女人發 (老) 姣的場合;

一個健健康康的 Ms. Hong Kong,
去到 TVB 手中亦成為了賣波賣蘿,
仲要得二三線女仔參加的活動;

一個健健康康的歌唱比賽,
去到 TVB 手中都成了冇 rules,
仲可以小你都得的 competition.

咁呢種節目水平下降應否 complaint 呢

原本辦Mr. Hong Kong唔係壞事既...
但係就公平少少...評判唔好全女班(性別岐視?)

全部現場觀衆都係女,一見到班後選先生就依嘩鬼叫,
前世未見過男人咩...定係當正自己返左大陸玩鴨仔呀?

選港姐又係...班司儀答問環節唔好問d無聊問題好唔好?
問題有深度,答得好自然顯出佳麗有智慧
問題無深度,答得唔好只係幫佳麗出醜

(1)「香港先生選舉」是在晚上8:30後播出，合家歡時段已經完結，
而節目又已被列為家長指引類別，你認為這些投訴會成立嗎？

(2) 究竟觀眾是出於針對無線，甘願當「道德塔利班」？
抑或真有其事？

(3) 選美節目(包括香港先生、小姐競選)還有存在價值嗎？

(1) 投訴不會成立，因為有所謂「合家觀時段」，

嚴格來說，無線在走法律隙，這邊廂合家歡時段剛完結，

那邊廂立即播出含有不良意識的節目．．．


(2) 接二連三有觀眾投訴無線的選美／歌唱比賽節目，

很難令人相信這麼多觀眾的投訴都是子虛烏有！


(3) 選美節目已經無存在價值，因為司儀及製作單位質素嚴重下降！

香港小姐當年很有代表性，選出來的小姐確能代表香港人，

甚至今日的影視紅星張曼玉當年參選港姐亦只得亞軍，

但近年已變質為進入娛樂圈的捷徑，香港先生更是從一開始就是成名的捷徑，

這根本不是選美，而是選人入無線打工，即使立即停辦，也不會對無線造成任何影響，

因為現時要選人入無線的方法／節目已經太多了！甚麼殘酷一叮跟超級巨聲都是這樣！

[ 本帖最後由 石頭 於 2009-7-30 02:36 編輯 ]

當日我和家人出外食飯
晌酒樓睇左開頭約半場節目

開場 show, 成班參賽者好似機械人, 手腳唔協調兼且硬繃繃的動作
快樂女聲好似仲好過你地多多聲喎
然後一大堆 "so called" 名媛, 名模, 乜姐乜姐大堆頭咁湧出黎
一點 elegent 的感覺都沒有, 反而似去睇海豚 show 咁
呢個已經係 downgrade 整個節目的第一因

之後參賽者的個人表演, 最叫有睇頭同望落正常就係第一個籃球 show
較佳的有 break dance 同第一鬥牛舞
速畫算做正常 (但唱功另計, 都係一個差字)
第二鬥牛舞唔加後面會更好
豎琴皇子算唔話得, 又講德文 (雖然非常香港口音), 至少望得下, 也有一點彈功,
不過效果好plain 和沉悶, 帶唔起氣氛
泰牶, 健身操, 正常少少唔得咩
印尼王子... 哈哈哈
打鼓, 柔劍, sing 力量唱歌.... 第一個超低水準, 第二個係夾硬做出o黎, 第三個搞到自己唔似人形兼超走音, 全out

到泳裝部份
本來呢, 泳褲+濕身呢個組合都唔構成意識不良
不過當加左全場 d 女性晌度無休止的尖叫
仿彿如 dw8306 站友講, 好似從來未見過男性咁, 要爭住去摸
而參賽者亦好樂意咁被摸
咪搞到好似個鴨場咁囉

只係睇左咁多, 所以評亦評到這裏

Mr. Hong Kong 個show根本就唔係選美
班參賽者不論"大隻"與否
成班"評判"好似前世不見過男人咁樣鬼殺咁嘈
仲喺度摸身摸勢,d眼神發哂"孝"(唔記得個字點打=.=")
成班"港男"著住比底褲更貼身嘅"泳褲",仲要濕埋身
毫無美感可言
恕我得罪講句,好似睇咗兩個幾鐘頭嘅"金魚缸"

頭先響facebook有人post左段咁既新聞....

「美國播無線「香港先生選舉」惹投訴」

「...該節目破壞華人在美形象，因為華裔女性一向在人心中優雅大方，但女性在節目大會當中，叫囂、表現像性飢渴一樣，他說，本地人士不知就裡看到該節目，根本不知道當中不少內容純屬演戲，以為這便是華裔女性及男性的行為，華裔有需要維護在美國建來的形象。...」