剛才葵芳出現地陷

原帖由 GR614 於 2010-1-5 07:31 PM 發表
其實呢度早兩日先爆完黎，圖中地下深色地方就係早幾日先舖番好黎，估唔到今日又爆過...

數下手指，呢個位應該一年都爆左三四次，都唔知水務處點做野的.... ...

根本現時係頭痛醫頭﹐腳痛醫腳。

一段水管邊個位出問題﹐只會修補或更換出問題的一小part﹐前前後後都唔會有野整﹐所以剛剛出事的位置﹐前前後後都會是已經老化的舊管﹐所以好易出現爆完又爆的現象。而且次次位置相約﹐都是原先出事的位置前後不遠的舊水管位置再爆。



點解唔一次過換晒d水管?

講到尾咪係「時間」2個字囉。
所花時間實在太長﹐而且要停水。水是必須品﹐意外停水幾小時是可接受。一旦是更換一大段水管﹐便要封閉道路最少2星期以上﹐再要停水(視乎所用工程所用的方法而定**)﹐大眾根本難以接受﹐所以未到最後補無可補﹐修無可修﹐都唔會封路換整條水管的。

** 如果當地有空位﹐多數會加建一條臨時水管作供水﹐這樣只需停水2次﹐每次數小時以便接駁臨時水管及駁回新的永久水管。有時更會另建新水管﹐停水只需1次﹐舊水管便會放棄﹐永久停用。

如當地沒有位﹐這樣便要長期停水﹐直至新水管可用為止。

我睇九龍塘可能進行緊大型換水管工程
今日水務署封咗歌和老街一條線

原帖由 3AD170 於 2010-1-5 23:16 發表
屯匯街附近都是爆水管黑點。

呢度真係耐唔耐就一次...

今日輪到弼街近聯運街爆水管，洗衣街封咗一條線
港九潮州公會既學生為咗唔遲到，就咁跑過個大水tum，真係好危險