無線音樂節目發展是否到了末路?

原帖由 053h4 於 2010-3-9 18:56 發表
有線第一台係大眾認為係將來的免費電視台?
有線實有收線記錄, 咪拎出去睇下幾咁大眾化LOR

另外, 批評無線藝人壟斷, 亦不要忘記佢係最大的廣東話內容供應商
一個供應商, 保護下自己的內容, 唔係好過份掛

有線都可以 ...

同意閣下講法.
TVB同其他機構無分別, 你簽約得俾佢做佢嘅人
你自然要遵守返合約精神. 正如你簽得約打工
佢都講明唔可以去第二度兼職一樣. 唔想俾佢綁死
你咪做FREELANCE. 問題係TVB合約定明, CABLE
同亞視唔係, 但唔代表TVB一定要跟. 荷里活拍戲, 你簽
得約俾呢間片商, 拍攝期間一樣唔拍得其他公司嘅戲. 只係
電影係段部頭計. 再講, 藝人你簽得就即係同意先簽, 唔好簽
咗就話人地壓制你. TV點行呢樣嘢唔係今日先知.

另, 成日話TVB親共又話咩唔多啲幫某啲團體講說話
又咩CCTVB. 無可否認, 新聞同一啲製作上有退步, 但係
咪真係好似某啲人同報紙所講??還是只係唔啱你口味就
當事實?? 係嘅話我相信今日星期二檔案呢期唔會訪問泛民
而且個內容可以話係正面. 啱唔啱某啲政治取向嘅人口味
就一件事. 唔係話要幫TVB講說話, 只係希望唔好以主觀就當
正係事實. 唔LIKE你可以轉台, 你俾唔俾錢睇其他台一件事.

基本上星期X檔案同新聞透視仍然都係中立
只係有D人唔滿意當時TVB唔將六四集會放頭就出事咁...

原帖由 dbat98D 於 2010-3-9 20:23 發表


同意閣下講法.
TVB同其他機構無分別, 你簽約得俾佢做佢嘅人
你自然要遵守返合約精神. 正如你簽得約打工
佢都講明唔可以去第二度兼職一樣. 唔想俾佢綁死
你咪做FREELANCE. 問題係TVB合約定明, CABLE
同亞視唔係, 但 ...

講起中唔中立，國際台個news headline都請過唔少泛民既人上去傾。

原帖由 053h4 於 2010-3-9 18:11 發表
對無線來講, 唔做音樂節目, 拎多d時間同讚助商搞節目, 可能除時收入重高左
世界杯, 亞運, 奧運都係一樣道理, 佢唔播都無損失
只係香港人少左一個途徑, 認識下競技體育咁解

無線做的體育節目, 同勁歌一樣, 唔睇都罷

過年幾日放假在家, 開第一台睇到冬季奧運會
一聽個旁述就知道有料到, 有做功課之餘, 又唔會好像CCTVB一樣吵吵鬧鬧
一心一意報導有關運動會的資訊, 值得一讚

所以依家係兩家收費電視主導咗體育節目市場
始終人哋真係開個平台出黎做, 同四個免費電視
一個平台包晒所有節目元素無得俾, TVB同亞視
注定响呢方面俾人食住.

原帖由 053h4 於 2010-3-9 18:56 發表
起碼無記係制作緊香港人的節目, 係啱香港人口味
而海外廣東話地區, 無線影響力亦相當大
質素差得好緊要, 可來有今日呢?

其實係唔多適合
7:30果套已經夠垃圾
更加垃圾係星期日港台時段之後個兩套
第一套除左教你食一d唔應該食的山珍海味
就只有三個唔夠班的主持胡胡鬧鬧
食野係要欣賞食物的美, 味, 唔係成大班人一齊食野就收貨

第二套就比矮人更低level
完全唔知想做乜, 意識又唔多健康

830新上畫套電視劇又係垃圾, 又係胡胡鬧鬧
仲要係套唔知有邊度值得笑的笑片

果兩套是否垃圾就真條難以認同

第一套
冇話咩係應該食同唔該食既
就算講魚翅真係唔應該食
但冇理由就咁魚都唔應該食掛
其他果三個主席冇評語
但此節目的確可以擴闊唔少人既眼界<-包括我在內

第二套
就係令人笑咁簡單
更加睇唔出意思有幾唔健康

事實上,我有點覺得閣下既回覆
有少少似用閣下自己既眼光去品評全港人是否適合此節目

贊同樓上的見解。

回正題，近年來，勁歌金曲的收視徘徊在12-14點（我好耐冇check過，大約半年前都係呢個數），
但某位台灣歌手上一上去，加個陳奕迅，當晚收視18點，點解？（當時星期六播，18點好正常）

無線在音樂及體育節目方面真係不敢恭維，但新聞時事性節目，採訪及製作仍然好有質素，
六四放唔放第一，我唔係局內人真係唔敢評論，但就講前排最hit的高鐵，
做過幾次節目，只有一集係認同高鐵的必要性（暗地裡其實踩緊某些高層），
其他都係批評政府的諮詢、探討菜園村安置、給八十後那班人發聲等等。
我作為支持高鐵者，係咪又可以話佢民粹煽情？
但我的意見係睇完後令我對整件事有更多了解，正正就係令我不至於感情用事，咁係唔係是但？
記者們的碼頭moonwalk又係乜野？

無線新聞時事節目，編排上可能真係比從前多了顧忌，但係唔係一次兩次的唔合心意，
就要全台人整個製作隊伍畀你話是是但但？

劇集真係得啖笑，咁可以點？
好似紀曉嵐咁借古諷今？（香港人睇得明咩？）咁佢至少有拿來播。
好似韓劇咁五分鐘同一鏡頭連續對白一take過？（香港演員有冇咁既水準？）
又唔使畀錢睇，唔鍾意咪唔睇囉（如我）。

另：亞視近來的「皇牌製作」，更發展到「一文三語」，教曉香港人一個四字詞語。

[ 本帖最後由 DIH 於 2010-3-10 11:03 編輯 ]