[ 問 ] 馬鞍山 80年代尾 / 90年頭道路網

原帖由 hkbw 於 2010-7-19 00:48 發表


恕小弟講句, 閣下間下線中所講既野係冇可能...299係1990年中先開線..

如果係1989年, 應該係289, 唔係299.

至於個預留位, 其實應該係俾科學園那邊的吧..不過而家條路改到咁..未必用得返.. ...

還是 89R?

原帖由 hkbw 於 2010-7-19 00:55 發表


非也..縮係慢線只係初時..後來係兩邊都用過, 呢點我都好肯定..

現時入馬鞍山方向, 由大老山公路落馬鞍山路既個段路, 好有印象係試過雙線雙程行車的.. ...

係喎，你唔講都唔記得
當時舊嗰邊要進行一些改裝工程，如加建大型路牌，所以改行新路
仲記得大老山隧道公路係第一條公路用快速公路標誌，當時的快速公路仲係用緊藍色底路牌

原帖由 himchan 於 2010-7-19 01:51 發表


恆泰路駁上馬鞍山路的巴士轉用綫只是臨時路，路牌也是用黃色的，那個馬鞍山路入口前幾米便有連續兩個出口，車輛交叉行駛，真是十分危險。運輸署是一直希望經亞公角街的巴士路綫不需上馬鞍山路，其他改行馬鞍山路的就不再經亞 ...

個度而家仲有個爛gag, 有個港式既路牌..aware vehicles cutting lane..真係笑死左我..

其實有方法可以唔駛咁危險, 又可以方便將來欣安既居民, 就係將入城安出口封左, 改為一個向馬鞍山路既出口,
反正條橋都可以駁去迴旋處入欣安, 又何必保留城安路口..

原帖由 hkbw 於 2010-7-19 11:24 發表


個度而家仲有個爛gag, 有個港式既路牌..aware vehicles cutting lane..真係笑死左我..

其實有方法可以唔駛咁危險, 又可以方便將來欣安既居民, 就係將入城安出口封左, 改為一個向馬鞍山路既出口,
反正條橋都可以 ...

當年擱置永久封閉恆信街支路（舊支路，已被大水坑站一個從來冇人會用嘅出口所封阻）、
改以恆泰路支路（現存條臨時支路，搞到出口位左切線右切線嗰條）取代之後，
已經出咗圖紙話會喺你所講位置，馬鞍山路城安出口興建永久支路代替，
而家行馬鞍山路入恆安方向望向左邊，或者行恆德街往西沙路條行車天橋往下望，
係會見到個草叢度一直都有啲木欄柵劃晒條永久支路個定線出嚟。

條永久支路成事的話40X、87D嗰堆線仲可以喺錦泰商場及／或曉峰灣畔外加多個站添，
只係城安出口冇咗就會有少少麻煩，807A入油站落客行多咗路啦，
去大水坑由暢順地轉兩個細左彎變成要喺個迴旋處度調頭，離心力揈到成車人屁股離座啦，
最慘係入欣安邨條恆智街仲要兜個大圈，當然如果換嚟馬鞍山路嘅安全就值得嘅，
但唔知點解路政署定運輸署話睇睇條臨時支路嘅情況點先再決定，一睇就睇到而家。

至於樓上話區議員阻住當年實行搬晒40X、87D嗰堆線出去行大老山公路而唔經亞公角街，
我認為係言過其實，區議員當然係一個因素，但當年只係路政署定運輸署單方面出份文件，
話馬鐵工程動工就要封咗條舊支路，封路就要搬晒堆線走唔經大水坑，完全係長官意志，
冇交代過替代方案，亦冇諗過真係實行的話有咩補償方案例如重組路線或者提供轉乘優惠，
而巴士公司係過程中係冇參與冇出過聲，居民同區議員見政府根本冇做過研究，
冇交出理據去証明乘客唔會受嚴重負面影響，面對突然少咗咁多條線，佢哋唔同意係正常嘅事。
若然政府喺RDP度講明經過研究後邊條線有替代品可以唔經，邊條線唔搬得走，
邊個路線組合要重組，受影響乘客有幾多，佢哋有咩轉乘優惠補償，
如果區議員仍然生人霸死地，你哋先慢慢譴責都未遲啦，但現實中係冇嘛。
又，咁多年嚟，巴士公司／運輸署都極少重提40X、87D嗰堆線嘅任何一條改行公路，
其實係咪都反應出佢哋覺得大水坑（富安加埋錦泰兩邊）嘅需求都唔細，所以寧願少搞作少煩惱呢？

原帖由 epsilon 於 2010-7-20 00:15 發表


又，咁多年嚟，巴士公司／運輸署都極少重提40X、87D嗰堆線嘅任何一條改行公路，
其實係咪都反應出佢哋覺得大水坑（富安加埋錦泰兩邊）嘅需求都唔細，所以寧願少搞作少煩惱呢？

有傳聞話係上頭要加大保鐵力度, 所以一D改到條巴士路線快既建議後來都不了了之..

不過九巴都識做咁, 開左86X, 81C特別班次, 89C特別班次..

原帖由 himchan 於 2010-7-19 10:21 發表


係喎，你唔講都唔記得
當時舊嗰邊要進行一些改裝工程，如加建大型路牌，所以改行新路
仲記得大老山隧道公路係第一條公路用快速公路標誌，當時的快速公路仲係用緊藍色底路牌 ...

個時政府仲拍左條宣傳片教人正確使用快速公路
http://www.youtube.com/watch?v=b_rx4-Y0Vuw

原帖由 epsilon 於 2010-7-20 00:15 發表


當年擱置永久封閉恆信街支路（舊支路，已被大水坑站一個從來冇人會用嘅出口所封阻）、
改以恆泰路支路（現存條臨時支路，搞到出口位左切線右切線嗰條）取代之後，
已經出咗圖紙話會喺你所講位置，馬鞍山路城安出口興建永久支路代替 ...

接駁到那個冇人用出口的行人路為了遷就那條臨時支路所以向入移了，於是令那個冇人用出口的一幅原應藏於斜坡的磚牆外露了出來，後來便用石屎覆蓋了磚牆

當年的馬鞍山路
http://www.youtube.com/watch?v=eQZyV3Wvgy8

原帖由 himchan 於 2010-7-20 01:39 發表
當年的馬鞍山路
http://www.youtube.com/watch?v=eQZyV3Wvgy8

當時的位置是否正是今天的單車徑？
（現時海傍的單車徑旁邊有一條引水道）

原帖由 KZ9314@YCC 於 2010-7-21 03:32 發表

當時的位置是否正是今天的單車徑？
（現時海傍的單車徑旁邊有一條引水道）

印象中, 那次意外出事位應該係城安對出.

當年, 個段單車徑應該連地都仲未有..