AE100十六年大修記

話咁快, 呢部94年11月出廠既100仔, 係我屋企服役滿7年了.
十六歲, 加LOADING就梗..去年冇墊底費後, 今年回復正常..
話左整咁多年, 今年終於一口氣整晒要整既野..

首先, 車機換左部SONY既, 不過效果唔好,遲D換部舊D既KENWOOD..
之後, 就係換避震機..部車個避震, 一坐多幾個就炒晒底, 過RAMP時成日整親..
於是, 係師傅既推介下, 換左AE111既尾避震機, 升高D部車, 又硬多少少..
車尾方面, 去年大修車尾箱後, 今年就連車尾泵把都整返好, 又將車底要燒焊既位都一併處理好,
做埋防锈處理. 車頭避震機係年驗時又換對新既....偈躉膠又換左, 還有車頭杯士..
真係要換都換晒..

車廂方面, 繼續努力搵冷氣風口中...而家只係搵到一隻好, 一隻唔係太好..另外, 車頭座椅因為調較唔到前後,
又換埋..

見部車已經整得靚靚地, 於是把心一橫, 訂左套Depo FX頭燈組連白頭燈...裝左之後..


真係靚仔晒..
仲有幾年就廿年車, 希望部車仲可以玩多十年八載..
好彩有個咁好既車房, 咁信得過既一班師傅幫手睇著部車.
而家十六年車既100仔, 成交價夠膽都仲成萬元.
聽聞仲有人八千狂掃走100仔出口...

歡迎討論

說得沒錯,100仔係車壇的傳奇.現在(當刀)房價都$6500,因我之前都有部手波100仔,擁有左5年,基本維修保養又慳油.只不過換車所以(當刀)左,但(當刀)前拆掉所有FX料都賣左$3500,即合計有$10000.

原帖由 176 於 2010-10-16 23:03 發表
說得沒錯,100仔係車壇的傳奇.現在(當刀)房價都$6500,因我之前都有部手波100仔,擁有左5年,基本維修保養又慳油.只不過換車所以(當刀)左,但(當刀)前拆掉所有FX料都賣左$3500,即合計有$10000. ...

早D講呀MA, 等我都可以拆下野...
講開又講, 今年的確少左好多100仔行街..但現存既, 一係就整得好靚..一係就殘到不堪....

原帖由 hkbw 於 2010-10-16 17:23 發表
話咁快, 呢部94年11月出廠既100仔, 係我屋企服役滿7年了.
十六歲, 加LOADING就梗..去年冇墊底費後, 今年回復正常..

想請問一下，部車幾多歲開始要加Loading?

原帖由 andeon 於 2010-10-17 23:09 發表


想請問一下，部車幾多歲開始要加Loading?

今年..即係過15夠16年的時候..

原帖由 hkbw 於 2010-10-17 23:21 發表


今年..即係過15夠16年的時候..

想問下加幾多Loading?

原帖由 cummins 於 2010-10-22 14:00 發表



想問下加幾多Loading?

唔記得左10%定15%, 反正都係只係一百幾十..

我架神野同你一樣年紀咁大,
4月第一次大執過之後,
而家計劃緊第二次大執,
不過想問下防[金秀]處理幾錢倒?

原帖由 da93 於 2010-10-28 18:23 發表
我架神野同你一樣年紀咁大,
4月第一次大執過之後,
而家計劃緊第二次大執,
不過想問下防[金秀]處理幾錢倒?

師傅話只要處理易有锈既地方就可以, 唔駛全個底做,
結果連燒焊連等, 都係二千幾攪掂.

原帖由 hkbw 於 2010-10-29 12:51 發表


師傅話只要處理易有锈既地方就可以, 唔駛全個底做,
結果連燒焊連等, 都係二千幾攪掂.

咁..
想問問你可唔可以PM講下你去邊間做?