颱風鮎魚討論區：(22/10晚上8:45pm取消1號戒備信號)

原帖由 kei_hk 於 2010-10-18 17:02 發表


不過﹐今次特別在高調在新聞講個風好勁﹐同埋暗示有機會影響香港﹐這是以住不會做的。以往真係去到200km 才會這樣做﹐看來天文台今次真係「淆底」。..

咁人地專業分析認為今次吹中既機會較高及因風力特別大而
比平時早作警示，淆乜野底呀？

一陣唔早講又話人失職，以前唔早掛，但結果又無因為無早
掛而令香港出現災難，咁咪即係我地既天文台都算稱職啦。

原帖由 HY671 於 2010-10-18 06:09 PM 發表


咁人地專業分析認為今次吹中既機會較高及因風力特別大而
比平時早作警示，淆乜野底呀？

一陣唔早講又話人失職，以前唔早掛，但結果又無因為無早
掛而令香港出現災難，咁咪即係我地既天文台都算稱職啦。 ...

你這樣講都算稱職﹐不過只是做了最基本的責任囉﹐在預報暴風襲港有一定的改善空間。

唔計今次﹐近年來都是很遲才通知市民有風來緊香港﹐連最基本的1號風球都極遲發出。

過往都曾試過﹐便是星期五下午掛1號﹐星期六黃昏可以出8號﹐真係當大家唔會去郊外玩﹐唔會去偏遠地區﹐唔會去露營宿營。

遲遲不發1號波﹐令大家沒有警惕。大家係唔會每一天都留意有沒有暴風來臨的﹐令到一個假象﹐一係無風﹐一有風便來得很快﹐但實情個風未到600KM 時﹐天文台自己都已經預測路線會偏向香港﹐為何不早一些發1號波﹐正正式式通知市民有所預備?

200KM 的距離﹐一般暴風都要大半天至一天時間﹐這樣可多一些時間給大家留意是否取消行程。



大家要留意的是天文台1號波發出的條件﹐只是有熱帶氣旋進入800KM 範圍﹐有機會影響香港。
即係可以比現在安排早一些發出﹐,現時去到400KM 才發出﹐作為一個預警的訊號﹐已經叫遲了。因為24小時後已經可以係8號波﹐真係去偏遠地方﹐根本做唔到相應的預備﹐因為可能已經出發。

發出的條件﹐係完全無提及風速的﹐即係同香港當時的風力係無關的。
http://www.hko.gov.hk/informtc/tcsignac.htm

這是戒備信號，表示有一熱帶氣旋集結於香港約800公里的範圍內，可能影響本港。 注意事項：如擬外出，應緊記有一熱帶氣旋正接近本港，可能影響你的計劃，並注意離岸海域可能有強風。留意電台或電視台廣播或瀏覽天文台網頁有關熱帶氣旋最新情況的報告。

最重要的﹐發出一號波都不會為社會運作有任何影響。即使最終個風沒有影響香港﹐天文台都沒有任何問題﹐因為只要入800KM 便可發出了 (當然唔會有人叻到明顯不影響香港﹐在800KM 邊緣經過都發1號波啦)。
真的不明白為何要押到最後關頭才發出1號波

[ 本帖最後由 kei_hk 於 2010-10-18 20:30 編輯 ]

今次天文台係算做得好0左0架喇
起碼預計佢真係會影響香港 路徑圖更新頻密0左 等各人更易掌握最新資訊

天文台1700─
進入南海後一邊減慢移動速度一邊增強 預計星期四達165kph強颱風程度

中央氣象局2000─
23日(星期六)晚至24日(星期日)凌晨 廣東恩平一帶登陸

中央氣象台2000─
颱風橙色預警生效
22日(星期五)晚至23日(星期六)早上 湛江、雷州一帶登陸

[ 本帖最後由 JN6854 於 2010-10-18 21:30 編輯 ]

超強颱風鮎魚於今日中午十二時二十五分，登陸呂宋半島北部，登陸時中心附近最大風力超過十七級，估計登陸時之平均風速達每小時205公里(即相等於三級颶風之上限)，最低氣壓為900hPa。鮎魚登陸後橫過呂宋半島北部，預料會在半夜前後進入南中國海並向西移動，隨後偏北份量將會逐漸增加，對華南沿岸構成嚴重威脅。

廣東省氣象局已於今天下午四時三十分，將防颱風災害應急響應級別，由四級提高至三級。

http://www.grmc.gov.cn/Article/2010/10/18/Article_4834.html

晚上八時，超強颱風鮎魚集結在北緯16.7度，東經120.6度附近，即在馬尼拉北面約280公里，中心附近最大風力十六級，平均風速約為每小時185公里(即相等於三級颶風之下限)，最低氣壓930hPa。

[ 本帖最後由 3AD172004 於 2010-10-18 22:18 編輯 ]

其實而家問打唔打得成風都係言之過早，因為鮎魚仍存在變數，雖然較早前有網站話鮎魚會以超強颱風甚至強颱風直吹珠江口或香港，但個風一日未出海或未入南海都係一個關鍵，加上踏入秋天本港受東北季候風影響，會另到颱風有所減弱，另外颱風唔會聽話走去邊就走去邊，它是有規律性走，所以唔好希望越大失望越大。

原帖由 HY671 於 2010-10-18 18:09 發表


咁人地專業分析認為今次吹中既機會較高及因風力特別大而
比平時早作警示，淆乜野底呀？

一陣唔早講又話人失職，以前唔早掛，但結果又無因為無早
掛而令香港出現災難，咁咪即係我地既天文台都算稱職啦。 ...

03年MAGGIE襲港天文台都係好早出預警

鮎魚於晚上減弱為強颱風，在晚上十一時集結在北緯16.8度，東經120.3度附近，即位於馬尼拉之西北偏北約260公里，中心附近最大風力十五級，平均風速約為每小時175公里(即相等於二級颶風之上限)，估計最低氣壓945hPa。

鮎魚的中心已經進入南中國海海面，初時向西或西南偏西移動，其後偏北份量逐漸增加，對華南沿岸構成嚴重威脅。

[ 本帖最後由 3AD172004 於 2010-10-18 23:29 編輯 ]

超強颱風魚已減弱為一強颱風。

原帖由 JX9097 於 2010-10-18 16:44 發表


小弟指嘅"運"係打工仔希望透過打風黑雨而獲得額外假期
而唔係一般所指嘅"好運"

閣下又諗漏左班打風都仲要繼續開工既人
其實有冇諗過因為打風而唔駛返工果D只係叫你留喺安全地方standby呢? 如果唔係就唔會出現落左波大把人趕返工既情形

不過似乎照天文台今次咁早預報既做法, 唔多唔少都估到個風對香港造成影響
睇住佢講得咁隱晦都估到周末就算唔打風都會落狗屎
至於會唔會如台灣方面咁預測, 我就覺得都有D機會, 當然我唔想打風

[ 本帖最後由 KR7295 於 2010-10-18 23:42 編輯 ]

原帖由 S3N280_FX8032 於 2010-10-18 22:00 發表
其實而家問打唔打得成風都係言之過早，因為鮎魚仍存在變數，雖然較早前有網站話鮎魚會以超強颱風甚至強颱風直吹珠江口或香港，但個風一日未出海或未入南海都係一個關鍵，加上踏入秋天本港受東北季候風影響，會另到颱風有所減弱 ...

不過天文台都話 因為東北季候風溝埋鮎魚0既風力
所以打唔中都好 香港0既風力都係會增強同埋有狂風(其實狂風有無定義？)