反對香港「被規劃」：珠三角灣區跨境行動計劃 (不斷更新)

綠道唔係畀車行架喎
樓主係咪曲解左D 野呢?

綠網, 我覺得應該用「綠化帶」會好D
睇完段野都似係講緊綠化帶
如果真係冇理解錯, 咁兩地一齊傾規劃都好丫, 好過香港呢邊做濕地/ 保育區, 深圳果邊就做污染區/住宅區

原帖由 AL_71 於 2011-2-4 15:06 發表

改標題想喚起大家注意力je..
今次「喪權」辱港的規畫真的是挑戰香港人最後底線
咁都接受，香港就真係絕對滅亡
完全同內地為一體

至於統一規劃，
留意新界西、東北新發展區的大片鄉郊地區將與深圳部份一併發展為所謂的「低碳住區」，當中「綠道網」並將米埔濕地公園與深圳對岸連為一體。有機會令新界北成為港島後另一個商業+住宅核心重要。現有的后海灣、南生圍以及流浮山的鄉村風貌將會消失。

今次個諮詢係粵港澳三地一齊搞架喎, 唔可以話係「喪權」, 正面D 諗, 仲有機會將香港保育理念帶到內地, 反而影響返深圳既規劃, 唔好將D 污染排晒去后海灣/深圳河, 甚至改善深圳既污染情況
仲有, 深圳另一邊可能都會做埋濕地, 濱海大道沿海 (以香港計, 大致係元朗工業區以北) 其實都劃左做紅樹林保護區架
P.S. 其實你知唔知咩叫綠道呢? 綠道同發展係兩樣野喎

原帖由 2A_DL13 於 2011-2-5 00:29 發表
是次規劃令不少港人震怒，我想是因為中央政府"協助"港澳規劃香港及
澳門的土地，而港澳政府似乎NO SAY，違反左一國兩制既政策

我完全睇唔出份規劃係中央政府規劃,
份規劃根本唔係內地單方面規劃,
而係三地政府共同磋商、互相配合的結果

而是次規劃係咪令不少港人震怒, 似乎仍言之尚早,
因為連生果報都未有大造文章 (政府有發新聞稿, 究竟係政府鬼崇, 定傳媒唔關心),
而網上除左某幾個"憤青網"外, 其餘都冇乜迴響,
原因可能係用字太誇張, 又冇提供規劃文件參考, 又冇報紙link, 叫人點信

P.S. 我係反對中港過度融合, 但唔代表要支持卑劣的上綱上線行為

P.S.2 有人對號入座扣分, 可見有關人士心胸有幾狹窄, 有幾排除異見

[ 本帖最後由 Kaix 於 2011-2-6 10:36 編輯 ]

原帖由 Kaix 於 2011-2-6 10:05 發表
我完全睇唔出份規劃係中央政府規劃,
份規劃根本唔係內地單方面規劃,
而係三地政府共同磋商、互相配合的結果

而是次規劃係咪令不少港人震怒, 似乎仍言之尚早,
因為連生果報都未有大造文章 (政府有發新聞稿, 究竟 ...

其實講真, 社會/傳媒無乜聲音都好正常, 其實呢類形合作規劃, 本身
唔係咩新野, 之前好多野, 包括城市規劃, 經濟規劃, 中港2地都有合
作開, 仲有一段長時間, 之前有站友提及的河套區, 香港邊境禁區開放
等, 都一早講緊....

而有關交通/網絡的連接, 一早亦已做緊, 深圳灣口岸, 落馬洲過境,
已開通, 日後高鐵, 港珠澳橋, 甚至港深機鐵, 亦已一早建設中/計畫中....
真係一d 都唔係出奇野...

今次份計畫本身暫時只是好概念性, 講返一d 平衡各方面的計畫,
以"宜居"為主...但其實真係無乜野講到, 一切行動計畫, 都是好初步,
並無乜好具體, 及好創新的建議/方案

所以, 吸引唔到傳媒, 及一般人士的興趣都好正常...

原帖由 ~誰@359~ 於 2011-2-4 18:46 發表
1. 深圳地鐵點解似香港係因為MTR堅係有份起
但係，你過兩年去墨爾本，話唔定都會見到咁上下既野
如果地鐵似就要硬融合，咁係咪香港要同墨爾本融合？

你係墨爾本一定唔會見到MTRo既野,
因為車站signage唔係MTR管,
墨爾本有個agency叫Metlink, 負責所有公共交通資訊及推廣,
成個墨爾本d公共交通標示及時間表都係統一風格

而且MTR在墨爾本係以子公司名義Metro營運,
Metro車身塗裝風格同MTR已經完全唔同

[ 本帖最後由 Kaix 於 2011-2-6 20:21 編輯 ]

原帖由 jpoon 於 2011-2-6 05:09 發表
綠道唔係畀車行架喎
樓主係咪曲解左D 野呢?

綠道係可以畀單車行的，綠道的定義可以參考呢個網：
http://baike.baidu.com/view/653638.html
大概的意思都係想整啲單車徑/步行徑畀人用，到時可以推廣生態遊、休閒之類的嘢

咩取消關口根本就無呢回事，佢只係話會加快清關手續同埋會簡化過關程序。
獨立媒體的嘢不直盡信，今次個作者自己一廂情願去曲解個計劃，明明唔係呢個意思就話到係「喪權
辱制」
不過今次個咨詢太神秘同埋太含糊，唔講真係唔知有呢個計劃，先會畀人詮釋成第個意思，無限上綱

政府終於在春節後回應了.
香港電台新聞:
規 劃 署 澄 清 不 存 在 內 地 規 劃 香 港 發 展

--勸勉獨媒的部分網友們:Change! You Need!

原帖由 hkth 於 2011-2-8 10:34 發表
政府終於在春節後回應了.
香港電台新聞:
規 劃 署 澄 清 不 存 在 內 地 規 劃 香 港 發 展

--勸勉獨媒的部分網友們:Change! You Need!

我又唔係好信lo D官講既野你都信得過架咩?!
呢d事都唔係第1次