政府正式開始為興建機場第三條跑道諮詢

老實，起條高鐵差不多七百億都只係為左駁大陸
但而家，只要比高鐵再洗多唔超過50%，得益既地方係可以駁通全球（包括大陸）
所以其實第三條跑道真係抵到爛…

原帖由 ~誰@359~ 於 2011/6/2 22:39 發表
老實，起條高鐵差不多七百億都只係為左駁大陸

你話如果起條高鐵只係為o左駁既係日本唔係大陸, 可以話六千億都大把人支持。

原帖由 ~誰@359~ 於 2011-6-2 22:39 發表
老實，起條高鐵差不多七百億都只係為左駁大陸
但而家，只要比高鐵再洗多唔超過50%，得益既地方係可以駁通全球（包括大陸）
所以其實第三條跑道真係抵到爛… ...

其實本身香港機場已經可以駁通全球

高鐵同第三跑道另一個分別, 係高鐵賺唔賺到錢係一個疑問,
但以機管局現時營運情況, 第三跑道有錢賺的機會高得多

仲有高鐵選址西九引來很大質疑, 政府未能有效說服各方為何非要在西九不可
但機場擴建就必定喺赤鱲角

機場擴建我是支持的
貨櫃碼頭已經輸咗俾人, 航空唔可以坐以待斃
不過我亦相信方案總有改進的空間,
希望政府到時肯虛心聆聽各方意見/提議

[ 本帖最後由 Quanta 於 2011-6-3 00:31 編輯 ]

原帖由 Quanta 於 2011/6/3 00:29 發表
貨櫃碼頭已經輸咗俾人, 航空唔可以坐以待斃

咁要睇下輸俾邊個, 輸俾日本冇所謂, 輸俾大陸就勢係假。

由此看可以睇得出高鐵和機場接受與否既分別和因素。高鐵係視為跟大陸融合o既工具, 但機場係同大陸競爭o既工具。

雖然當時都有提過高鐵唔延來香港, 內地網絡就只能以廣、深為終點, 香港會被 "邊緣化", 被廣、深取代, 可惜如果吸引來港的都是大陸人, 咁並非係一個賣點。

初步來講我傾向支持三跑道方案。基本上錢方面唔係我太大考慮因素, 反正而家 D 錢越來越唔值錢, 而且八百億係分十年八年俾。

我本來最關心既係中華白海豚o既問題, 不過如果實情如佢報告所講, 海豚主要出沒地方不在填海位置, 咁都可以接受。

不過我比較有保留既係空域問題, 我唔知報告有冇交待而家大陸方面o既空域限制將來會如何, 如果冇跡象解決到, 咁起多十條跑道都冇意思。我見佢報告中有起飛降落o既航道圖, 似乎和現有空域限制下的情況有衝突。

另外我有點關心 2030 年後會點, 搞大龍鳳起三跑道後都係維持十零年需求, 咁之後應該點?

我會留待諮詢期尾才交意見, 反正早交冇著數, 到時再多 D 聽下各方意見都好。其實大家都應該多 D 研究下佢 D 報告至俾意見, 無講浪費咁多咁好o既詳細資料。如果當年高鐵有咁多資料你話幾好。

原帖由 syp 於 2011-6-3 01:34 發表


咁要睇下輸俾邊個, 輸俾日本冇所謂, 輸俾大陸就勢係假。

由此看可以睇得出高鐵和機場接受與否既分別和因素。高鐵係視為跟大陸融合o既工具, 但機場係同大陸競爭o既工具。

雖然當時都有提過高鐵唔延來香港, 內地網 ...

俗語有句叫做「有麝自然香」
如果一個地方真係有佢既價值，咁其實你冇需要專登做一D野去取悅人地、想人地入泥
亦都唔驚甚麼邊緣化
香港如果真係咁好，大陸既朋友點都會坐飛機泥，有冇高鐵唔係主要因素
反而，如果冇第三條跑道，到個機場飽和果陣，係人地想泥香港都泥唔到，等同趕客，仲要係趕全球既客

同埋，即使中國如何地大國崛起，講機遇、機會都唔會及得上整個地球咁多
咁樣，如果錢係有限，咁梗係方便越多人越好
一千億for地球 vs 七百億for中國（=唔知幾多分之一個地球），邊個著數？

[ 本帖最後由 ~誰@359~ 於 2011-6-3 02:11 編輯 ]

講開機場新跑道，加埋港珠澳大橋
大嶼山出九龍同港島嘅交通仲頂唔頂得順呢？
係咪有需要起新公路/鐵路…？
真係起嘅話，路政署就要做野配合(例如新青馬連接路+青龍大橋)
除非想十幾年後青馬大橋塞過紅隧

[ 本帖最後由 WHYB630 於 2011-6-3 05:17 編輯 ]

原帖由 WHYB630 於 2011-6-3 05:07 發表
講開機場新跑道，加埋港珠澳大橋
大嶼山出九龍同港島嘅交通仲頂唔頂得順呢？
係咪有需要起新公路/鐵路…？
真係起嘅話，路政署就要做野配合(例如新青馬連接路+青龍大橋)
除非想十幾年後青馬大橋塞過紅隧 ...

閣下是否忘了路政署有計劃興建屯門至機場的連接公路及鐵路兩用隧道麼? 這樣就可以把部分青嶼幹路分流了.

原帖由 ~誰@359~ 於 2011/6/3 02:10 發表
俗語有句叫做「有麝自然香」
如果一個地方真係有佢既價值，咁其實你冇需要專登做一D野去取悅人地、想人地入泥
亦都唔驚甚麼邊緣化
香港如果真係咁好，大陸既朋友點都會坐飛機泥，有冇高鐵唔係主要因素
反而，如果冇第三條跑道，到個機場飽和果陣，係人地想泥香港都泥唔到，等同趕客，仲要係趕全球既客

呢段o野有 D 問題, 有 D 自相矛盾。如果機場飽和, 而香港又真係咁好個個要爭住o黎, 佢一樣可以轉機o黎, 經深圳機場轉巴士o黎, 或者用其他方法o黎。

按「有麝自然香」論, 應該乜o野都唔駛起, 坐o係度等人地以各種其他方法o黎就夠。幾百億不如用在香港本土製造多 D 「麝」出來?

況且, 高鐵係可以幫輕一下延遲機場飽和, 因為部份一千公里短途大陸地方會多左人用高鐵, 咁機場就可以有多 D 空間來開拓 "全地球" o既商機。

[ 本帖最後由 syp 於 2011-6-3 08:07 編輯 ]

原帖由 hkth 於 2011-6-3 07:11 發表


閣下是否忘了路政署有計劃興建屯門至機場的連接公路及鐵路兩用隧道麼? 這樣就可以把部分青嶼幹路分流了.

其實我記得當年起好青馬大橋, 已經預算遲d青馬大橋會塞車,
而除左屯門至機場的連接公路及鐵路兩用隧道, 其實當年仲有一方案,
係大嶼山連接隧道至港島西...不過當年設計係配合大嶼山南之新貨櫃
碼頭, 依家那位就變了迪士尼....但我想到時一定解決到, 那位置好多
設計都可解決

返正題, 睇返報導, 有d批評T2當年起得太簡單, 結果咁怏就要擴建,
咁事實上又真係有D怪, 現時T2功能太少, 似商場/遊樂場多d....

另外, 之前提及3跑道時, 指出有可能要飛機橫越現時北跑道, 影響左
現時北跑道的升降量, 但現在方案/表達, 則無乜提及, 而現在講及
新跑道將主要用作降落, 現北跑道(將來中間跑道)將主要用作起飛,
南跑道則2用, 咁安排下, 相信仲有新跑道降落飛機要穿過現北跑道
行到舊客運大樓, 希望到時安排會好一些...

p.s. 見唔少朋友都將機場新跑道同高鐵比...咁無可否認, 到現在, 香港
人仍然較接受飛機的交通模式(高鐵仲未有機會用到), 但我始終認為機場
同高鐵本身可以係無衝突, 甚至做到相輔相成, 如將來可以乘機鐵連接高鐵
及機場, 令2種模式的交通, 都達到最高效益.

[ 本帖最後由 3ASV196 於 2011-6-3 08:33 編輯 ]