影響巴士車務運作, 真不該-2011-05-17 九巴8P上

本來都唔想POST上來, 不過見B版又沒有邊版岩貼, 唯有上N版

2011-05-17下午接近16:00, 本人在海逸登上了一台九巴8P(HW7486)往尖沙咀, 在大環道東博出紅磡道時, 巴士突然在起步後停下,之後再駛了在旁邊停車,感覺到司機打開了門,跟著我就聽到一些爭吵聲,看見車長與4名手持相機的少年爭吵. 當時我在上層, 立即拿起了相機拍下去.


後來過了幾分鐘, 車長上車開了, 我見那班青年之一更向巴士方向舉中指.

之後我就由上層行了到樓下, 看看甚麼事. 車長表示, 已經連續2天有人在該位置放置雪榚筒, 阻礙巴士轉彎, 2次都見呢班青年係度, 懷疑與之有關. 車長到黃埔後, 立即向站頭匯報, 又攪了幾分鐘. 我就懷疑果幾個少年會再騷擾司機, 故立即拿了VIEW CAM向街外拍攝及問車上當時坐下層的乘客, 以留下證據. 如我所料, 果班少年的確站了在德康街手指指.

我同車長講, 如果有人因此事投訴他, 要找證人我願做證. 估不到的是, 昨天收到車長電話, 懷疑果幾個青年中的2人走了去九巴投訴, 大家認為, 除了作證, 我應唔應該去報警懷疑有人阻礙路面? 反正有關人士的聯絡方法已在巴士公司手上, 警方要查, 應該好易. 還有, 大家想唔想睇片?

[ 本帖最後由 leslie 於 2011-6-2 15:51 編輯 ]

如果你不介意，而又有相關證據，報警會是可行辦法。
不過，這些行為唔會判得重，知道有人報警後那些青年會唔會對車長不利？
這不是不報警的理由，而是你可能要給車長有個心理準備，
即使唔報警，你手上的證據對車長面對公司查問時都有幫助，九記是一間以客為先的公司。

我就唔想睇片，這個社會怨氣已經夠多，我唔想再睇人爭執。
當然你有自由選擇放唔放上網、貼唔貼link。

我奇怪的是，佢地擺雪糕筒阻巴士有咩用？條線又唔會改走。

原帖由 DIH 於 2011-6-2 14:06 發表
如果你不介意，而又有相關證據，報警會是可行辦法。
不過，這些行為唔會判得重，知道有人報警後那些青年會唔會對車長不利？
這不是不報警的理由，而是你可能要給車長有個心理準備，
即使唔報警，你手上的證據對車長面對公司查問時都 ...

樓主講左阻住轉彎

都唔明點解d人做埋d損人不利己既野
人地都係搵三餐，仲可能要照顧家庭..

唔好以為一兩個投訴、投訴不成立就少事

係比人投訴就比人投訴，個司機唔多唔少都有損失...

樓主只能夠證明投訴不成立，但司機個底花左就真係多多錢都賠唔到.....

擺雪糕筒可以令巴士被逼係某些 lane 上行走，
從而令巴士有更好的角度，影相更靚。
偶然都會有巴敗咁樣做。

近日 Facebook 內已經流傳不同巴敗利用各種不合情理的方法去干預巴士運作，
從而影到心目中的巴士相，而影唔到相就會責難司機/站長等.....
而消息亦可能已傳到巴士公司內部，小弟奉勸有關人士唔好咁過份....

P.S. 係 HW7486，唔係 7468.... 搞到我 search 唔到...
部車原來係星堤全車身廣告，怪不得成為「獵物」

[ 本帖最後由 da54 於 2011-6-2 14:49 編輯 ]

原帖由 DIH 於 2011-6-2 14:06 發表
如果你不介意，而又有相關證據，報警會是可行辦法。
不過，這些行為唔會判得重，知道有人報警後那些青年會唔會對車長不利？
這不是不報警的理由，而是你可能要給車長有個心理準備，
即使唔報警，你手上的證據對車長面對公司查問時都 ...

其實係邊班人做, 已經心裡有數, 私底下有關人等更透過第三者向我要求拿片, 我同那位第三者講, 他們不撤回投訴,就網上見啦(除了ITALK,不排除放上高登), 如果撤回, 大家當無事發生過.

係呢度,俾個最後呼籲果幾位少年, 還不收手(向九巴撤回投訴), 不要怪我好了~尊容一定會在各大討論區曝光(我已經唔擺見樣果張上來架啦)!

(呢單野, 初步都同警方西九交通部朋友提過)

[ 本帖最後由 leslie 於 2011-6-2 16:02 編輯 ]

干預巴士行車(係唔係影相都好) 真係影響到行車安全 假如個司機因為避開佢地既雪糕筒而撞車 無論有冇人受傷 都要報警 建議樓主除左放上網之外 放埋上報紙 等更多人知道佢地既惡行

之前KZ9022@76S,一樣有巴迷擺雪榚筒,搞到架車要行中線轉右,方便佢影
呢位巴迷咪就係呢度某位U廠歐三KR牌AP囉

本人認為把此事公開係最佳的選擇,對嗰啲視社會法律如無物嘅敗類要企硬!
不論該干人等有否撤回投訴,公開片段予公眾與傳媒體才能阻嚇到害群之馬.
而且,該干人等試圖要樓主交出片段更証明佢哋不知是非黑白,想逃避責任.
對佢哋一定要企硬至可以收阻嚇作用!

大聲夾惡唔係大曬,唔係大聲夾惡就可以做危害安全阻礙公眾嘅壞事!
影巴士就影巴士,唔好做埋啲如同流氓嘅行為.
依靠旁門左道嘅人根本無實力,最終只會一事無成.

更重要嘅係如果縱容害群之馬不斷做出危害公眾嘅行為,恐怕遲早出事.
千萬不要到有其他人因類似嘅事而受害至行動.

[ 本帖最後由 Dennis34 於 2011-6-2 23:02 編輯 ]

我又唔明點解樓主一開始就要針對住果幾位巴士迷
唔通人地手持相機就一定係佢地做？
如果照版友咁講擺個雪糕筒係為左影得靚d咁點解樓主又會話連續見到該幾位人仕出現呢？
唔通同一個位要影咁多次？
仲有其實樓主有無實質證據證明係佢地做
如果無的話我真係覺得哩篇似抽水post lor
仲話報警 唔好浪費警力啦唔該
* "唔係話幫其中一方,只作客觀回應"

ps 其實樓主話 用公開幾位人兄樣貌黎作為撤消對該位車長投訴的條件 算唔算係恐嚇呢？

[ 本帖最後由 LY7309 於 2011-6-2 23:48 編輯 ]

原帖由 LY7309 於 2011-6-2 23:46 發表
我又唔明點解樓主一開始就要針對住果幾位巴士迷
唔通人地手持相機就一定係佢地做？
如果照版友咁講擺個雪糕筒係為左影得靚d咁點解樓主又會話連續見到該幾位人仕出現呢？
唔通同一個位要影咁多次？
仲有其實樓主有 ...

敢問LY7309兄，你又何解覺得樓主是針對那班人呢？雖然係無實質証人／據係佢哋做、但係如果唔係做過心虛的話，
那為何需要透過第三者要求交出片段、還要惡人先告狀呀？再說、車長也只是覺得佢地同件事有關啫、不算針對吧。

我認為光明正大冇做過嘅、怕什麼他人影自己？