[貼圖]年初八 iT@lk 新春行大運

早茶後到達大帽山停車場


巧遇沙田順利單車運輸用 URVAN


小車組合照


全體合照


另一角度


隱藏戰車一號


雙生兒


隱藏戰車二號


雙生兒與隱藏戰車二號合照


今日雖然人唔多，只有十人左右，全數得七架車，但係今日氣氛唔錯。
早上 0930，o係荃灣集合後就上大帽山川龍飲早茶。果度 D 單線雙程路o既交通真係唔到您唔服﹗
的士佬同D Holiday Driver 有理無理就算前面有車都隊架車入o黎，最後就頂死晒o係中間……
飲完茶後，就去大帽山停車場影下相﹗但途中就發生o左兩個小插曲︰
1) 有版非版友o既同行車輛o係川龍倒車返回荃錦公路時，右邊車尾同架小巴擦過，同行車輪車尾多o左個『簽名』，而架小巴就甩o左粒沙板螺絲。但係小巴佬無追究，於是我o地就繼續上山。
2)到去停車場，好晒陣預備影相之際，有個女人渣住架 AE100 車住個光頭佬打直停o係我o地o既『車陣』前面，仲熄埋匙o忝﹗於是，我就上前，有禮貌地同佢講︰『唔好意思，我o地影緊相，唔知可唔可以泊去果邊旅遊巴隔離呢？』但果個光頭佬竟然o係此刻彈起架車個車頭冚，好唔客氣地回應我︰『我要入偈油喎，等我整埋先啦﹗』我即時火都o黎埋，我好聲好氣同你講o野，你咁無禮貌答我。由於我架車個迫力皮已經夠期換，所以架車上已經 Ready 好一套 DTM 迫力皮隨時換。所以，見佢咁唔客氣，我亦都唔客氣地，將架車駛到佢架車前，熄匙，唧高架車拆轆預備換o野﹗另一位版位亦都泊o係我前面抹車。個光頭佬見勢色唔對，就走返上車叫個女人開車走，但係佢前路已經俾我 Block o左，佢只好倒車由一個o岩o岩夠位o既空間度出。但此時，泊埋便o既一架萬事得亦都要開車，而果個空位，架萬事得係可以出車有餘o既﹗點知，果個女人唔理三七二十一，倒後o左一半，頂死o左架萬事得搞到出唔到，佢就回軑回o左十幾手，架車都係原位不動﹗(其實佢只要將架車郁前一米，已經可以夠晒位俾架萬事得出) 最後，萬事得上兩名大漢落車，指住個女人同光頭佬鬧，個女人先識移前架車。架萬事得走o左後，個女人都係搞唔掂，架 AE100 都係走唔到，最後，要個光頭佬渣，先可以三手軑倒車走到﹗成件事上，唔好話我無賴，我只係以其人之道還自其人之身﹗你唔客氣o既，我都唔使對你客氣，係想玩o野我隨時可以陪你玩﹗
影完相，去o左錦田 D 劏車場度睇料。之後就浩浩蕩蕩幾架車一齊入o左新界西北區一個車場度洗車、抹車、打蠟。而我架車，就順手換埋套迫力皮，同埋將左右兩隻前鮑魚噴o左做金色，扮晒 Brembo 咁

希望下次再有機會同大家去遊車河~ 下次帶埋我女朋友o黎~

[ 本帖最後由 FX8173 於 2006-2-6 00:44 編輯 ]

圖一: 左面個靚女係咪版友黎架？

圖四: 最左面銀色車是否 Aristo (Lexus GS300)
          可否介紹各車的車主是誰？

你地真係幾玩野喎, 不過人多勢眾, 怕佢有_ 呀！

原帖由 XF176 於 2006-2-6 00:36 發表
圖一: 左面個靚女係咪版友黎架？

圖四: 最左面銀色車是否 Aristo (Lexus GS300)
          可否介紹各車的車主是誰？

你地真係幾玩野喎, 不過人多勢眾, 怕佢有_ 呀！

圖一果位係非板友車友o既女朋友o黎o架，唔知點解，今日我第一眼見到佢已經覺得好面善，好似o係邊度見過咁…

圖四，最左果架係日產 Sunny o黎o架，唔係 ARISTO﹗

我係有鬼谷組貼紙果架 EG8 o既車主，其他有份出席o既快 D 入o黎『對號入座』啦﹗

[ 本帖最後由 FX8173 於 2006-2-6 00:43 編輯 ]

我尋晚先知今日有事用唔到車，所以黎唔到，希望仲有機會同各位見見面，
真係唔好意思....

原帖由 FX8173 於 2006-2-6 00:05 發表
早茶後到達大帽山停車場


巧遇沙田順利單車運輸用 URVAN


小車組合照
[ ...

well done!!對付d非常人有時真係唔用非常手段先得!!
今次版聚d車多左好多,相信下次應該會仲多(如果大師父連祖師爺黎埋仲好),不過係咪上次有d車今次冇黎?
ps:希望版方加快處理成立車會既事宜啦!!!

原帖由 arhang2001 於 2006-2-6 00:48 發表
我尋晚先知今日有事用唔到車，所以黎唔到，希望仲有機會同各位見見面，
真係唔好意思....

唔緊要啦﹗下次實再有機會o既~

原帖由 lee329 於 2006-2-6 00:54 發表

well done!!對付d非常人有時真係唔用非常手段先得!!
今次版聚d車多左好多,相信下次應該會仲多(如果大師父連祖師爺黎埋仲好),不過係咪上次有d車今次冇黎?
ps:希望版方加快處理成立車會既事宜啦!!!

據我所知就係喇﹗有D就車有事，有D就人有事，有D就唔合知醒等等，所以今次見唔到上次有o黎o既前輩﹗

＊等板方搞，分分鐘有排等~

原帖由 FX8173 於 2006-2-6 00:58 發表


據我所知就係喇﹗有D就車有事，有D就人有事，有D就唔合知醒等等，所以今次見唔到上次有o黎o既前輩﹗

＊等板方搞，分分鐘有排等~

唉...小弟就係車有事,初一當晚同班friend行完維園+食埋甜品,返去大坑渣車走時(5:30am),發覺錶板同埋右邊前後燈都唔著,好彩個天開始光,都可以渣返去西環飲早荼;之後自己check過又唔係燒灰士,而相熟車房又擒日先開檔可以放低比佢整,結果攪到後日先有車渣....

架車要驗，又冇順風車，所以冇到。
奇望下一次

我又貼一d  

全體


車仔兩部


Twins


兩部型車


尋日幾好玩，不過希望下次夾到時間多d車