東鐵應取消短程班次

原帖由 DIH 於 2012-1-8 23:31 發表

咁而家在火炭以南入廠都一樣會阻到南行列車。
只不過站在營商立場，既然南行客都係比較散，做得新界北幾個站不如唔好做。
反而北行九龍入沙田，有大圍轉馬鐵客，有城河西住宅客，可以撈多幾個，
熟客上短棍可以幫後車疏導，反而由 ...

或者南行短棍以大埔墟做終站都好丫。
反正每晚羅湖站都可以打爆尾幾卡,
站在營商立場，南行羅湖落上水，有大量羅湖貴客，可以撈多幾個，熟客上短棍可以幫後車疏導。

以前九鐵思維「從九龍開短程車入新市鎮，近郊班次可以疏ｄ」係時候要變喇；
東鐵如果不是羅湖旅客照顧，你們東鐵完蛋了。

原帖由 mmlcs36 於 2012-1-9 00:18 發表


說到尾，都只係強國人民冇睇清楚目的地上車
搞到要落車都唔知姐...

#4 都有講, 就算識睇, 好多人都寧願等下下班 (因為沙田再等下一班幾乎等於冇得坐), 結果成個月台都係等下一班 (假設短途車已開門上客) 的人

我認為根本沒有必要取消短程往沙田班次,
因為尖東歸西前, 現時晚上往沙田站清客再回廠的班次,
只不過係提早係尖東站清客並收車回廠,
而且仲影響正常的列車班次
(試過晚上10點幾俾班回廠車阻一阻,
前後兩班往羅湖列車的實際開出時間相距8分鐘......)
而九龍塘站北行月台積聚的乘客數目比現時有沙田特車更多...
現時晚上非繁時10時後收車時段有北行沙田特車,
最少可以清到演唱會散場時,
往九龍塘轉觀塘綫/往大圍轉馬鐵/往大圍及沙田果班乘客,
唔駛好似尖東歸西前咁,
成堆人塞晒係紅磡站2號月台望住班回廠車駛過,
然後再爭相迫入下一班往羅湖列車,
搞到班車未到九龍塘已經頂閘

現時東鐵晚上有咁多沙田特車都係班次加密後要收車所致,
以前咩支線都無, 晚上幾乎清一色都係往羅湖,
晚上10-12時唔駛收咁多抽車, 通常每5-6分鐘一班車,
而家晚上11點前兩班羅湖車中間攝一班落馬洲/上水車
就只係約每3分鐘就一班車(羅湖-3分鐘-落馬洲/上水-3分鐘-羅湖)
一到北行往羅湖/上水方向轉為每6分鐘一班時段(晚上11時前),
南行仲有5-6抽車由落馬洲返回紅磡,
同前後車只相距約3-4分鐘,
結果就導致紅磡站出現大量準備回廠的沙田特車了
尤其晚上10-12時, 紅磡往沙田的班次最少有7班,
直至最後一班落馬洲往紅磡列車到達紅磡(約23:50),
23:54最後一班往沙田列車開出後先再無短棍攝係長途車中間,
而另一班往大埔墟的只係泊過夜, 估計為了方便第二日出車~

原帖由 h2o 於 2012-1-9 00:54 發表


#4 都有講, 就算識睇, 好多人都寧願等下下班 (因為沙田再等下一班幾乎等於冇得坐), 結果成個月台都係等下一班 (假設短途車已開門上客) 的人

尖東歸西初期好多人都唔知可以偷雞
走去另一邊月台上較快開出的羅湖/落馬洲列車,
於是就成堆人企係度呆等~
(可能聽左宣傳講只需走到對面月台等車就夠)
而家就多左乘客會望下塊顯示板睇目的地同開出時間,
若果另一邊月台的列車仲有2-3分鐘先開又夾o岩目的地,
就會考慮趕急地從最接近自己的上落電梯衝去另一邊月台登上
果班可能唔駛食西鐵轉乘客,隨時仲有大把位坐的列車
(有部分連走過對面月台都唔識的大陸旅客,
都可能會問下人點行過去/係咪可以去另一邊月台轉車)
就算另一邊月台果班車要食下一班西鐵列車轉乘客,
都一樣可以捷足先登先行上車~

至於另一班唔知自己身處的月台連續兩班車都開去沙田,
坐/企係度等超過10分鐘都未上車的人就算吧啦

原帖由 ES464470X 於 9/1/2012 01:41 發表

現時東鐵晚上有咁多沙田特車都係班次加密後要收車所致

如果係咁，編班編好啲，
甚至將部份回廠車行多一轉 (一轉咁大把) 上水，
又得唔得呢？

原帖由 238X 於 2012-1-9 09:49 發表


如果係咁，編班編好啲，
甚至將部份回廠車行多一轉 (一轉咁大把) 上水，
又得唔得呢？

港鐵肯咁做就梗係無問題
因為日間一早已經有回廠車去到落馬洲先收車,
夜間11點後都有上水車清客後開去落馬洲/羅湖貨場側線先再調頭回廠,
問題只係夜晚11點後火炭至上水一段係咪仍然有需要每3分鐘一班車
現時夜晚11點後火炭至上水一段北行每5-7分鐘一班都夠載,
係週末/大時大節/演唱會散場先會過左沙田站都仲企滿人,
但都仲上到車, 所以實際上都幾難說服港鐵慳少d電,
安排更多往沙田列車改往上水清客後先回廠
(尖東歸西咁耐, 我只係見過週末/假日晚上
其中一班往沙田列車或因應週末多人夜歸而改為往上水,
平日一至五果班車都繼續以沙田為總站)

原帖由 mmlcs36 於 2012-1-9 01:07 發表


晚上兩邊都有收車...

係兩邊…
問題在短棍只出現在北行班次，或許我少搭東鐵，我未見過南行列車以中途為終站

我覺得香港人有時好聰明，有時有D愚蠢。

港鐵於九龍南綫通車時，單張有講到，廣播有講到，往羅湖/落馬洲，可以去上水轉番車。但唔知點解D職員(下至清潔，上至車站助理，都叫你去對面月台…)

但往沙田，火炭，大埔墟等點算？？
其實搭一個站去旺角東站，一落一上咪得囉！

紅磡站坐旺角東站，行李不是問題，總好過O係紅磡站O個部細到死既lift等……分分鐘等同月台(兩班車)都快d…
座位，如果要係冇位，紅磡站上車都係冇位，如果較為少少非繁忙既時間，旺角東站唔會冇位坐卦……