終於一嘗 C-Train，造工真的很差

原帖由 lrv1092 於 2012-2-5 07:44 PM 發表


連座位既紫/綠都甩.......
對比返舊車d橙色座位
真係唔知點解會咁快+嚴重

舊位是原身色﹐所以便沒有甩色問題。

新位是原身白色再上色﹐所以上色部份便會慢慢磨擦下變薄(顏料層)﹐最後會無晒露出底油﹐便做到甩色現象。

原帖由 lrv1092 於 2012-2-5 19:44 發表
連座位既紫/綠都甩.......
對比返舊車d橙色座位
真係唔知點解會咁快+嚴重

中國車，中國人手工，用埋中國材料，唔甩皮甩骨就有鬼。

呢個唔係體制問題，而係思想問題。中國產品，個Spec你寫到幾好都無用，因為大部分中國人根本無「精益求精」概念，無論工人定管工都唔會依足規矩同跟Spec做嘢，只求過骨就算。所以中國工廠間間都掛住「質量重於泰山」Banner，但永遠唔會見到質量過關。

SP1900公認係好車，當年雖然都發生過著火意外，但日本廠方負責到底，深入研究問題所在而且更換所有部件。「近畿車輛」金漆招牌你唔信，信長春客車廠？唔好忘記，長客前身都係日本人管治中國東北時，「滿鐵」建立嘅鐵路事業。

原帖由 PB602 於 2012-2-5 21:24 發表


中國車，中國人手工，用埋中國材料，唔甩皮甩骨就有鬼。

呢個唔係體制問題，而係思想問題。中國產品，個Spec你寫到幾好都無用，因為大部分中國人根本無「精益求精」概念，無論工人定管工都唔會依足規矩同跟Spec做嘢，只求過骨就算 ...

OT：
日本車自己用到唔要可以再中古車賣畀泰國印尼，中國車一手都唔知用唔用到二十年，
反正中國本身鐵路（地鐵、普鐵、高鐵全皆是）發展飛快，就算架車耐用，政策上都要佢out，
廠方自然也沒有要將部車裝到好好睇睇行個三四十年的打算及經驗，中國車天生已經係「半分車」了。
廠方沒有要求，工人更加闊佬懶理，差不多先生一直沒有死。

睇下千九，而家話咁快已經十幾年車，除了外殼因營運者的問題而略顯骯髒外，
整體感覺仍然好新淨，機件方面以乘客角度亦唔覺有大問題。

[ 本帖最後由 DIH 於 2012-2-5 21:54 編輯 ]

原帖由 rickywk 於 2012-2-5 15:05 發表
有江湖傳聞話有兩抽車退返比長春添，但暫時無辦法證實，大嶼山呢輪亦無乜風吹車動，話晒成16卡車，唔經海路走，唔通經飛機走咩...

之於Made In China問題，我覺得同監工不力有關，新加坡批C151A行o左接近一年，無乜大病痛，批車運到新 ...

其實話說有監工同無監工嘅分別，響Ctrain上都可以看到，
據說就係頭三抽係長客自己整，跟著港鐵開始發覺唔掂時，由第四抽開始先係有港鐵嘅人睇住。

我自己就TS#3、TS#5、TS#6都坐過。內裝裝工感覺上TS#3直係最差，
不過可能因為港鐵派人上去嘅時候已經只係可以亡羊補牢，其實TS#5、6都唔好得去邊…

再講落去, 國產貨(彷製外國貨)最多係抄到個樣, 但杪唔到外國貨O既精髓,
話晒批英國列車有成百幾年英國工藝技術(Workmanship)、經驗去組裝,
大陸方面用十幾年時間去"響"鐵路方面"超英趕美", 真係
批車"無自行解體"已經要"還神"...

原帖由 tvcc 於 2012-2-5 23:18 發表
再講落去, 國產貨(彷製外國貨)最多係抄到個樣, 但杪唔到外國貨O既精髓,
話晒批英國列車有成百幾年英國工藝技術(Workmanship)、經驗去組裝,
大陸方面用十幾年時間去"響"鐵路方面"超英趕美", 真係
批車"無自行解 ...

Workmanship同經驗關係不大，反而同工人/廠方嘅心態關係大D。

幾十年前嘅中國上海製造嘅鳳凰牌單車、蝴蝶牌衣車，鋼水方面因為工業技術問題可能未必係最好，但Workmanship絕對係一流，主要因為當年上海工人心態上仲係好認真，所以以前「中國上海」係品質標誌。

而家成個中國都係心急浮躁，樣樣都要做世界第一，唔會一步步由基本功搞起，所以咪搞成咁。

就好似高鐵，之前搞咗十幾年，由大白鯊、爛箭、中華之星，總有大大小小問題，證明基本嘢未掌握得好。本來引入外國技術，慢慢吸收消化係好事，但人地賣300公里技術你咪慢慢整300公里級列車囉，三幾年間竟然「改良」出480公里「中國速度」，如果高速鐵路工業底子真係咁深厚，點解當年爛箭整極都係咁爛？

本身對新車都有期待,果時睇新聞講到架車點好點好,咩咩最質素最好,最硬淨。但係依家聽完大家咁講,覺得真係唔坐好過坐,貪平買埋曬D垃圾貨,一陣有咩信號故障,地鐵追尾都唔出奇......

原帖由 PB602 於 2012-2-5 23:57 發表


Workmanship同經驗關係不大，反而同工人/廠方嘅心態關係大D。

幾十年前嘅中國上海製造嘅鳳凰牌單車、蝴蝶牌衣車，鋼水方面因為工業技術問題可能未必係最好，但Workmanship絕對係一流，主要因為當年上海工人心態上仲係好認 ...

仲有D咩咩長白山號,好似係永久封存(睇維基講的)......其實D和諧號都唔知安唔安全,有無隱患,而且永遠都唔會按所講既時間1hr9min行完廣深

高鐵果D行快果少少,但零件就消耗勁好多,如果真係行500km載客,我覺得搭飛機好過

[ 本帖最後由 Jacob 於 2012-2-6 00:05 編輯 ]

原帖由 PB602 於 2012-2-5 23:57 發表


Workmanship同經驗關係不大，反而同工人/廠方嘅心態關係大D。

幾十年前嘅中國上海製造嘅鳳凰牌單車、蝴蝶牌衣車，鋼水方面因為工業技術問題可能未必係最好，但Workmanship絕對係一流，主要因為當年上海工人心態上仲係好認 ...

改革開放前的中國貨可能真係好野黎，最少家中以前有些國貨真係用左好耐先壞
但可惜宜家係衰到全世界都知
中國一向都係鐘意買外國的野，然係自己改少少野黎提速
就叫做自主研發...真可笑

不過有時就算車係完美的，但配套和管理上有問題都係會頻頻出事
就好似CRH2係base on日本新幹線E2系的產物
已經係溫洲事故中打破了日系高速列車的安全記錄

講番香港
港鐵經歷過今次後，到底會放棄購買國產列車
還是繼續買黎換東西馬鐵的列車呢?

其實手柄位油漆剝落問題，除了施工問題外，主要是表面處理和油漆類型問題，大陸有些廠家貪便宜，用不夠耐磨的油漆或膜厚不夠的話，也會出現這樣問題。