[英國東部] 經典巴士變校巴養老 Part 2 (多圖 / 劣相 / 劣片)

上回講到由 2011 年初發現一架深藍色 3頁門校巴經過學校但苦無時間影車，到終於有時間守株待兔時就出替車
http://www.youtube.com/watch?v=ARqVEKtPrmE (H653GPF，同 Part 1 介紹個架一樣，係 East Lancs 車身 B10M)

一拖拖到情人節翌日，終於見到真係架 Volvo Ailsa 行過，好彩問同學借個部相機開機快，真正"路過一攝"
http://www.youtube.com/watch?v=mG7m-g-RtdM (SRC109X)
可惜係 Voith 波箱，後期版 Ailsa 車軸同傳動組件已經唔同，無 SCG 波箱個批好似唱著歌吹著哨子咁飛


有日得閒行去學校後門，遠遠行緊見樹叢見到堆深藍色已經心跳加速，一行到黎見到終於睇到佢真面目，
可惜第一次又無帶相機；第二次時終於影到 (自己部千零蚊港幣單反樣 DC 仔，加上電腦程式後期執過先有以下質素)


隔幾日再黎過，終於得嘗所願，架 Volvo Ailsa 就係架核突 B10M 後面，可以近距離掂下佢影下佢


證明自己無睇錯，第一次見個部巴士真係三頁門 Ailsa

Ailsa 三頁門開門方式係 B2 版之前已有人問過，不再詳述
(http://www.hkitalk.net/HKiTalk2/viewthread.php?tid=566124 本文主角同該文章底部個架 Ailsa 車身亦一樣)
門底 (或者門頂) 估計係有野連接著第二頁門
印象中當日見司機從車外開門時，微弱既氣動風已足夠令第二三頁摺起少少 (不過唔夠風，之後就要用手拉開成度門)，
即係機關上有野駁著第二頁，不致令只有頭頁開入去但二三頁只向橫移而唔摺起

著偈叉風後，閂門力度同以前 3N/3BL 差唔多或者弱少少 (無 3N/3BL 咁樣回彈法)，唔似以前 MC/TC 永遠都好似閂唔晒咁
個人覺得三頁頭門設計先進又聰明，可以做到闊門之餘，車門佔用地台空間較少，唔使好似 3BL 咁留一大級或者 3N 咁係門底挖個窿，又比四摺門少一邊機械
不過 Ailsa 後至今全英國大部分地區巴士至今雖然重係用單門上落，但再無巴士用此三頁門設計，
可能係大家後尾又覺得用翻四摺/左右兩邊單頁式車門維修同操作上較易，例如可以開單邊門


拍攝時幾男一女司機聚埋係前面 B10M 度休息/傾偈 (唔係以前中巴大站泊埋一二邊個堆巴士裡咁樣"休息")
渣佢既女司機車型唔高大，但夠鐘開車時，佢選擇由前車落車，沿 Ailsa 前門入去，跨過引擎室去司機位，唔選擇右邊司機位門
(本人不久前先知道成人單車有分男女，所謂"女裝"單車分別在於車架前後轆中間條金屬整矮少少，
方面女士跨上單車，該女司機身高同本人/普遍華人學生差唔多，六呎少 d，
照計可以行去右邊用司機位門呢條"正途"，唔使咁麻煩由要用手拉開度門又要跨過副偈；
不過諗深一層呢類巴士擒上車未必容易，而且可能觸動重要零件，
細個中秋節係維園見中巴 S15 外借完做瞭望台，呢架真係 half-cab 巴士但司機都竟然係由副偈個邊擒上去開車)


拍攝相片當日，本人只係到英國留學半年，"非我族類"既心態下，唔夠膽問司機上車影
(平時用 Bus Pass 搭開既既 First Norwich，學校曬命線附近住宅區線司機都好好禮貌；
但較長途兜路既線司機唔知點解心情好似特別差，對著華人似乎特別黑口黑面咁)
又唔夠膽舉機係司機位窗度影落去，免得被誤會要偷車 (雖然英國東部 Norwich 治安睇落相當好，周圍渣車既人泊完車都只係用最基本設備鎖好架單車/私家車就行左去，推論落去即係賊唔係太多 )



不過可從此圖睇到司機位
唔記得此車定前面架 B10M 貼左張貼紙，寫著鎖 50 定 55mph 既提示，估計有機會係上一手留落黎
(共三架 NC 車身 Volvo Ailsa, SRC109/110X, TCH116X，但通常係 109X 做 UEA Sports Park 接送；
三架車連同昨日貼架 B10M 上手車主係 Arriva Midland，由 Derby 賣去 Ensign 輾轉到 Norwich School 手上
不過 Ailsa 係二手車，B10M 就已經係四手)


(前期版 Ailsa 包括中巴 AV1, AV2 一樣用半圓形標板，軑盤係類似 Benz 個標誌或者將一個圓形分成三等份個種款式，轉貼一架除左外觀之外同 AV1 一模一樣既 Ailsa
http://www.youtube.com/watch?v=Nl1mXPlJNe8&feature=relmfu)

此車就用後期版 Ailsa 個種四方形標板，標板同軑盤都跟中巴 AL 一樣
真係想知 AV3-8 標板同軑盤係跟前期定後期版，特別係 Voith 波箱既 AV8......


tup 車個零鐘後到三點零鐘，隔離 Sports Park 班鬼仔鬼妹差唔多落堂，司機各自埋位
(著車後叉風踩油聲同片中此車一樣，此車又係配 NC 車身
轉貼：http://www.youtube.com/watch?v=-6-LA6anJ54)


然後駛去前面無幾遠 Sports Park 門口等佢地
http://www.youtube.com/watch?v=iQKph27JAWE



成架車睇極都覺得好似都普雞鴨


幾架校巴車身保養都麻麻地，特別係深藍色呢兩架雙層 (加埋文章頂影到個部同款 B10M)
到處可以見到凹左爛左既痕跡，車身漆油亦甩甩地
但架 Ailsa 車尾入油位呢度凹得好特別，令人分唔清係原裝設計定撞車技巧高超


Ailsa 其中一個特色係樓梯比相若設計 (前置引擎、full-front、車門在車轆前面) 既雞、鴨、Guy Wulfrunian 擺得更前
司機位後面已經即刻係上緊樓，上到頂已經差唔多車頭，唔夠位擺凳，索性變成樓梯通道一部分
傳動軸軸心望落去好似同中巴 AV/AL 不盡相同，望落比較似 AV3-8/AL 既混合體


不久後陽光普照，當然唔好錯過機會，再影過，不過今次架 Javelin 就無出現，頭車變左架 van 仔


比較一下上圖呢部 "90後" (89 年尾) B10M 巴士配 East Lancs 車身，此車身亦適用於 Dominator / Olympian
外形同線條古怪，似抄 ECW 車身既 coach，加上四四方方直角車窗

相比下圖 Northern Counties "80後" (82 年) Ailsa，線條優美得體，睇外殼應該無人相信上圖架巴士比下圖後生咁多
(又或者話，只憑外貌應該無人相信架 B10M 只有廿年車齡，反而架 Ailsa 當時已經 29年車)


似乎中學同小學部會輪流黎 UEA Sports Park (對外開放，原來呢度係全英國最大運動場黎) 上體育堂
個人所見英國 (至少 Norwich 係咁) 呢一代小朋友父母年齡可以好後生，好多時係街見到染晒髮食著煙咁推著 BB 車，
個樣應該都係二十，甚至比本人更後生 (白人比華人易老，但睇落佢地年紀實在同自己呢邊本地大學同學一樣甚至更細)，分分鐘呢 60-70 個鬼仔鬼妹父母都係搭呢款巴士大


起步走人，http://www.youtube.com/watch?v=QmsAsvI5Pgw

有 Ailsa 愛好者留言話正路起步唔係咁慢；上 youtube 睇過配 SCG/Voith 既 Ailsa 行車片段，起步的確可以快得多
但講到尾，佢副 6.7 公升引擎 (雖然有 turbo，轉數可以去到好高)，保養一差起步加速實在會鈍得驚人
正如好似 B6/B6LE/B6BLE 副 5.5-6 公升引擎，但原裝係 ZF 波箱配行大車 tunning，行順左或者識玩既可以好好飛，但保養一差就玩完
舊年係 Coventry 搭過 NXWM 批 5xx，加速實在差強人意 (英國無冷氣版估計配 180匹引擎，不過香港個批引擎力水高一級既同類一樣可以慢得驚人，
試過夏天係香港搭 13xx 經過一個警察指揮交通既迴旋處時，架車起步慢得警察都黑埋塊面叫司機快手駛開，以為係司機係度慢慢行特登阻著晒 )


順手貼埋上次 Part 1 架 B10M 起步，1 波油壓力水睇落未算太勁，但下一秒一轉入 2波油壓後成架車係有姿態有實際咁向前狂飆，
加速力快到波箱都醒水直接跳晒直結段，(片中所見) 轉 3波後仍然係拖著油壓段咁繼續狂衝
https://www.youtube.com/watch?v=qS7M9iUFvXghttps://www.youtube.com/watch?v=R8QECADoh9s


兩段分
別係 2-3 月間共四條片剪出黎，可惜呢兩段一係落雨多車一係滿人，感覺同呢一兩年九鐵批 4xx 差唔多
肉眼見過架 H684GPF (B10M) 無落雨下空車起步加速，係比片中再快多兩錢重  

[ 本帖最後由 HW8373 於 2012-4-9 21:08 編輯 ]

正…真係大開眼界
估唔到英國仲有Ailsa呢d咁舊既車行緊!
我都跟番張Volvo Ailsa先

P.S. 你講果個六呎少d既女司機都唔算高大?

[ 本帖最後由 ME 於 2012-4-10 06:29 編輯 ]

原帖由 HW8373 於 2012-4-10 05:05 發表
舊年係 Coventry 搭過 NXWM 批 5xx，加速實在差強人意 (英國無冷氣版估計配 180匹引擎，不過香港個批引擎力水高一級既同類一樣可以慢得驚人

Coventry廠那批B6LE就算吧……全廠七部B6LE基本上都是「極品」，踩地板油起步慢到都可以
拉牛上樹。
不過普遍NXWM的B6LE保養也是差，也因為這樣行了十一、二年已經開始大批退役。

回來再坐城巴#13XX，反而覺得不錯。

部艾紗一手車主係卡地夫城(cardiff)巴士？

始終細cc Turbo，就算用Voith保養好都只算去到，而且好易用到地板油先有合理反應....最重要重車又或是暗錯的情況先慘....

原帖由 ME 於 2012-4-9 22:25 發表
正…真係大開眼界
估唔到英國仲有Ailsa呢d咁舊既車行緊!
我都跟番張Volvo Ailsa先

P.S. 你講果個六呎少d既女司機都唔算高大? ...

噢，大家看起來快要失望了
前幾日去造訪呢堆車平時泊既地方
http://maps.google.co.uk/maps?hl=en&ll=52.669159,1.321811&spn=0.000244,0.000703&sll=52.668927,1.321571&sspn=0.001962,0.005622&oq=norwich+rugby+&t=h&z=21&layer=c&cbll=52.669159,1.321684&panoid=B6kwj6peCWK2fNnBqGHKfw&cbp=12,293.69,,2,-1.51
內有學校睇場負責人咁橋放狗/巡場經過 (因為成日有人偷偷地入去踢波/偷渣巴士/偷柴油/搞破壞)

Google map 衛星版同行街版可以見到 3架 Ailsa (幾年前)
前幾日就只得翻兩架 B10M，泊係場尾爛地，link 入面 Ailsa 個位停左一部 Javelin
問過該負責人佢話岩岩送左幾架雙層去湯 (相信係 Ailsa)

佢話現時有三部雙層，第三部係車房整緊
但之前上網 search 過話最近該校去 Ensign 買左部 R殼 olym 代 Ailsa
照計應該係 Ailsa 去死了
過幾日等架車係車房翻黎再去睇過先


6 呎少 d 既大學白人女同學/教師/侍應大把
但女巴士司機通常都係肥婆，唔肥都好高大的

原帖由 DK704_3N133 於 2012-4-10 15:54 發表
部艾紗一手車主係卡地夫城(cardiff)巴士？

cardiff 都有買呢隻 NC 身 Ailsa，現時應該都有人保留呢隻身既 ex-cardiff ailsa

不過相中深藍色主角係 ex-Derby

Ailsa : Arriva Derby/Derby City Transport > (Ensign) > Norwich School

佢隔離 Part 1 個部 B10M : London > London > Arriva Derby/Derby City Transport > (Ensign) > Norwich School