尖沙咀站計劃增加K11隧道出口

憲報公告第2757號:

鐵路條例 (第519章)--(根據第6(4) 條規定所發的公告)--港鐵尖沙咀站加拿分道行人隧道及出入口修改工程

--圖則即將上載至路政署道路及鐵路專頁內.

其實尖東已經有出口去K11，有冇實際需要再加出口去K11呢？

港鐵在去年已經將「尖沙咀站加拿分道行人隧道」工程資料上載至港鐵網站。

原帖由 stevenlim84 於 2012-4-27 09:18 發表
其實尖東已經有出口去K11，有冇實際需要再加出口去K11呢？

呢類隧道雖然係由港鐵起，竣工後由港鐵擁有及管理。
但一般黎講係相關物業的業主出錢起，唔係全資都佔大部份。


即使己有現成出口，新出口可能令原本商場死角位變成出入口，提升物業租值，對業主而言己經係個好誘因。
港鐵方面，多個出口唔多唔少會多佐人用，加上係業主出埋隻雞，相信很少會推卻。

所以，除非有其他決定性的因素，誇張D講，只要業主覺得有需要又肯出錢，想起多幾條都無問題，

原帖由 s3n370 於 2012-4-27 17:57 發表
呢類隧道雖然係由港鐵起，竣工後由港鐵擁有及管理。
但一般黎講係相關物業的業主出錢起，唔係全資都佔大部份。

那樣為何太古廣場的出入口是由地鐵興建，但是業權卻變成太古地產呢？另外如昇悅居的D2出入口是由港鐵還是信德興建呢？因為啟用前D2出入口的指示牌是有港鐵標誌、字體是港鐵款式，但是啟用後卻變成沒有港鐵標誌。

另外最特別的是如筲箕灣站B2,B3,D1,D2出入口是由路政署負責興建，建成後則交由地鐵管理，不過出入口的設計是與地鐵興建的不同，例如：B2,B3,D2出入口的地板是石屎而非䃈磚、D1出入口的地板是淺藍色。

提外話：連埋街外的行人天橋是由港鐵興建，建成後交由路政署管理。

原帖由 hkaiw 於 2012-4-27 21:17 發表

那樣為何太古廣場的出入口是由地鐵興建，但是業權卻變成太古地產呢？另外如昇悅居的D2出入口是由港鐵還是信德興建呢？因為啟用前D2出入口的指示牌是有港鐵標誌、字體是港鐵款式，但是啟用後卻變成沒有港鐵標誌。

另外最特 ...

其實呢D隧道, 有不同地政文件及合約安排, 好難一概而論, 以我所知,
有部分係以Easement (地役權)由地政處批俾有關商場業主, 以可以佔
用官地去作隧道連接地鐵站的通行...

而付款是以每年支付, 再由政府收取/與港鐵瓜分, 而有關每年支付金額,
則會定期由地政處檢討....

而管理係邊個, 應該係睇有關商場業主同港鐵商討決定~

講到業權, 唔好以為呢d隧道係同地鐵站一樣樣, 就一定係港鐵"擁有", 其實
有d係官地再批個"right of way" 俾有關商場業主的......而這些亦解釋返點解
有d 隧道係商場化左....

[ 本帖最後由 3ASV196 於 2012-4-27 22:10 編輯 ]

原帖由 hkaiw 於 2012-4-27 21:17 發表

那樣為何太古廣場的出入口是由地鐵興建，但是業權卻變成太古地產呢？另外如昇悅居的D2出入口是由港鐵還是信德興建呢？因為啟用前D2出入口的指示牌是有港鐵標誌、字體是港鐵款式，但是啟用後卻變成沒有港鐵標誌。

另外最特 ...

地政方面, 3ASV196兄所言, 唔同情況有唔同做法.
再補充一點, 隧道入佐私人地段但不牽涉收地ge, 私人地段內的隧道業權自然唔會係港鐵而係私人地段的業主.

工程方面, 亦都有唔同安排. 入佐私人地段的隧道段, 多數會由業主委託港鐵做埋工程管理, 亦由同一承建商負責施工.
亦有係由業主做番自己地界內的工程. 據知有隧道入佐兩個不同地段, 兩個業主的處理方法都有異.

至於你提及到筲箕灣站的例子, 其實甚為普遍, 只係好多時不為一般人留意.
政府部門 / 公營機構之間會協調各自的工程計劃.
遇到不同工務部門 / 公營機構同一位置, 相近時間有工程計劃, 就會協調, 睇下一次過由其中一個機構 (的承建商) 執行會唔會好D.
一次過由其中一邊執行計劃, 好多時可以避免重複工序以節省金錢, 及減少工程對社區的影響.

[ 本帖最後由 s3n370 於 2012-4-29 03:37 編輯 ]

原帖由 s3n370 於 2012-4-29 03:32 發表
至於你提及到筲箕灣站的例子, 其實甚為普遍, 只係好多時不為一般人留意.
政府部門 / 公營機構之間會協調各自的工程計劃.
遇到不同工務部門 / 公營機構同一位置, 相近時間有工程計劃, 就會協調, 睇下一次過由其中一個機構 (的承建商) 執行會唔會好D.
一次過由其中一邊執行計劃, 好多時可以避免重複工序以節省金錢, 及減少工程對社區的影響.

這個例子如無記錯的話，B2/B3出入口是與東喜道延長工程有關（1988年動工、1989年建成），而D1/D2出入口則當然與愛秩序灣有關（2000年動工、2002年建成）。