[新聞]機場快線博覽館特車被當成飛站

原帖由 053h4 於 2012-5-30 00:06 發表


咩叫賭搏? 即係港鐵照時間表開車, 係賭搏?
連續幾年同一時間開車都係賭搏? 令乘客有合理期望係賭搏?

公告就係免責條款, 咁以後港鐵寫早幾班就一定無責任 ...

係喎, 你最後果句令我諗起西鐵試過接近凌晨時份先故障,
若果港鐵一早有計劃整免死金牌,
係官方時間表將尖東往紅磡轉東鐵尾車時間提早30分鐘,
咁就算有西鐵係尖東站故障停左20分鐘, 搞到班車去到紅磡已經0030
港鐵都對果班轉車客無須負責

尖東歸西前期, 港鐵就安全起見, 將西鐵紅磡轉東鐵的尾車時間,
尖東站於0014左右開出, 但根據有夜歸網民經驗,
實際上下一班西鐵列車會於0023由尖東開出,
去到紅磡未到0025, 跟住成班客由3號月台怒衝至另一邊的1號月台趕尾班東鐵,
月台長亦都醒水, 會故意延長東鐵尾車時間1分鐘,
拖到0026先開, 令轉乘客有足夠時間行上行落跑去另一個月台轉車~

直至近年呢個弊病先得到糾正, 官方尾車西鐵紅磡轉東鐵時間,
尖東開改為0022, 加上東/西鐵共用一個島式月台(1號 & 2號月台),
就徹底解決了以往西鐵轉東鐵乘客要賭博加賽跑轉東鐵尾車的弊病

[ 本帖最後由 ES464470X 於 2012-5-30 01:29 編輯 ]

原帖由 053h4 於 2012-5-30 00:06 發表


咩叫賭搏? 即係港鐵照時間表開車, 係賭搏?
連續幾年同一時間開車都係賭搏? 令乘客有合理期望係賭搏?

公告就係免責條款, 咁以後港鐵寫早幾班就一定無責任 ...

港鐵o既責任係話俾你聽邊班車轉到線，
你係要唔聽話坐遲一班，難聽D講，轉到你好彩，轉唔到係道理。
因為寫到明邊班係尾車可以轉線，

去人地方坐人o地車，係咪應該遵守人o地o既指示？


唔係客講乜都o岩、大公司乜都錯，凡事講理據。

[ 本帖最後由 brian 於 2012-5-30 03:15 編輯 ]

原帖由 053h4 於 2012-5-29 17:53 發表
撘足咁多年都好順利咁轉到車, 突然間有日中間加左班特車搞到班客講唔到
講真, 點睇唔係乘客問題WOR

我都係咁睇, 仲要係一班人都係咁
有人話唔搭早一班(0004)係乘客自己既問題,
如果班機鐵熟客, 可以早放工 緊係早一班走啦
咁夜 留響機埸貪d咩?
仲要年年月月日日放工 都要趕頭趕命睇時間追車
轉黎轉去為左返將軍澳既屋企, 好好玩架?
我早幾日都試過, 班飛機遲左少少到港, 接完機 接近12點響機埸走
要係咁睇時間跑去巴士站追尾班, 唔想因為幾分鐘而要搭通宵劏客車果種擔憂心情  真係幾令人精神緊張

另外  報道話果日  0020先有車停機埸我認為無論係咪特車飛過 / 去tko要0004之前搭  都好,
響時間表(http://www.mtr.com.hk/chi/getting_around/timetable_detail_weekday.html)
講好左0016有車, 0016就要俾到班車人啦
否則就係誤時啦, 30幾人要上0020果班, 即係遲左4分鐘,
咁你個服務就係遲左4分鐘先有, 點可以話係乘客自己既問題?
人地0016前已經響車站, 仲睇住你架車飛過

雖然話有更改恕不另行通知, 但人地捧埸搭左咁多年,
接近尾班車呢d咁關鍵位, 人地搭左7年搭到熟晒,
係就係寫左0004 今次可以唔洗負責任,
但係咪誤時遲左都唔認又唔回應咁玩人先?  

[發文時誤解]
http://mtr.com.hk/jplanner/images/timetables/air.pdf
搭荃灣線+觀塘線 去tko班尾班係0004, 但經港島線尾班係0016
就算經荃灣線+觀塘線0004前要搭講得通,
咁經港島線0016果班客, 港鐵你自己都認可係搭到尾班!
但班車遲左4分鐘, 令人搭唔到喎
特車係咪應該要就返機埸班客?
特車無指定時間, 但機埸開係常規, 有晒時間表
理應特車就常規, 而唔係常規就特車, 令到常規遲左開


「在亞洲國際博覽館舉行大型活動期間，如有需要，
本公司將特別調派不停機場站及載客量較大的東涌綫列車行走機場快綫，
並加密班次，以確保前往機場的乘客旅程不受影響。」

佢只係"確保"去機埸不受影響, 但返屋企就受影響都係正常

[ 本帖最後由 lrv1092 於 2012-5-30 10:29 編輯 ]

原帖由 lrv1092 於 2012-5-30 07:49 發表

雖然話有更改恕不另行通知, 但人地捧埸搭左咁多年,
尾班車呢d咁關鍵位, 係咪咁玩人先?  
http://mtr.com.hk/jplanner/images/timetables/air.pdf
搭荃灣線+觀塘線 去tko班尾班係0004, 但經港島線尾班係0016喎
就算經荃灣線+觀塘線0004前要搭講得通,
咁經港島線0016果班客, 港鐵你自己都認可係搭到尾班!
但你服務遲左4分鐘, 令人搭唔到喎
你特車係咪應該要就下機埸班客?
特車無指定時間, 但你機埸開係常規, 理應特車就常規, 而唔係常規就特車

照以上pdf「指引」，0016經港島線轉將軍澳線係要全程機鐵過海先轉到，
但睇返報道，投訴人係(貪平)機鐵轉東涌線轉荃灣線再轉港島線，
咁究竟係邊個責任?

原帖由 kei_hk 於 2012-5-29 21:57 發表


每個車站都有時間表的﹐會講明尾車是什麼時間。

事實上時間表係寫接荃灣線的尾車係 0004 ﹐點解仲要出多張無謂通告同人講 0004 後的列車係接唔到荃灣線 ...

又唔係話一定無需要既, 好多人入左閘   搭到去轉車站先算架嘛
你估個個非常客都咁醒 入閘機旁邊D唔顯眼位, 搵尾車時間表睇下駁唔駁到?  
(有D站要讚, 過左12點會拉個牌出黎放通道中間)
我前幾年同朋友12點響深水埗返屯門, 果時西鐵未延時尾班, 個朋友都差D入左閘, 最後咪帶左佢搭九巴X線
方便到乘客既野, 有心做多步, 又唔係D咩壞事
而且我盡左我努力出埋通告去通知你 (又或者學某D站拉個時間表 放路中間),
到時有D咩 個乘客都無咁燥, 亦可保障公司自己


每晚西鐵近輕鐵站既入口  會拉塊板出黎, 貼左張通告
出面睇, 會寫左西鐵尾班開走左, 嗌人搭其他車
入面睇, 會列左果個站各條輕鐵既尾班車開出時間
而且旁邊亦會有24小時長貼既通告 寫往各方向既尾班車時間
仲有每晚11點會開始不斷播 駁唔東鐵去某站既廣播,  
雖然係幾煩下, 不過對非常客係好有用

人地做左咁多年, 我唔認為有咩咁難

我比較「騎牆」, 我認為雙方都有責任, 向來呢班車可以轉車, 港鐵係令到班客有所謂「合理期望」, 而呢班車的確係遲開咗, 令到佢哋向來可轉車變成不可轉車, 但人哋港鐵又的確講明上一班車係最後能轉車的班次, 你要怪佢令你轉唔到車, 唔夠理直氣壯, 因為人哋本來係冇預你可轉車, 你唔可以要求佢百分百保證你轉到車。不過班車遲咗就係遲咗, 你投訴佢班車遲咗都算投訴有理嘅, 至於投訴轉唔到車就相對理據弱咗啲喇。

原帖由 nwfb1001 於 2012-5-30 08:55 發表


照以上pdf「指引」，0016經港島線轉將軍澳線係要全程機鐵過海先轉到，
但睇返報道，投訴人係(貪平)機鐵轉東涌線轉荃灣線再轉港島線，
咁究竟係邊個責任? ...

SORRY, 睇去寶琳果行, 睇錯係講緊機鐵, 誤會左係東涌線

不過我講0016既用意 係想帶出: 0016果班車 都係某一班人既尾班車。
如果0016變0020開, 無論投訴人0004係港鐵認可既尾班 都好,
結果都係有機會影響左原定要搭0016港鐵認可的尾班(例如:去觀塘/柴灣)果班人

投訴人搭左7年, 話0020先有車, 有成30人一齊中伏,
睇怕都唔會係乘客自己行得慢, 自己玩自己
雖然港鐵話果日正常0016開, 但係咪前一班特車要避東涌線,
令到正規都遲左/行慢左
就真係要問返港鐵, 不過報館問點解係果日駁唔到又無回應到,
再加上呢間公司成日誤時都唔講既

原帖由 lrv1092 於 2012-5-30 10:14 AM 發表

SORRY, 睇去寶琳果行, 睇錯係講緊機鐵, 誤會左係東涌線

不過我講0016既用意 係想帶出: 0016果班車 都係某一班人既尾班車。
如果0016變0020開, 無論投訴人0004係港鐵認可既尾班 都好,
結果都係有機會影響左原定要搭0016港鐵認可的尾班(例如:去觀塘/柴灣)果班人

投訴人搭左7年, 話0020先有車, 有成30人一齊中伏,
睇怕都唔會係乘客自己行得慢, 自己玩自己
雖然港鐵話果日正常0016開, 但係咪前一班特車要避東涌線,
令到正規都遲左/行慢左
就真係要問返港鐵, 不過報館問點解係果日駁唔到又無回應到,
再加上呢間公司成日誤時都唔講既

事件上﹐似乎係機鐵 0016 這一班車於機場遲開/行車比預期慢﹐所以去到青衣/荔景接唔到荃灣線。
** 係唔係真係 0016 這一班車遲開﹐無法証明事實真確。唔係話信唔信事主/mtr

如果有人坐這一班車去到香港﹐又轉唔到港島線再轉唔到將軍澳線﹐這便是mtr的責任﹐因為公佈係講最後一班車係 0016。
看回整件事﹐0016都可以在青衣轉到車﹐主因係加入了步行轉車時間﹐相信有再加入些少「走盞」時間。所以﹐0016 這班車即使遲開幾分鐘﹐應該都有足夠時間給乘客去轉港島線接將軍澳線的。(隨時再坐遲一班車都得)


至於報導中沒有提及另一件重要資料﹐便是坐客去到青衣的時間及當時東涌線開車的時間﹐因此無法証明是否 0016 這班車遲開 ﹐還是東涌線有delay。

anyway﹐乘客坐 0016 的一班車﹐又要在青衣轉車﹐以現時公佈的時間表去看﹐一定係乘客自己進行賭博中。成功轉車係好彩﹐轉唔到車係預期中的風險出現。


點解7年來都可以用 0016 轉車無事﹐mtr 一定唔會講點解﹐因為再講下去都無乜意義﹐事關乘客在此事一定唔夠mtr講的﹐也無謂去講/想其他解釋﹐令到自己有地方比乘客入位數什麼"不是"。


我個人去解釋﹐便是過去7年有改過班次及時間表? (包括東涌線 及 機場線﹐以至其他市區線)
其次﹐mtr 既然要保證相關班次要成功轉車﹐預早些少有什麼問題?

預多些少時間﹐以防有其他事發生﹐令到列車有delay﹐防止今次事件發生。
至於點解列車會有delay?  除了加了博覽館特車外﹐仲會有其他因素。
例如(推斷原因) :
個別班次上落客時間比預期長﹐例如機場線有乘客搬行李上車﹐時間用多了﹐令到列車延遲關門開出。

某段路軌有問題﹐要臨時限速﹐令車程時間增加。

又或者某一晚有車要回車廠﹐點知回廠車有時間偏差﹐令到回廠期間阻到正線行駛中的列車﹐這班載客列車便要減速甚至停車﹐以免發生相撞。

原帖由 nwfb1001 於 2012-5-30 08:55 發表


照以上pdf「指引」，0016經港島線轉將軍澳線係要全程機鐵過海先轉到，
但睇返報道，投訴人係(貪平)機鐵轉東涌線轉荃灣線再轉港島線，
咁究竟係邊個責任? ...

如果比著係你..你會唔會日日比多 d錢返屋企先?
比 $60又係去到果個站
比 $100又係去到果個站
(冇記錯搭完機鐵可免費接駁港鐵路線)