瑞士好定挪威好?

有位在北歐的版友問過去歐洲問題, 我亦不厭其煩答多少少, 如果有其他版友問, 我都盡答啦

瑞士成個國家都係山, 坐響火車上面睇極都睇唔完, 影親有遠景既相都會有山, 而佢地既湖, 都係雪溶既水

[img] [/img]


上面係係瑞士上少女峰經過既Lauterbrunnen, 係一個好長既鎮, 兩邊都係高山, 中間有條相信係溶雪水既河流,
下面係由Murren小鎮行返落去Lauterbrunnen中間影既, 呢段係一條遠足徑, 我由Lauterbrunnen坐纜車+火車(套票)上去的
瑞士旅遊局響每個大小城鎮都安排好多活動既, 夏天就參觀同遠足, 如果有行山單車更可以沿行山徑上山, 冬天就唔駛講有乜活動啦, 哈哈!!!
瑞士旅遊局真係我去過咁多國家中服務最好架啦,連香港個office都勁多資料拎, 個職員都好好人

到挪威啦

挪威睇既, 其實可以話相同, 如果想去城市多既, 就會話"挪威同瑞士都係山水之嘛, 有乜分別喎"

而分別好簡單, 一個係內陸既水, 一個係海黎既, 挪威既峽谷, 大部份都係通到海, 而我相信好多旅遊書介紹挪威既Songdalfjord(好似岩岩同澳門一齊入左世界遺產)同海既距離數以百里計, 而你覺得成程船平靜過乜, 水平如鏡, 都唔覺隻船響海度行, 但第二日, 響碼頭突然泊左隻獅子星號咁大隻船既時候, 你先相信前面果個係海, 唔係河, 更加唔係湖




呢度係挪威著名登山鐵路"科林鐵路"的總站科林Flam , 好似細個時畫果d所謂"山水畫", 太陽, 青山, 綠水圍住條村, 有村屋, 有教堂, 鄉民談笑風生........唔係作出黎, 我響Flam度遇到既景色就係咁美好


而當選擇去瑞士好定挪威好時, 應該問下自己係想睇城市文化定係自然景色. 去到歐洲, 你先知道原來香港呢d城市係大城市, 人地市中心最多得中環咁大, 邊有香港咁, 中環灣仔銅鑼灣尖沙咀旺角, 都會叫市中心咁誇張. 想睇自然景既, 就兩個都去啦, 如果係想睇人文景多既, 你上佢地網站再了解多d啦

仲有, 好多人睇過自然景係會上癮, 反而人文景會睇厭, "度度都有個教堂/皇宮架啦", 就好似中國度度有間廟或寺一樣, 去得多都厭

希望可以解決去歐洲旅行既朋友既心中疑慮

網址
科林:http://www.visitflam.com/
Lauterbrunnen:http://www.wengen-muerren.ch/index.php?id=287&lang=en

原帖由 wesley 於 2006-2-21 22:02 發表
有位在北歐的版友問過去歐洲問題, 我亦不厭其煩答多少少, 如果有其他版友問, 我都盡答啦

瑞士成個國家都係山, 坐響火車上面睇極都睇唔完, 影親有遠景既相都會有山, 而佢地既湖, 都係雪溶既水

[img] [img]ht ...

所以我不會去羅馬,因為我會去塔林,里加和布拉格,大把教堂可以影,影到怕都得.
不過,我很喜歡看山水風景,故選瑞士和挪威,但兩者消費均十分高昂,且芬蘭去挪威
的交通費很高(我盡量不用我的eurorailpass於挪威),故有此煩惱....

另外,我想問一般norway in nutshell要多少錢,有什麼package?如果只坐拜根鐵路是否
足夠?如果上少女峰,哪個方法最便宜?



ps:我又真係幾煩

[ 本帖最後由 FBI2 於 2006-2-22 01:36 編輯 ]

其實有無Norway in the nutshell呢樣野, 我都唔係好清楚, 聽講只係一班旅行家起既名. 佢唔會有支旗咁帶住你周圍走, 但會成套車同船既票比你(Flam鐵路就唔知有無得賣), 唔記得係旅遊局定火車站買啦

我當時由Bergen去Voss, 呢架係正常火車, 拎railpass就得, 之後去到Voss就會有幾架車等你, 係呢度會寫住Norway  in the Nutshell, 或者問車長係唔係去Gudvangen, 咁坐巴士去到Gudvangen就直接上船唔駛等(亦唔會等你)

如果係由Oslo去Voss, 第一班火車去到Voss或者Myrdal(轉Flam鐵路)都過左中午, 以巴士>船>火車(Voss計)定係火車>船>巴士(Myrdal計)都會幾抆水, 要做好兩手準備啦, 點去就你決定, 不過Oslo>Bergen呢段火車已經好靚, 絕對唔好錯過, 唔好訓著

記住去Songdalfjord係去睇Fjord, 唔係去睇山, 而坐火車來回亦幾無謂, 咁就不如比多少少錢啦

因為我留響Flam一晚, 我係第二日上午先買火車票, 但下午既火車班班都爆住咁上, 火車票響中午已經賣晒. 所以一定要買定, 不過Flam鐵路係私營, 響NSB有無得買就唔知, 最好旅遊局同火車站都問下.

仲有樣要講明, Flam呢個小鎮只係車轉船既鎮, 如果你無訂hostel又無買船飛, 一支公企響Flam就真係"蘇州過後無艇搭"啦, 到時"車飛船走", 成個鎮15分鐘內由旺過旺角變成冷清過打鼓嶺, 所以一定要Plan好


上少女峰呢, 就"早起小鳥有蟲吃"既, 最早果班上少女峰火車係有優惠, 呢個優惠響歐x旅運本書有講既, 約6,7點就要上, 我細佬(我無上少女峰)曾經用過呢個方法上, 當時無乜人上, 但佢就要你12點前坐火車落山.....掌握好時間, 應問題唔大, 上面唔係好大. 上去前一日問下火車站既人先就最好

我細佬當年就響KS(全名就唔記得啦, 總之有個k同s, 落左少女峰第一個轉車大站)行返落Lauterbrunnen, 望地圖好遠, 但我細佬都好快就返到, 約3小時啦, 坐返火車落interlaken就得

如果想知道少女峰行山路線, 可以響interlaken附近小鎮旅遊局問職員拎, 中文版都有, 不過就算無都唔緊要, 一路行都會有指示牌, 好似香港d郊遊路線咁, 分叉路一定有指示牌, 永無迷路, 除非你文盲

由Interlaken上少女峰有兩邊路線, 其中一條先係經Lauterbrunnen, 上去之前最好確定路線, 歐x本書一直都介紹Lauterbrunnen, 係因為有間阿婆屋, 過夜真係好平(本人亦強烈推介), 而如果要坐"早班火車", Lauterbrunnen可以比Interlaken遲d起身, 但另一邊線其實都可以睇下, 有時間去search下果邊路線, 可能有驚喜

最後, 呢d路線全部係夏天路線, 冬天會完全兩回事, 而旅遊資料多變化, "盡信書不如無書", 網站始終穩陣, 去到火車站睇時間表做人都好緊要

希望你玩得開心

原帖由 wesley 於 2006-2-22 19:40 發表
其實有無Norway in the nutshell呢樣野, 我都唔係好清楚, 聽講只係一班旅行家起既名. 佢唔會有支旗咁帶住你周圍走, 但會成套車同船既票比你(Flam鐵路就唔知有無得賣), 唔記得係旅遊局定火車站買啦

我當時由Ber ...

我有張21日的歐洲火車証,如果用佢來遊拜根科林,同散買學生套票(有冇都唔清楚),費用
相差大約多少?

原帖由 FBI2 於 2006-2-23 03:50 發表


我有張21日的歐洲火車証,如果用佢來遊拜根科林,同散買學生套票(有冇都唔清楚),費用
相差大約多少?

好抱歉, 我已經唔係好記得啦, 印象中係無優惠, 無論係學生定火車證都好似無

咁如果用火車證就會少左Bergen>Voss呢段錢啦

琴晚資料補充: Oslo來回Bergen既車都唔多, 建議由Bergen去會比較方便, Oslo去Myrdal 或者Voss都係遠, Bergen就近好多

原帖由 wesley 於 2006-2-23 13:06 發表

好抱歉, 我已經唔係好記得啦, 印象中係無優惠, 無論係學生定火車證都好似無

咁如果用火車證就會少左Bergen>Voss呢段錢啦

琴晚資料補充: Oslo來回Bergen既車都唔多, 建議由Bergen去會比較方便, Oslo去M ...

Flam呢段用Europass係有些少折扣...02年我搭落山是$85 挪威$,正價好似係100

OT:既然講得咁熱鬧今個星期C1版一於貼Oslo station

原帖由 89B 於 2006-2-25 10:58 發表


Flam呢段用Europass係有些少折扣...02年我搭落山是$85 挪威$,正價好似係100

OT:既然講得咁熱鬧今個星期C1版一於貼Oslo station

我後天就去stockholm,不過多數冇機會影火車站,因為同行的仲有3位女同學..
不過,我仍然為如何由amsterdam去oslo再返prague而煩惱.

原帖由 FBI2 於 2006-2-25 16:14 發表


我後天就去stockholm,不過多數冇機會影火車站,因為同行的仲有3位女同學..
不過,我仍然為如何由amsterdam去oslo再返prague而煩惱.

OT:三女相伴你就幸福啦

Stockholm STATION 月台是日本式設計,影火車不靚,反而出站後南下一段路軌橋(近你落船過邊)仲好影

..D相係你將落船過邊影

原帖由 89B 於 2006-2-25 10:58 發表


Flam呢段用Europass係有些少折扣...02年我搭落山是$85 挪威$,正價好似係100

OT:既然講得咁熱鬧今個星期C1版一於貼Oslo station

提起Oslo s我就把幾火, 我從來未去過一個收咁貴既廁所既, 成10NKr(約HKD$13), 我死死氣就坐半個鐘, 洗手洗成2分鐘, 洗手液熱水吹手機全部用齊我先走

岩岩上過Flam鐵路網, 正價175NKr, 有railpass就120NKr, 無法,靚野係貴d

仲有樣經典野, Flam鐵路響接近Myrdal就有段非常靚既瀑布既, 如果係向Myrdal方向尾幾卡係要響隧道落車睇, 而當大家好興奮咁影既時候, 突然就會有個著住紅衫既人(應該係女士)響度歌舞, 而且有d行縱不定, 勁似鬼, 仲要播埋d類似Sarah Brightmann果d歌, 成果看台又濕又寒, 差d以為成班人一齊撞鬼..........

原帖由 wesley 於 2006-2-25 20:46 發表


提起Oslo s我就把幾火, 我從來未去過一個收咁貴既廁所既, 成10NKr(約HKD$13), 我死死氣就坐半個鐘, 洗手洗成2分鐘, 洗手液熱水吹手機全部用齊我先走

岩岩上過Flam鐵路網, 正價175NKr, 有railpass就120NK ...

其實如果由奧斯陸出發,經bergen,voss和flam再返oslo,應該點設計路
線?需時幾多日?大約洗費多少?