這個冬天不太冷?

記得上年12月 ,這時候已發出寒冷天氣警告 ,而且有10度的低溫...但今個12月到
現在都未正式有強寒流南下令香港出現低溫而發出寒冷天氣警告 .. 今年香港
會否沒有強寒流南下香港 , 而突破紀錄首次沒有寒冷天氣警告的冬季呢 ?

THX!~

原帖由 ma2 於 2012-12-8 00:02 發表
記得上年12月 ,這時候已發出寒冷天氣警告 ,而且有10度的低溫...但今個12月到
現在都未正式有強寒流南下令香港出現低溫而發出寒冷天氣警告 .. 今年香港
會否沒有強寒流南下香港 , 而突破紀錄首次沒有寒冷天氣警告的 ...

如果你嫌這個冬天不太冷，可考慮移居高緯度地區，如北京、黑龍江、韓國、日本、俄羅斯...
那些地區經常下雪，天氣比香港嚴寒，必定符合樓主的冬天定義。

相信唔會一下子變成冇寒冷天氣吧!

記得幾年前某年冬季初期(唔記得邊一年), 冷空氣總係衝破唔到嶺南地區,
華南沿岸地區要在較後時間才有寒冷天氣出現.

8月30日秋季氣候預報:
http://www.hko.gov.hk/whatsnew/d3/whats_new_20120830_uc.htm

10月15日秋季氣候預報修訂:
http://www.hko.gov.hk/whatsnew/d3/whats_new_20121015_uc.htm

香港天文台先後兩次對今年秋季(9月至11月)作出氣候預報, 言中機會只係一半半.
就好似颱風路徑咁, 冇人會在事前幾日能夠作出100%準確預測, 中左都應該只係咁o岩,
所以依家問「這個冬天不太冷」應該冇人答得到, 只可以話今年秋冬交替的冷空氣
係比較活躍, 但強度一般, 而且持久力不足, 導致(尤其是在11月)經常有冷暖空氣交替,
出現長時間陰雨天氣.

呢幾日陰雨天氣稍為改善, 下星期竟受和暖海洋氣流影響, 最低氣溫會重上20度以上,
和暖天氣過後, 強冷空氣會否活躍, 為香港帶來寒冷聖誕, 拭目以待.

雖然 12－2 月都是冬天，但是 12 月初只是冬天的開始，影響華南沿岸的冷空氣
一般強度有限，寒冷天氣只是偶然發生。過往天文台整個 12 月份錄得的寒冷天數
平均為 4-5 日，比 1－2 月為少。
http://www.hko.gov.hk/cis/statistic/coldday_statistic_c.htm

值得一提，過去兩個冬季 (2010/11、2011/12) 香港天文台錄得的氣溫為 1985/86 年以來最低，
當中 2010 年 12 月錄得 5.8 度低溫，2011 年 1 月平均氣溫只有 13.7 度，與 1977 年
並列戰後最凍的 1 月份；2011/12 年冬季三個月的平均氣溫均低於 1981－2010 年氣候
平均值，所以這兩個冬季算是近年的冷冬，即使今年不及呢兩年凍亦未必不正常。

事實上，近年一個令人印象深刻的「冷冬」－2007/08，12 月其實係比正常偏暖不少，
香港整個月只有 12 月 31 日寒冷 (最低氣溫剛好 12.0 度)，不過隨後南方出現數十年
一遇的雪災，香港亦錄得 1967/68 年以來最持久的寒潮，整個冬季的氣溫才偏低。

一個冬季是否寒冷，很取決於隆冬期間 (約 1 月初至 2 月中) 的寒潮。若然這段時間沒有
持續性的寒潮 (例如香港出現連續 5 日以上寒冷天氣)，整個冬季氣溫很大機會偏高。
至於強寒潮一般於 12 月下旬才開始出現，所以今個冬季是否不太冷仍未能判斷。

[ 本帖最後由 fw1321 於 2012-12-9 16:01 編輯 ]

原帖由 ma2 於 2012-12-8 00:02 發表
記得上年12月 ,這時候已發出寒冷天氣警告 ,而且有10度的低溫...但今個12月到
現在都未正式有強寒流南下令香港出現低溫而發出寒冷天氣警告 .. 今年香港
會否沒有強寒流南下香港 , 而突破紀錄首次沒有寒冷天氣警告的 ...

尋日天氣忽然急凍, 由之前一日市區大約24-25度急降至12-13度, 樓主應該OK吧,
活躍上水的會更滿意吧, 前日上水有30度, 呢一刻睇到上水只得10度多D(昂坪7度).

下星期仲有一波冷空氣來襲, 香港天文台現時預計平安夜市區最低氣溫11度, 而且係濕冷大風.

其實近幾年已經有番D凍的時間, 而且近幾年似乎係冬夏都偏遲, 譬如11月都唔多涼快, 4月都可能仲有冷鋒

原帖由 h2o 於 2012-12-19 21:47 發表
其實近幾年已經有番D凍的時間, 而且近幾年似乎係冬夏都偏遲, 譬如11月都唔多涼快, 4月都可能仲有冷鋒

印象中於某年5月初試過最低仍有十多度，因此到了5月仍有人穿冬季校服。

原帖由 hkaiw 於 2012-12-19 21:55 發表
印象中於某年5月初試過最低仍有十多度，因此到了5月仍有人穿冬季校服。

會不會是2年前的4月（13.5℃ 15/04/2010）
參考：
http://www.hko.gov.hk/cis/extreme/5day_extreme_c.htm
（後半部）

原帖由 h2o 於 2012-12-19 21:47 發表
其實近幾年已經有番D凍的時間, 而且近幾年似乎係冬夏都偏遲, 譬如11月都唔多涼快, 4月都可能仲有冷鋒

南中國的夏季風一般於四月尾至五月中才爆發，所以四月有冷鋒抵港仍屬正常。
近年既情況可能反映夏天同冬天既轉換變得急，即使十一、二月有凍既例子，但往往凍之前就暖得好犀利；
冬季及春季則較常出現寒潮過後就大幅回暖既情況。

另外, 我感覺今年 (近幾年都係) 秋冬時份的濕度仍然很高
以往的潤唇膏, 近年都無乜幾日要用