「斯諾登已從香港飛往莫斯科」

來源：BBC 中文網
http://www.bbc.co.uk/zhongwen/tr ... ngkong_russia.shtml

咁嘅勢，美國應該幾難捉到佢了

佢留係香港只會一日比一日危險
走係好正常

呢個斯諾登美國唔剷除佢，應該有排頭痕

呢個CIA,搞到香港人想免簽証去美國難左,睇怕都係好難免簽了.
唉,不過免簽又如何,入美國境仲麻煩

原帖由 FBI2 於 2013-6-23 21:50 發表
呢個CIA,搞到香港人想免簽証去美國難左,睇怕都係好難免簽了.
唉,不過免簽又如何,入美國境仲麻煩

老實講句, 美免簽重要定係香港整體聲望緊要?
其實美國佬一向都想大石砸死蟹架啦,
就算香港放佢走又好, 唔放又好, 根本有美免簽機會一向都唔覺得高 ...

原帖由 238X 於 2013-6-23 18:28 發表
來源：BBC 中文網
http://www.bbc.co.uk/zhongwen/trad/world/2013/06/130623_snowden_hongkong_russia.shtml

咁嘅勢，美國應該幾難捉到佢了

美國佬今次只係自視過高,
就算而家佢要不故一切走去厄瓜多爾殺左佢都冇用,
所有野都通哂天, 仲可以點丫,
而家所做嘅所有野都係用黎表下態,
佢不如諗下自己今次點樣同國際交代好過 ...

原帖由 kay 於 2013-6-23 07:32 PM 發表
佢留係香港只會一日比一日危險
走係好正常

呢個斯諾登美國唔剷除佢，應該有排頭痕

其實﹐他自己離開香港﹐在中國及香港來說﹐係一件好事。(甚至美國本身都係好事)
(ps. 我唔會理係他自己決定﹐自願﹐定係有人提議/叫他/勸....要他離開香港)


美國正式叫香港幫手捉人﹐叫香港做引渡。
只要依足程序﹐文件及手續係符合要求﹐香港便要受理。受理後便要審批﹐是否接受引渡申請。
只要文件及資料係符合要求﹐法庭便要審批﹐符合所有要求及引渡條例等等﹐法庭便會出拘捕令﹐警方便去捉人(人境處負責出入境把關再轉交警方)。
到時﹐香港社會聲音幾大﹐人民點反對都好﹐香港都要捉人﹐再移交美方﹐因為政府唔可以有法不依。
據新聞所講﹐事件要通報中國政府﹐但是應該不能干擾香港的決定。


主角亦都知香港無得唔受理﹐一定會依程序去做。換句話說﹐香港政府會捉拿他係遲早的事(假設接受並批准引導申請)﹐而家仲唔走﹐他便肯定無得合法地離開香港。


而家香港話文件/資料未齊﹐所以未能到法院申請手令。真係唔知係美方問題﹐定係香港有心放人走
學香港政府所講﹐都未批手令﹐又沒有違反香港法例﹐法律上無權扣留主角﹐所以要讓他離開。




而家﹐香港可以甩身﹐唔再需要再為這一個人的去留而煩。中國又唔需要再擔心事件進一步的發展。
至於美國方面﹐可能都是故意高調叫香港幫手﹐文件資料又故意收起少少唔提供(令香港審批時出問題)﹐但暗地其實係叫他離開香港﹐以免影響到中美的外交關係。



主角如果去了其他地方﹐美國佬又點會無辦法。
有法治的文明地﹐用法治處理。去到落後地方﹐又有另一種處理手法﹐包括派人暗殺。
如果主角去到第三國﹐唔再做一些美國唔想他做的事﹐咪由得他囉﹐只派人長期監視﹐等事件慢慢淡化。





*************************    後加補充   *************************************

http://news.tvb.com/world/51c7d6da6db28c3e34000001

節錄

有美國的法律專家認為，斯諾登被放行，可能是美國的過失，質疑為何國務院，不在公布斯諾登控罪時，同時宣布撤銷護照，又指公布控罪的舉動不尋常，因為一般來說，都會待拘捕被告後，先會公布。

[ 本帖最後由 kei_hk 於 2013-6-24 14:00 編輯 ]

原帖由 kei_hk 於 24/6/2013 11:52 發表

有美國的法律專家認為，斯諾登被放行，可能是美國的過失，
質疑為何國務院，不在公布斯諾登控罪時，同時宣布撤銷護照，
又指公布控罪的舉動不尋常，因為一般來說，都會待拘捕被告後，先會公布。

1. 撤銷護照未必有用，不排除他已有其他護照
2. 佢自己爆料在先，其實已經迫美方攤牌。而且，佢係咪都會逃走，
美方是否公布控罪已關係不大，遑論能否在拘捕他之後才公布。

原帖由 238X 於 2013-6-24 02:28 PM 發表


1. 撤銷護照未必有用，不排除他已有其他護照
2. 佢自己爆料在先，其實已經迫美方攤牌。而且，佢係咪都會逃走，
美方是否公布控罪已關係不大，遑論能否在拘捕他之後才公布。 ...

新聞的一段﹐我get到的係美方都係 "有意無意" 間給予一個機會讓他離開香港。


選擇在香港爆料﹐主要係香港資訊做得好﹐又在世界上有一個地位﹐受其他地方注意。
即係在受注視的地區﹐一爆料便可以好快傳到全球。爆料後又有一定的保障﹐唔會即時被美方捉拿﹐當地政府又唔會無中生有去捉人。
更重要的係交通發達﹐可以去到好多其他國家﹐方便「走佬」。
而香港又可符合到這3點。


而他爆料後﹐其實係一定會走﹐事關香港美國有引渡協議﹐對方提出申請﹐另一方政府便要按機制跟進﹐到時便無得走。


上面我都講了一句﹐我唔理他係自由主動定係被動﹐對整件事來講﹐都是有好處的。

何某人話係代表斯諾登同香港政府聯絡﹐了解香港政府的取態﹐但政府無回應。不過﹐他估計係有人(暗示中/港政府)叫他離港﹐趁香港未上法庭審理引渡這個空檔﹐係走佬的最後機會。
稍為評估過形勢﹐都會選擇在此個期間離港。仲等機會給你捉﹐捉了之後才申訴美方政治檢控﹐申請做難民﹐自己成為中港美之間的"人質"﹐到時自己的自由便會消失。

聽講香港免簽係要BNO....
(當然消息是否真確我就唔知)

不過其實陰謀論講
佢有無上到SU213都係一個問題

原帖由 PoohPoohJoe 於 2013-6-25 15:49 發表
聽講香港免簽係要BNO....
(當然消息是否真確我就唔知)

不過其實陰謀論講
佢有無上到SU213都係一個問題

如果佢冇上到 SU213, 但又離左境,
咁即係冇人知道呢個人去左邊,
當然呢個大龍鳳係有機會,
不過如果係咁俄羅斯睇黎真係拿屎上身,
但我自己個人認為俄羅斯唔會無啦啦咁樣玩, 對佢冇利益 o既事佢又點會咁樣出手 ~