今早歌連臣角的士司機差點開拖實錄

話說今日清明,一如以往, 小弟要去歌連臣角拜山..今年就決定駕車去, 係封路之前到,所以5點幾就出車,
未夠6點已經係歌連臣角. 諗著咁早搵位就應該冇問題啦, d警察都未到..
點知問題來了..

過左凌灰閣, 就有幾段單線雙程路..差唔多到新d個棟,骨灰的地方, 條路又窄, 兩邊都冇位..
前面兩部的士互不相讓, 由上面落來既係一名阿伯司機..上緊去的係一名金髮年輕司機...
後面幾個的士司機都叫個後生仔讓下老人家..不過有人玩野, 唔肯動...

兩個都唔肯讓, 攪下攪下, 個段路都有成十幾部的士頂死左...
個時係早上5點55分...個後生既講講下仲差點動手...

我見到條路頂死, 都費事行埋去窄個邊, 就留了係路面仍然寬闊的地方等...
後面成條車龍....等下等下...終於有警察到場...但一個警察對著十幾部的士...
個個又唔肯讓, 邊有咁易有位走...

過左一陣, 另外幾部鐵馬都來埋...一開始就叫人調頭...我地梗係唔走啦..咁早起身就係唔想同人迫...
於是, 警察就要的士調頭, 私家車可以留下一邊等...有個警察仲話: 你地班人唔信上面冇位泊..一陣你阻著
條路我實port你

之後6點半, 終於調好晒d車, 條路可以行返..但即時轉返做單程路...
其後, 小弟才知, 原來6點鐘時因為呢件事, 下面封左路, 唔俾任何車上歌連臣角..
攪到所有人要係388, 389個站落車, 步行上山, 其後才放返俾的士上.....
(之後仲有人因為被迫步行而同警察差點開片)

呢兩個的士司機真係有點問題...整死全世界, 自己又冇左d時間做生意...

最後, 小弟駕車上到去時, 要泊到好遠, 接近天主教墳場個....
原本都唔駛泊咁遠...

呢d真係累人累物累街坊.

歡迎討論.

[ 本帖最後由 hkbw 於 2006-4-5 11:15 編輯 ]

又係的士佬……越o黎越覺得 D 後生的士佬車品越o黎越差﹗特別係紅的﹗

原帖由 FX8173 於 2006-4-5 10:57 發表
又係的士佬……越o黎越覺得 D 後生的士佬車品越o黎越差﹗特別係紅的﹗

個別者..我地呢度都有板友假期駕的士玩下..佢d車品絕對係上品tim..
不過今早我都好勞氣...
倒車讓位出來俾前面d車倒車時, 前面部Mondeo到明係Sunday driver, 完全唔識駕車咁..
倒車都要我教佢點倒, 扭咩軑..激死...

原帖由 FX8173 於 2006-4-5 10:57 AM 發表
又係的士佬……越o黎越覺得 D 後生的士佬車品越o黎越差﹗特別係紅的﹗

架車唔係自己既
炒爛撞爛就算To左都係車行事
係咁架喇

原帖由 hkbw 於 2006-4-5 10:52 發表
呢兩個的士司機真係有點問題...整死全世界, 自己又冇左d時間做生意...

你係第三者,咁諗好正常.

但假如你係其中一個的士司機,
覺得另外果個路程少d,易走d應該佢讓的話.

我相信呢道A4版某d成日貼文既人,
都未必會為左其他道路使用者而讓路...

原帖由 KV9033 於 2006-4-5 14:26 發表


你係第三者,咁諗好正常.

但假如你係其中一個的士司機,
覺得另外果個路程少d,易走d應該佢讓的話.

我相信呢道A4版某d成日貼文既人,
都未必會為左其他道路使用者而讓路...

最後咪兩敗俱傷...勁浪費時間...半個鐘, 走多轉都得了...