加價脫班王 九巴激民憤

九巴日前宣布四年第三度加價，激起民憤，昨日陸續有多個政黨到九巴總部及政府總部外抗議，指九巴受惠於巴士路線重組，業務收支預期會大幅改善，但仍再加價是置市民利益於不顧，是「食人唔骨」。此外，九巴頻頻加價之餘，服務水平未見相應提升，政府昨披露的最新數據顯示，九巴去年整體平均脫班率達百分之二點八，成為「脫班之王」。

下月六日起，九巴平均加價百分之三點九，民協多名成員昨帶同寓意斂財有如「大白鯊」的「食人巴士」道具，到九巴總部外抗議，又批評行政會議把關不力，縱容九巴加價；公民黨則批評九巴母公司去年盈利高達四億五千萬元，但九巴連年予取予攜，市民飽受加價之苦；新社聯則擔心九巴加價，掀起公用事業加價潮，要求九巴撤回加價。九巴加價惹民憤，服務未見相應改善，更是火上加油。運輸及房屋局局長張炳良昨回覆立法會議員提問時指出，去年全港專營巴士服務的整體平均脫班率約為百分之二點六，若按個別專營巴士劃分，九巴錄得最高平均脫班率，達百分之二點八，脫班率冠絕一眾專營巴士公司，其次為新巴及城巴（專營權一），分別錄得百分之二點六及百分之二。有團體帶同寓意斂財有如「大白鯊」的「食人巴士」，到九巴總部外抗議加價。

運署研究改善計算脫班

若以地區劃分，十八區中以九龍城區的巴士脫班情況較嚴重，達百分之三點九，緊隨其後的是油尖旺及深水埗，分別錄得百分之三點七及三點五。當局指，各區的平均脫班率只計算以該區為終站的巴士線，途經該區的巴士線不包括在內。張炳良強調，巴士脫班主要涉車長不足、巴士須進行維修、道路擠塞或有意外等。運輸署去年共接獲近一萬七千宗關於專營巴士服務的意見，當中有七千多宗涉及班次不穩。對於申訴專員公署早前批評運輸署未有妥善監管巴士的脫班問題，指署方計算的方法與市民定義落差，並要求檢討罰則，張回應稱，運輸署正與巴士公司商討如何更清晰表達脫班情況，如是否可進一步按不同時段計算脫班率，又指要準確分析延誤或脫班是否巴士公司應負責的範圍，從而施行罰則，執行上會有困難，署方會參考其他地方經驗，料今年下半年內完成研究，之後會向立法會匯報。

http://orientaldaily.on.cc/cnt/news/20140612/00176_025.html

會唔會有人想學琴日政府總部班人咁對九巴總部？

九巴呢個炸彈應該無咁易爆
反正都接近年年加價，好多人都麻木晒

唔搭九巴搭地鐵，又係年年加，仲要賺住黎加

反而運房局係鐵路服務同基建所帶來既問題仲嚴重過巴士服務

唯一的分別係，
講鉄年年進頁左好多廣告費俾 CCTBB

當港鐵都加埋價，嘈的對象變左去鐵路度，假若只得巴士加的話就大獲，港鐵同九巴一齊市民只有接受

原帖由 kay 於 2014-6-15 10:49 發表
九巴呢個炸彈應該無咁易爆
反正都接近年年加價，好多人都麻木晒

唔搭九巴搭地鐵，又係年年加，仲要賺住黎加

反而運房局係鐵路服務同基建所帶來既問題仲嚴重過巴士服務 ...

唔係麻木
而係無得揀囉

原帖由 happykeroro 於 2014-6-15 18:09 發表

唔係麻木
而係無得揀囉

就算係無得揀，但唔係無野好做
既然泛民可以為一個近乎爭取唔到嘅真普選去抗爭，攪個抗議『九巴服務差，但年年加價大遊行』
比較起黎成功機率容易好多，起碼就算最後都要加價，都令政府要正視九巴存在嘅問題，
但係從來未見過全港大遊行之類提議，淨係得個別區域幾百人，根本連鏡頭都爭取唔到

話時話丫,九巴落咁多訂單出咁多車張張單億億聲o架嘛,未聞過九巴,九巴母公司在股票市場/金融市場集資...應該又唔會動用自己公司流動資金啩...究竟點樣找數?

[ 本帖最後由 路人qwe 於 2014-6-15 19:11 編輯 ]

原帖由 路人qwe 於 2014-6-15 19:10 發表
話時話丫,九巴落咁多訂單出咁多車張張單億億聲o架嘛,未聞過九巴,九巴母公司在股票市場/金融市場集資...應該又唔會動用自己公司流動資金啩...究竟點樣找數? ...

借錢嘛...
睇下人地個資產負責表

講到尾,又係分拆Roadshow獨立上市累事
我真係唔明咁做對九巴有咩著數可言
如果無咁搞既,用廣告收益補貼營運成本
唔會加得咁密吧!

原帖由 ATR83 於 2014-6-15 20:18 發表
講到尾,又係分拆Roadshow獨立上市累事
我真係唔明咁做對九巴有咩著數可言
如果無咁搞既,用廣告收益補貼營運成本
唔會加得咁密吧!

作為一間公司, 搵機會賺多 d 係常識吧
分拆 Roadshow 做差條數未可以申請加價 ...