想問下日本新幹線月台既問題

想知道係日本, 如果唔係搭新幹線, 可唔可以上車月台睇車影相?
如果可以, 應該點做? (就咁行上去? 購票?

有入場券
係售票機買就可以

每一個站都有?
日文係咪都用"入場券"三個漢字?

原帖由 HU6455 於 2014-6-30 20:39 發表
每一個站都有?
日文係咪都用"入場券"三個漢字?

係，但絕對不可以入車拍照/站立，只限2小時
http://railway.jr-central.co.jp/ticket-rule/rule45.html
https://www.youtube.com/watch?v=RPmAaKSEBf4
如果有買開JR Pass等，呢類券如果唔係為紀念真係冇咩需要買...

「入場券」原意係方便人可以送客送到月台，但又衍生左「交換車票」問題。
例如「名古屋<->新大阪」，「新大阪<->岡山」等等車程全部唔駛1個鐘，
只要兩個有心人約定喺某地交換入場券，咁即係可以用超低價搭幾百公里（自由席冇人查飛）。

JR另一個收費漏洞係喺在來線既「one-man car」身上發生（呢個我親自目睹）。
例如一條線有A到Z咁多個站，我見過有人由B站上車，搭到總站Z（總站通常係大站所以唔駛掉整理券而係出閘先收飛），然後行過對面坐返倒頭車。
假設佢去Y站的話，咁佢落車果陣只需要收由Z到Y一個站既錢…
註：「one-man car」通常係鄉郊區域先有，原因係沿途好多站都係「無人站」亦冇閘機，所以改由運轉士喺每個站停站果陣負責收錢。

原帖由 4437 於 2014-7-1 07:04 發表
「入場券」原意係方便人可以送客送到月台，但又衍生左「交換車票」問題。
例如「名古屋新大阪」，「新大阪岡山」等等車程全部唔駛1個鐘，
只要兩個有心人約定喺某地交換入場券，咁即係可以用超低價搭幾百公里（自由席冇人查飛） ...

1.只要係急行以上,自由席都一樣有人查飛,本人坐過kodama/hikari/kamome/midori/有明o既自由席都有人查過.
2.一來咁坐係唔係one man car都得,
   二來落車有人收飛,想咁逃票既機會更加少,因為佢會提唔出總站上車既証明,
   按JR規舉係一律列車首站起錶

我想問下你響邊係線目睹,我都好想見識下你見倒o既情況

邊個話自由位唔會查票
我搭過thunderbird、hikari、kodama、haruka同湘南新宿green car都有人查

東北新幹線o個邊自由席又真係比較少查飛

剛在北九州玩左3日北九州JR PASS,

坐左起碼6程都係SAKURA, SONIC, KAMOME呢類高速車, 都係預先指定席.
上到車其實冇乜人. 坐唔晒. 6程入面亦只得SAKURA果程有人查飛.
我懷疑有幾多人買唔足飛上左車都冇人知.

原帖由 cn2661_2d32 於 2014-7-1 23:20 發表
剛在北九州玩左3日北九州JR PASS,

坐左起碼6程都係SAKURA, SONIC, KAMOME呢類高速車, 都係預先指定席.
上到車其實冇乜人. 坐唔晒. 6程入面亦只得SAKURA果程有人查飛.
我懷疑有幾多人買唔足飛上左車都冇人知. ...

上星期玩完大阪京都東京
新大阪至西明石既Kodama自由席果程見有查票員行過，但冇查到我票
另外一程係京都至東京既Nozomi指定席，開左車冇耐就有人查

而Haruka自由席果程就一上車就有人查
可能因為朝早Haruka唔係直出大阪要停日根野同埋和泉府中，查票都查得比較密

其實查票與否既問題，我覺得係同日本民族講大家互相信任有關
但近年的確從網上見多左點教人不正乘車，小弟都無意不正乘車了一次