今日城巴真係好有70年代的中巴的風格

原帖由 BigBean 於 2014-7-21 09:25 發表
先兩個月有日要去澳門,
上午九點前要到港澳碼頭,
坐城巴307, 司機到永吉街就話係總站, 要清客,
請問是否正常? 因為我唔係熟客.

城巴個牌show咩地方名我唔太清楚 但我可以肯定九巴既係

出上環牌  過左永吉街做總站既時段至會出番中環渡輪碼頭牌

原帖由 ctb8107 於 21-7-2014 03:09 PM 發表
呢個風氣根本一直存在於新城，不過一般都唔會喝啲客落車，只會建議啲客喺尾二站落，如果乘客拒絕就繼續返總站。 今次理直氣壯將"趕收工"包裝成公司指令真係第一次。 在情在理，城巴冇喺上車比錢前聲明不入總站，誘騙乘客上左呢 ...

兩三年前，當962B仲係30分鐘一班時候，下繁都見不少962B在大快活就清客，仲要走上上層開聲趕客走。
唔知係咪有人投訴過之後，宜家班班都兜一兜入青海圍總站，再熄燈出黎。(即使冇客)

其實好多時都有呢D情況，58M/58X/59M/59X/58P都會有，屯門市中心那群車以前O係大會堂都落唔少……

原帖由 sammyleung719 於 2014-7-22 00:43 發表
城巴個牌show咩地方名我唔太清楚 但我可以肯定九巴既係出上環牌  過左永吉街做總站既時段至會出番中環渡輪碼頭牌

我由車尾果邊進場, 所以睇唔到.

原帖由 kay 於 2014-7-20 20:29 發表
唔知道某報紙會唔會根據網上資料

走去搵一D線，經常未返到總站就趕人落車，走去做文章

如果係九巴的話，報紙一定賣到行！

我見過新巴入北角碼頭嘅巴士，喺新光戲院都有司機上樓上視察，如果冇哂乘客就直接入廠。
如果對乘客冇影響，咁咪彈性囉。

但如果有乘客本來要總站落車，大佬你寫明去嗰個站喎，冇講明唔入總站仲要被人罵趕收工，
者係突然趕我落車啫！

體諒司機冇問題，但司機問題同公司制度有關，就應該改善制度入手，
而唔應該係乘客就司機當做解決問題。

原帖由 sammyleung719 於 2014-7-22 00:43 發表
城巴個牌show咩地方名我唔太清楚 但我可以肯定九巴既係出上環牌  過左永吉街做總站既時段至會出番中環渡輪碼頭牌

城巴電牌同九巴一樣有兩款總站

原帖由 alvincth 於 2014-7-23 11:12 發表
我見過新巴入北角碼頭嘅巴士，喺新光戲院都有司機上樓上視察，如果冇哂乘客就直接入廠。
如果對乘客冇影響，咁咪彈性囉。

但如果有乘客本來要總站落車，大佬你寫明去嗰個站喎，冇講明唔入總站仲要被人罵趕收工，
者係突然趕我落 ...

我都見過城巴307P到咗太和, 司機全車行個圈,

見無人就熄燈唔再去汀太路.

原帖由 eric278 於 2014-7-21 10:40 發表
否則，此舉亦可能觸犯新修訂《商品說明條例》中的「不當接受付款」。

巴士服務已經有專屬的法例，要繞咁大個圈嗎


230A章
第9條
任何巴士司機以巴士司機身分行事時
(b)須依照指定路綫將該巴士妥為駛往指定目的地，但因意外或其他緊急事故而無法如此行事，或獲授權的人或警務人員命令不得如此行事的，則不在此限
(d)如獲示意停車，須在其巴士正行走的路綫沿綫各站停車，讓乘客或擬成為乘客的人上車或下車

send e mail 去交通投訴組.
記住要講明邊間公司,邊條線,邊個司機.
到時睇吓交通投訴組回覆就知有無問題.

如果話城記司機有中記風格既話
我反而係諗到城記班司機既駕駛態度
堅城線個班出哂名乞人憎，就算連新記唔少司機都唔鐘意個班人

埋站龍頭鳳尾
強行打尖插隊埋站(即使最前架車上完客打右燈準備走都照插埋去阻住人地走)
切線唔理後面既車，更甚可以係一次連續切3線