紅小新路線 屯門<-->觀塘

原帖由 cmkmichael 於 2014-8-15 18:30 發表

沿途一定做流水客，但不能明目張膽去做，例如屯門出不能棟牌出荃灣等等，想想一個單程只做$320，夠氣錢定人工呢？

最緊要同各分會講掂數，唔係就等睇報紙都得。 ...

假若真係潮聯同元佐合營，
我諗屯門荃灣流水客唔會無得食！
反而荃灣去觀塘既流水客就食唔過啦！
聞說觀荃個老細都幾惡下……仲要早更夜更都唔同公司，難搞！

原帖由 ccicoltd 於 2014-8-12 23:37 發表

同仁街站現時有沒有「站長」「管理」？

呢層唔清楚, 反而有一點奇怪, 宣傳品上係冇營辦商熱綫或者資料, 連班次都欠奉
老老實實呢條綫屯門區內客量就唔多睇好, 同巴士係冇得鬥, 但到青龍頭到深井一帶一定有肉食,
有朋友講收 $16/18 好, 唯個人覺得青龍頭到深井收盡 $20 應該一樣有客

當 234c 咁嘅定綫都受歡迎, 甚至有深井街坊一直都向運吉申請開直接出觀塘巴士綫 (幾班都好),
呢個市場未必完全冇肉食, 不過賺唔賺得多就成疑問

同埋, 雖然宣傳品上冇講停汀九油柑頭, 估計應該沿綫有客一定照做

同仁街有站長管理旺角線，通常去到九龍錶行就會報到攞no.

我估計條線泊油塘線青山道線那邊。

講真，一定要做好留位，同埋前後車做好距離，咁就有得做

「觀塘<-->屯門」字樣及路線圖已掛在同仁街總站近入口的鐵欄，但沒有列出通車日期。

今日同朋友分別係官塘屯門都唔覺有車，唔通係繼香深之後又一條線走數？

唔出奇，問過官塘線司機，個個都認為唔俾開

今朝有幾個交通警企咗喺入口位，路線圖亦無咗

呢條線唔開都係好事黎
而家屯門有 258D , 259D 出東九龍 (繁時有埋 62X) 已經好足夠啦
至於青公真係好懷疑係咪咁多客要去觀塘...

應該撻左架喇，通常第一日又反黑，又無車
基本會見到開得成機會極低
開一條新線唔易
過得晒咁多區咁多幫人嘅關先算啦

原帖由 VA52-HN6509 於 2014-8-18 23:09 發表
呢條線唔開都係好事黎
而家屯門有 258D , 259D 出東九龍 (繁時有埋 62X) 已經好足夠啦
至於青公真係好懷疑係咪咁多客要去觀塘...

之前都提過,淨係做屯門/青山公路出觀塘客是不夠做,當然要有荃灣客/青山公路沿線上落才化算.

咁樣會影響其他線的利益.

陰謀些講,你估巴士公司有無投訴?