今晚停車場泊車

今晚十一點左右返到馬鞍山，返停車場泊車﹗返到時，門口已有個牌寫住『時租已滿』，咁即係月租位都得返好少啦﹗於是就慢慢駛入我個『私家位』睇下有無俾人霸o左先。埋到去，見個位仲係吉o既，於是就倒車埋去啦﹗點知泊好晒架車之後，正想開門落車之際，發覺左右門都開唔到，左邊俾隔離架粉藍色 Camry 頂住，右邊就比鐵絲網頂住。心諗，點會有人泊車泊得咁衰o架﹗架車打斜泊入位，霸o左隔離個位成三份一 (我個『私家位』係比其他車位闊少少，所以平時就算其他車泊得歪D，只要唔係太過份都可以泊得入﹗)，叫人點泊呀？﹗人人都係俾咁多錢租個車位，你就可以用一又三份一個車位？咁果三分二俾邊個用呀？﹗等架 Beat 仔或者 Super 7 呢 D 窄車o黎泊呀？﹗最後一怒之下『私自懲戒』o左佢﹗

及後，就要走去第二個位度泊，泊o既係左 L 位，點知一後，聽到一下『吱』一聲，原來右邊頭泵把嘿到落架 "94 大霸皇度，泊好車後落車睇，我架車完全無事，只係條痴住泵把o既膠紙斷o左，要痴過。而果架車就俾我之前o係泵把上多補一層o既油整到佢個右邊頭泵把至車牌位有條線。雖知咁嘿法係有少少因為之前火遮眼無睇清楚就倒後泊位，但係落車後先發覺果架大霸皇車頭泊到隊o左出o黎，比其實他車出o左約一尺半，但係佢後面又有位，真係唔明 D 人點泊車﹗事後見自己架車無事，佢架車又唔關我事，我就閃人喇~

後感︰
人泊車，你泊車，泊到歪o黎歪秤，噚晚板友阿聰同阿霖入o黎我車場搵我俾o野我時，佢o地都見另外一架 HIACE 泊車時係睇都唔睇，用車頭是是但但隊o左入去就算，成架車係歪到不得了﹗唔通泊爛地場就可以亂o黎？如果係o既，咁下次我o係 D 最邊o既車位騎線泊喇，霸晒個半位，開門開尾箱又方便，使理你o地班友﹗

嘜禁開心呀,如果去港島區D fit到痺既停車場,佢地一定一個無左一邊車身,另一個實無份頭都似

原帖由 DA9195 於 2006-4-23 00:24 發表
嘜禁開心呀,如果去港島區D fit到痺既停車場,佢地一定一個無左一邊車身,另一個實無份頭都似

就係唔明，出到 D 旺區停車場仲窄啦，個個都好守規舉咁泊得好好地，但係o係呢 D 咁闊o既位竟然求求其其泊o左就算，大佬呀﹗係唔係唔記得點泊位呀？﹗係就一係返屋企耕田，一係去重新學過車啦﹗考牌泊位出o左界，考官都肥你啦﹗

原帖由 FX8173 於 2006-4-23 12:30 AM 發表


就係唔明，出到 D 旺區停車場仲窄啦，個個都好守規舉咁泊得好好地，但係o係呢 D 咁闊o既位竟然求求其其泊o左就算，大佬呀﹗係唔係唔記得點泊位呀？﹗係就一係返屋企耕田，一係去重新學過車啦﹗考牌泊位出o左界 ...

算啦都係...
我見到噚日果架Hiace
我真係有衝動叫佢落車幫佢泊

原帖由 CZ_6686 於 2006-4-23 00:33 發表

算啦都係...
我見到噚日果架Hiace
我真係有衝動叫佢落車幫佢泊

見到 D 車泊到咁o既死樣，真係火火地，最緊要係阻住本少爺泊車果下先係大問題嘛﹗
遲下顛起上o黎，我唔知會做乜去『私下處理』o架喇…

原帖由 FX8173 於 2006-4-23 12:37 AM 發表


見到 D 車泊到咁o既死樣，真係火火地，最緊要係阻住本少爺泊車果下先係大問題嘛﹗
遲下顛起上o黎，我唔知會做乜去『私下處理』o架喇…

唔好搞到八仔就得喇

原帖由 FX8173 於 2006-4-23 00:37 發表


見到 D 車泊到咁o既死樣，真係火火地，最緊要係阻住本少爺泊車果下先係大問題嘛﹗
遲下顛起上o黎，我唔知會做乜去『私下處理』o架喇…

做咩呀...去簽個名咁呀...

原帖由 6008-JU1220 於 2006-4-23 00:44 發表

做咩呀...去簽個名咁呀...

今次都唔係第一次﹗上次就大字報，今次就寫大字﹗

原帖由 FX8173 於 2006-4-23 00:47 發表


今次都唔係第一次﹗上次就大字報，今次就寫大字﹗

咁型?
你架車有冇比人報復?

原帖由 6008-JU1220 於 2006-4-23 00:53 發表


咁型?
你架車有冇比人報復?

報佢個頭﹗我呢D明惡~