720P改為單向西行並延至正街／開辦單向東行722P

原帖由 brianso198 於 2015-3-27 06:46 發表 http://www.hkitalk.net/HKiTalk2/images/common/back.gif
倒返轉想了解一樣野,
會唔會影響720P西行服務?

而家720P西行客量並唔係差果種,
如果呢隻玩法回車速度慢左會唔會影響西行服務呢?

早繁由機利文街塞到大會堂要幾耐呢？有冇師兄知？

我諗加多1～2架車會穩陣啲，用嚟抵銷行鰂魚涌段嘅時間。

其實唔需要夾硬為左提升720P東行客量而搞咁多野。

一、720P而家東行係少客，但唔係空載。至少，720A東行先係。

二、根本呢堆7系東廊線，除左788之外，其餘果啲都係預左上繁東行係無客的。
而東行既做法，其實只係想盡快將架車回到對面總站，再做多次西行。
所以，點解720A東行係直插嘉亨灣，720上繁東行唔入灣碼等等，全部都係為左慳時間。

*************
所以，與其諗咁多野去搞上繁東行，不如成套18X、720、722，甚至同2，一齊搞個大重組，咁會仲實際。（當然問題係複雜既）

仲有，你呢個建議大幅減慢回車速度，一定要加車。
即係西行既班次可能會因而搞到疏左。

每個人對巴士調配嘅理念都唔同，有人會覺得簡簡單單最好，不惜單向載空氣；
而我就崇尚將資源用盡，減低空載路段，顛覆傳統走線。
我希望決策者可以認真計下數，以數據評論優劣，而唔係第一眼覺得改動唔符合習慣就叮走建議。

返正題，盡快回車呢個概念，我了解嘅。但我眼中亦睇到3個事實（版友假如唔認同請反駁）：

事實1：睇返720P呢個case，雖然已經特登改總站避開咗港澳碼頭橋底，但係德輔道中東行都係塞。
結論：呢啲時間嘥得嚟，倒不如用來行一啲唔塞又可以開拓新客源嘅路

事實2：除咗新紀元廣場對出之外，幾乎任何一點都同最接近嘅地鐵站有10分鐘步行距離。
結論：入大道中係一個好有競爭力嘅行法

事實3：荷李活道底、東邊街離地鐵站有一段距離，正街亦坐擁上公路前尾站優勢。
結論：西營盤特快線嘅潛力唔可以睇少

如果版友們認同我描述，咁淨返嘅最大阻力應該係「值唔值得為新增客量派多架車」，
呢度係計數嘅問題，大家可以再討論。

[ 本帖最後由 4437 於 2015-3-29 03:48 編輯 ]

1. 德輔道中東行，上繁其實已經比干諾道中東行好唔少。
同埋，你架車行四幹衝落灣仔，感覺係快，但繁時都係有機會塞車。

2. 的確，同地鐵站距離遠係一個優勢。
但調返轉諗，當呢條722P係要逆走既時候，乘客又會唔會唔適應呢？
畢竟而家全部東行巴士線，都係停東行。

3. 以現時720P係10-15分鐘計算，好彩既，加1架車都叫做勉強做到；
但如果東行都係塞既時候，隨時要加2架車先夠。

我曾經都係一個「崇尚將資源用盡，減低空載路段，顛覆傳統走線」既主義者。

但從事左路線研究咁多年，才漸漸體會到，有時候「空載」係無可避免的。
與其辛辛苦苦兜黎兜去，都係載得幾個客，倒不如快啲回車，甚至係改行一條平啲既隧道就算數。

例如：上繁969、961返新界方向係無客的。咁唔通為左唔好俾佢空載，所以就拉條線去做其他野，例如969停埋元朗，做元朗 <-> 天水圍客？又或者961加經旺角、深水埗，去做埋西九龍入去屯門工廠區返工既客？

與其係咁，倒不如快點私牌去對面總站，又或者私牌改行紅隧，慳返d隧道費好過。

逆走係小事啦，因為722P嘅目的地（鰂魚涌、太古城）係其他東行線都唔到，唔會有「出返東行叫多兩飛」嘅情況，相信乘客唔需要太多時間適應。

至於回車問題，我始終強調一點：我十分贊成冇客應該盡快不惜私牌返對面總站，但如果回程根本就有客的話，點解唔做埋佢。
假設720P入大道中每班多30客，722P東行每班有80客，畀你係新巴，你願唔願意加多兩架車去改線？

如果老新有心做既話根本2013年7月14號或之前就應該諗下點樣處理西營盤>鰂魚涌以東既問題,
但而家港鐵通左車係咪無能力處理而家既客流?睇落又唔係...

18X/A12以前好好生意而家齊齊清袋就知...

難聽D講句,
佢有心去做既話根本一早就要做,
就算條線得一班車兩班車也好...

亦咁講,
加兩部車既話我拎黎重組720系/722好過...