64K應否轉用八達通付款雙向分段收費?

新巴15上山都好多人，我目測過有人會叫司機再開門(或者司機已好識做咁開前門)，由後車落，經前門拍一拍卡再落番車。(因為預黃線外沒人站立，所以係應該好「輕易」拍到八達通)

我上次搭76K，上午繁時，勁多人，都係用呢個方法落車拍卡。

$2客唔係應該「鼓勵」佢地用番落車拍卡，統計學上準確D，政府又唔洗俾咁多。車長阻黎做咩？佢又唔係小巴司機，D錢佢完全都收唔到既……
除非，拍左卡真係唔會$0.0。

當年，九巴宣傳73A,76K,77K要享用轉乘優惠都要落車拍卡，即使俾全程。
O個時我搭77K上水上車，往元朗方向，錦上路站落車，臨轉彎前拍卡，都係扣0.0，然後轉54去元朗西。
成人都可以玩扣$0.0，長者真係唔得？

TommyS58 發表於 2016-2-4 16:04
咁所以53,64k,b1會繼續用現金分段，主要係客多
不過就算有八達通分段，實有唔少人冇嘟番
...

53轉AAS咪得
仲多D位坐

其實我唔明，點解唔可以學新加坡的巴士咁：

1）落車位裝拍卡機
2）用定位去啟用／暫停拍卡機功能，接近車站至開機比人拍。

skpracta 發表於 2016-2-4 21:47
其實我唔明，點解唔可以學新加坡的巴士咁：

1）落車位裝拍卡機

同意，台灣都係咁
不過呢個搭車方式好需要乘客自律

skpracta 發表於 2016-2-4 21:47
其實我唔明，點解唔可以學新加坡的巴士咁：

1）落車位裝拍卡機

問題係香港人真係唔會自律。呢套system係好，特別係app可以show有無位坐，但係香港應該行唔通。
反而如果部落車回贈機放站頭，好似LRT，就可以確保係落左車先拍。
不過成本同埋公司收入減少好大阻力

skpracta 發表於 2016-2-4 21:47
其實我唔明，點解唔可以學新加坡的巴士咁：

1）落車位裝拍卡機

前幾年咪話想整落車拍卡機同埋特快綫？

而家X42C，T270 同開左咁耐

落車拍卡機都未整好？

咁不如整係車外咪得囉

隔著玻璃貼著個窗

問題根本係無動機要九巴做

如果可以CUT綫

279X回贈車資都做得出啦

用手機八達通俾錢加衛星,WIFI或藍牙技術可望解決落車後再上車先用到分段收費嘅問題

用手機俾錢上車,落車後再用時限加以上任何一種無線技術去定位,睇下你係咪已經離開巴士一段範圍
已經得啦,問題係有冇誘因去研發該技術

當轉乘時限都可以由
150分鐘減至90分鐘之時,
分段屬「有就人情,無就道理」
嘅優惠,都係唔好有太大期望。
令票價收入減少之措施,真係無
誘因投入資源去做,除非公營。

轉乘有部份組合,來自
取消/縮短路線,分段亦然
例如73A,一樣只有華明至
廣福一段有,愉翠至廣福仍然
收足,與76K/77K等路線一樣,
縮短後,方可令八達通回值機制
「終於」出現於九巴路線。

講返64K,最少改動係類似
小巴咁,有分段掣由乘客自行
選擇適合票價後才拍卡,但還是
完全依賴自律,同樣有少付車資
的漏洞,唔同小巴乘客數目少,可以
由司機完全監察,加上64K唔難頂閘,
要改成八達通回值機會,真的相當低。

加上現時已經靠縮減
轉乘時限,去間接加價。
另外會有更多聲音擴展至
非郊區/無小巴競爭的路線
(公路線、過海線等)加劇長線
短用,獨市路線更無需設立分段。

kitarolo 發表於 2016-2-5 07:53
當轉乘時限都可以由
150分鐘減至90分鐘之時,
分段屬「有就人情,無就道理」

就係九巴縮水先要快啲轉。

現金玩下車分段，司機冇心記既話，俾53去青龍頭既錢隨時坐到元朗，九巴蝕。。
而且司機唔係太太太肯定都唔會為呢件事除安全帶去"提示"乘客

如果玩八達通，係咪都收全程先，現金客必收足，俾唔足就可即時提佢。落車有人唔知或覺麻煩，咪又輕易收左全費

相信九巴喺99同n73身上都收唔少。(仲有長者落車唔拍，喺政府方面收都唔少)

lsc04d11 發表於 2016-2-5 08:43
就係九巴縮水先要快啲轉。

現金玩下車分段，司機冇心記既話，俾53去青龍頭既錢隨時坐到元朗，九巴蝕。。 ...

長者落車唔拍, 條數對政府係冇好處, 庫房係俾多咗錢出嚟
因為要計足正常半價 - $2 差價俾巴士公司, 巴士公司先賺