建議27增設半直通班次

27班次頻密，行走主幹道，但停站頗多。為了增強其競爭能力及班次穏定性，分流全程客，建議增設半直通班次，編號為27X，詳情如下：

27X 順天 ↺ 旺角
1 順天
2 順安邨
3 利業樓
4 利恒樓
5 順利消防局
6 白虹樓
7 彩虹鐵路站
8 采頤花園
（九龍城天橋）
9 伯爵街
10 太子鐵路站（轉方向）
11 旺角道
12 嘉道理道
（亞皆老街天橋）
13 醫院管理局
（九龍城天橋）
14 富豪東方酒店
15 景泰街
16 牛池灣街市
17 白虹樓
18 基順學校
19 順利消防局
20 利恒樓
21 利康樓
22 安逸樓
23 順天

此半直通路線比正線節省13個中途站，預計全程可節省至少10分鐘。

全程車費5.8，不設分段收費
服務時間：
每日 06:30 - 22:00，於服務時間內與正線嚴格輪流開出，實行聯合班次（但如果脫班令到開出時間與上一班正線相隔超過10分鐘，則須改為行走正線），總用車數不變。

要快要分流, 不得不飛走彩虹站, 因為你目的係做山上出旺角特快, 定線應該係白虹樓後不停站, 之後首站是拔萃男書院(新世紀廣場), 停完旺角道後就飛橋不停站至白虹樓, 這才算是特快, 可以收更高定價. 再絕啲拉埋過就近的中秀茂坪, 收$7.5都得.

27路線唔算長, 做唔到半直通, 只係夾硬將佢掟上太子道天橋, 繁時中晒伏都似, 應該再設定埋擠塞時的應變(跟13P相同), 棄用天橋, 回程飛晒亞皆老街兩條天橋冇問題.

EX-TL 發表於 2016-7-5 01:50
要快要分流, 不得不飛走彩虹站, 因為你目的係做山上出旺角特快, 定線應該係白虹樓後不停站, 之後首站是拔萃 ...

彩虹站絕對唔飛得：

1. 要同地鐵競爭
2. 西行要做西貢線轉車客
3. 東行要做街市上山客（呢個站多起上來可以上十幾廿個客，抽走佢地一半班次重得了？）

27除咗四順之外，彩雲同坪石都係重點客源。除咗行橋一定要飛嘅站之外，其餘飛走嘅站通常都唔會上超過10個客。

同埋因為其中一個目的係想穩定27正線嘅班次，所以東面一定要放順天。反而西面會唔會去埋油麻地就可以考慮，但係去埋嘅話就要加車啦

九龙公司会多谢你帮他快点鸡了95

ATEU15 發表於 2016-7-5 13:41
九龙公司会多谢你帮他快点鸡了95

想再逼爆290？

有心做四順特快旺角, 就應該彩虹道下一站太子站, 旺角道下一站牛池灣街市, 中間的站全飛掉

開得半直通（特快）, 目標就係吸走四順出入旺角要快的乘客, 仲要慢慢停彩虹站 富豪東方酒店 牛池灣街市, 對山上來講吸引力欠奉, 不過你定價$5.8咁抵, 可以一試, 但係絕對唔配叫X線囉, 仍然似係一條M線.

彩虹站至太子站, 27 vs MTR其實分別不大, 計埋行上行落, 27競爭力絕對唔細, 西貢線轉27係抵轉, 不過西貢本身有小巴出旺角, 清水灣出到坪石搭91快極都要七八個字, 要快一早搭左小巴出將軍澳或者觀塘轉車, 俾條27X半直通出來, 班次又唔密, 又要俾貴啲(站在九巴角度係收得平), 仲有太子道天橋塞車風險, 中途要停站, 基本上下一班係27一定上, 吸引唔到乘客專程等佢, 所以27X停彩虹站係做唔到你想要的效果, 班客只會繼續當27咁搭.

EX-TL 發表於 2016-7-5 21:44
開得半直通（特快）, 目標就係吸走四順出入旺角要快的乘客, 仲要慢慢停彩虹站 富豪東方酒店 牛池灣街市, 對 ...

我再做多個分析：

27現況
- 全程4.9，與其它相若路線相比價錢偏低（24比27短了坪石至順天一大段路，卻已收5.1，而其餘行經亞皆老街／太子道西的路線大多收5.8或以上）
- 採用最直接路線來往順天及旺角
- 對於來往四順及旺角而言近乎獨市（四順遠離地鐵站，除95外亦沒有其它巴士路線能到達旺角。而95西行須繞路，不具競爭力）
- 但亦因為價錢偏低及停站多，被亞皆老街／太子道西沿線乘客當成流水線使用，甚至因為其能深入順天，有部分乘客甚至以此接駁地鐵
- 再加上西貢及清水灣路線優惠，令乘客可以以超低價由鄉郊利用巴士直達旺角，其行走路線與的士大同小異，分別只是要站站停
- 綜合以上特性，此線極多乘客乘搭，全日維持10分鐘以內一班，足夠開設特別班次分流乘客
- 亦因為此線是循環線，途經繁忙市區服務，令到拖卡情況嚴重

我的建議
- 將車費調整至與其它路線相若水平
- 仍然採用最直接路線
- 可以吸引四順來往旺角的乘客無視其價錢差異來乘搭
- 基本排除了亞皆老街／太子道西沿線流水客，只保留部分大站，但亦保留了接駁地鐵的功能
- 並拉近了與地鐵及紅色小巴的行車時間
- 因為只排除了上落人數不多的中途站，所以仍有一定的客源基礎（我不預期山上客會專揀X車搭，而只會見車就上），可以與正線實行一比一的頻密聯合班次
- 因為X線的中途站減少，變相拖住一齊行的機會會減少，減少脫班

但如果中間的站全飛（即坪石邨下站太子，旺角道下站牛池灣街市）
- 如果仍然來往順天至旺角，則客源只剩下全程客
- 來往彩虹站至旺角將會比地鐵更快（假設坪石一站直達太子）
- 但客源極為有限，可能非繁忙時間會淪落到20分鐘一班，與2X一樣淪為執雞線
- 山上客更加不會死等X線，照舊見到27一樣上車
- 因為只有少數特班，故對正線脫班情況幫助不大

如果再拉長，則可以考慮借95的名義來做特快
- 坪石後下一站協和小學
- 旺角鐵路站後下一站彩雲聖若瑟小學
- 車費維持不變
- 追加91、91M及92優惠
- 西行彩虹道路段用9取代
- 中途站用27取代
- 但這樣做牽連甚廣，因為98C太過天價，可能會令到西行98C乘客見到95就上車，影響98C營運狀況（別忘記98C要由九龍城碌到旺角，除非98C同時改為半直通）
- 亦因為班次疏落，旺角東行站位不同，難以吸引原有27乘客改用本線，令到此等特快變成服務秀茂坪及翠林乘客為主
- 27脫班依舊

綜合以上分析，如果要想四順乘客肯搭快車出旺角來加快回車，基本上唯一做法就是與27正線聯合開出，令到乘客當是27來搭。因為以27的頻密班次及其直接的行車路線，根本就沒可能要山上乘客死等20分鐘一班的所謂「不停站直達」，因為只是快在不停站，行車路線根本一早已經是最直接的。

------

另外，講返鄉郊線轉27：
由清水灣出發其實91本身唔慢，35分鐘分鐘就出到坪石，而由彩雲去清水灣更加好多時半個鐘行完。相比起搭地鐵由彩虹一路去到觀塘甚至將軍澳再轉車嘅時間其實相差唔遠，況且小巴亦都唔係特別密
由坑口出發因為98C實在太慢，重要收天價，所以地鐵之外91M轉27亦都係好選擇，全程只需6.8，大約要一小時。不過我唔知多唔多人咁搭。
由西貢出發巴士轉巴士雖然行條路同紅小相近，但實在慢太多。不過呢排92假日都開始有特快車，如果上得中呢等特快車再轉27出旺角，個吸引力都好大下。如果27都有特快車，而且有4.2轉乘優惠，可能可以搶返唔少紅小客。（我啱啱個星期日上中咗92特快車，中途站基本上無乜人上，大約只係坐到窗口位出坪石，但望到紅小條人龍都幾長下，肯定唔只16人）