有關巴士總站營運問題

其實巴士公司既總站洗唔洗好似飛機向機場比錢用架？
例如以下 Case
(1) 完全冇任何設施，剩係用個巴士灣泊車
例如調景嶺 (N691)
照計係咪一個仙都唔洗出？

(2) 都係泊街，但有基本更亭
例如長沙灣深旺道 / 麗閣
(更亭係咪永久設施？如唔係，電力係點駁？如係，係咪要先向正苦比錢申請？)

(3) 建於大型私人樓宇內既室內總站，
例如寶林總站
呢類總站通常係建築時被要求同時起個巴士總站，發展商往往都順手起個類似活動室既地方出黎當做站長室之用，巴士公司用佢洗唔洗好似附近商戶咁租？而總站照明設備又係邊個出錢？

1. 巴士公司唔駛出錢

2. 室外更亭係巴士公司財產，擺站長室及駁電要巴士公司自行向相關政府部門及電力公司申請

3. 據自己接觸過的例子，總站照明、通風、消防設備等，係發展商出錢興建。
如果總站本身係無站長室，係要巴士公司自己做更亭，處理方法同例2係一樣
站長室由發展商興建的話，小弟都好想知駛唔駛交租。

聞說近來有個巴士總站
屬港鐵發展用地
巴士公司要交月租十數萬港元

有Ｄ響私人建築入面嘅站長室，係要向業主交租嘅，例如慈雲山(中)就要交租畀領展
但通風設施好似係路政署定運輸署負責維修？印象中大本型個巴士總站，通風設施唔係房署及其管理公司負責維修，前年封某條坑做維修，唔記得係邊個出通告，睇過但冇印象

1.公司自己出錢種地站柱/放置臨時柱躉,自行同地政申請相關事宜
2.公司自己出錢安裝站長亭,自行同對口單位申請相關事宜(地政,電力公司...etc)
3.如果係屬於私人發展商整出黎既公共交通交匯處, 永久站長室業權屬於發展商(即係要交租)
但係站長亭既話就係跟做法2.,

其他公共部份就由路政(地面設施,燈光維修保養)同機電署(抽風系統)負責
領展旗下商場總站既話路政負責地面維修,燈光保養,其他事宜就由領展負責
站長室仍然要交租

DW8306 發表於 2016-10-12 06:51
1.公司自己出錢種地站柱/放置臨時柱躉,自行同地政申請相關事宜
2.公司自己出錢安裝站長亭,自行同對口單位申 ...

有關維修的大原則啱，但細節仍要睇批地條款
知道有個總站上蓋大過批地條款入面，有關公共交通交匯處的要求，
﹙點解上蓋起大佐，係要符合另一條條款要求﹚
起大佐果舊仍然係公用，但係就要業主自費維修

n281 發表於 2016-10-12 04:02
聞說近來有個巴士總站
屬港鐵發展用地
巴士公司要交月租十數萬港元

魷堂糕超度？

但如果個站長室係要交租,點解巴士公司唔選擇整多幾個更亭?冇記錯寶林總站,唔計A29,都有一兩個九巴更亭,不過唔係當作員工休息/派更用,只係存放雜物(如膠牌)

定係塊地係發展商,種個亭都要諮詢過佢?

bjbus 發表於 2016-10-13 00:08
請問如果插旗，若干年後可否在該處申請逆權侵佔？

阿生,逆權侵佔條件係多年都聯絡唔到業權人,
搵到業權人,咁樣插旗插十萬年都申請唔到

而我從來未聽過有人係搵唔到正苦