隧巴減價只推行迷你版

嗱,,,其實好誤導既一個POINT係...
乜而家係彌敦道既102/112/104呢D, 唔上客就唔會停站落客咩?!
本身都要停要落客咁仲點加劇擠塞先?!

又唔好講下如果102/112係彌敦道如果將個站擺到同2/6/6C呢D線一齊時...
客易左上車少左客要等車同上同1架車, 咁就可以少左埋站時間, 可以纾緩塞車?!

好老實咁講...唔知港島段既分段102/112多唔多人上...
而家九龍段北行既102/112都越黎越多人上車...
根本佢減唔減價都無乜影響...
就算南行分段唔減, 咪只係當多左條23流水咁既野JE~

108九龍段依家入夜長期都保到滿座番啟德
再減就會係搶自己生意
我就覺得應該會搞117呢啲空得嚟又佔左Quota嘅路線先
104以舊區議價嚟講，機會亦稍高

相信都係獨營隧巴優先做下樣

聯營線唔計拆帳問題
同獨營一樣
推行後如果乘客量無上升
就等同收入下降，亦係最正常估計
但兩間公司未必平等地分擔損失

假設三間公司都唔想冒呢個風險

三間公司獨營線各推1~2條已經係極限

不過我會覺得，九巴推968港島方向，城巴推962B/X/969是但一組
會係較公平做法，因為行法，服務範圍差唔多，減少搶客味道

新巴不如考慮下970系，始終無九巴類近線競爭

推682既話，106隨時都要改價，否則九巴應該會不滿要改埋106，到時新巴又被迫改106，得不償失

視乎邊幾條線加分段，可能會為隧巴拆線提速，縮短真正過海客車程的目標，增添障礙。

根本係成個運輸政策出問題，本土流水線做得唔好，就搵隧巴做流水，而唔係真心做過海客，真係過海果班的需要就唔好好地照顧。
隧巴做內陸流水本來唔係問題，而家問題係好多野本末倒置。

係搞都唔應該全日推行，如果好似港鐵晨早七五折優惠咁限定時段，但改為非繁時隧巴分段有折扣優惠，反而係善用資源，兼可以順理成章俾某些大流水減班。