053h4 發表於 2017-3-6 14:56
無錯，用科技發展角度，發展柴油產品追多廿年都未必產追得貼，點解唔發展純電動車，到而家已經累積十年營 ...
咁不如問問九巴點解唔搵比亞迪合作研發雙層電巴？:lol
始終，引進電力巴士，成個配套系統唔同晒，邊有巴士公司想投資咁大呢？
053h4 發表於 2017-3-6 17:57
香港斜路多，電巴雙層起碼等多十年八載
另外，城巴十幾年前都話玩雙層電巴啦，不過用overhead line，人地 ...
當年嘅城巴好有遠見，不過啲官(我們偉大的公務員團隊)就.....:@
咁而家上頭話要環保，咪度返啲『好似好環保』嘅嘢出黎囉....;P
班坐房嘅成日淨係諗點樣行政、點樣執法，同點樣唔好俾隔離個同事/部門/署陰到，日日喺度玩模擬宮心計，
咁就梗係乜都唔敢做又搞唔到啦~
OT. 睇下洪水橋又話要搞乜嘢環保連接系統，但又想飛走輕鐵同電車，
就知班官(我們偉大的公務員團隊)諗緊乜......:funk:
peterson 發表於 2017-3-6 19:18
當年嘅城巴好有遠見，不過啲官(我們偉大的公務員團隊)就.....
咁而家上頭話要環保，咪度返啲『好似好 ...
城巴部野係有先天缺憾的﹐便是..... 如何爬頭? 如何臨時改道進入無電網的地方?
而家電動車根本係另一個層次﹐唔需要電網﹐同普通車行駛無分別。
有陣時﹐唔係班官唔想試﹐而係根本未開始試已經知道有問題﹐唔適合香港使用。
香港起充電站用地已經唔夠用...好難大規模採用
kei_hk 發表於 2017-3-8 16:23
城巴部野係有先天缺憾的﹐便是..... 如何爬頭? 如何臨時改道進入無電網的地方?
而家電動車根本係另一 ...
其實部車有後備電源㗎！
只不過係政府信顧問都唔俾你自己攞錢出黎自己搞：
立法會交通事務委員會 - 香港引進無軌電車系統的可行性研究
學我合作伙伴咁講：
以前高薪請嘅公務員要搵嘅係叻人，所以好多事都真係好過業界；
而家政府搵嘅係聽話嘅人，所以......:L
若果十幾年前班咁叻嘅公務員都已經係咁嘅質素，
咁而家嘅狀況，就梗係:shutup:
ps.
以前係唔對路就直接被Ban，
而家係上頭叫到就梗硬乜都話得
peterson 發表於 2017-3-8 17:01
其實部車有後備電源㗎！
只不過係政府信顧問都唔俾你自己攞錢出黎自己搞：
立法會交通事務委員會 - 香港 ...
2支棍係唔係識得自動放下﹐等部車爬完頭(我指係前面另一部同款電動巴)﹐之後可以自己伸番高支棍﹐支棍又可對正個位取電?
以上﹐仲未計香港街道上的招牌﹐會唔會阻到鋪電網﹐電網鋪設的成本是否過高﹐電網供電量及同一時間可支援多少部車同時運作等等。
實際運作其實都有唔少問題﹐點解仲要試?
外國已經有唔少實際參考例子﹐無軌電車唔係新事物﹐點解幾十年前都無引進香港?
有無外地唔再用這些無軌電車?
kei_hk 發表於 2017-3-8 17:07
2支棍係唔係識得自動放下﹐等部車爬完頭(我指係前面另一部同款電動巴)﹐之後可以自己伸番高支棍﹐支棍又 ...
果2支集電係咪識得收我就真係唔多清楚，不過本站有啲舊文章話識得自己收嘅，
升桿有幾準我就更加唔夠膽講，不過睇黎就算到而家果幾部電容巴都唔係話升得好準....
不過，哩啲真係咁Critical，係技術上解決唔到嘅問題？
真係理由？還是只不過係借口呢？我就唔夠膽亂下定論
其實，運用電車嘅投資成本係比普通傳統巴士系統大，
但係以環保同能源效益黎講，明顯好過傳統巴士。
果陣時政府唔敢去馬，結果油價狂升，環保問題越黎越多人關注，
結果都仲要貼錢巴士公司先肯再試電動巴士，
但到而家試用電動巴士，又再一次經歷唔少同電相關嘅問題。
講真，『電動車』都唔係乜嘢新嘢，但點解搞到而家巴士公司先肯試？
(當然，馬灣果3部又真係極品中嘅極品黎嘅)
深圳轉晒行電，除左係國策外，
亦表示左成個行業配套開始成熟：
可能最初舊電行兩轉就無電，咪執到佢可以點樣好方便咁救車囉
又或者用其他方法去減低問題嘅影響程度囉~
好多都唔係解決唔到嘅問題，只不過係轉變真係會帶黎陣痛同唔方便
如果當年政府有遠見又夠膽，可唔可以試下喺新市鎮度引入？(當年無人夠膽用鋰聚合物電池攞落車度行，鋰鐵果時都未成熟)
怕話直接俾城巴攞著數，咁可唔可以出Tender做地面環保交通嘅研究？
怕無車廠造，咁可唔可以學電車咁Make In Hong Kong？(果時政府仲俾人串緊話"hi tech hi 嘢，low tech 撈嘢")
如果政府批左城巴搞電車，係咪一定會work？我唔敢寫包單，
但而家好肯定一件事：就係我地錯過左一個電動化巴士系統嘅機會，欠缺左電動化巴士系統嘅經驗