吊佢老母運吉識保鐵月票, 迫人人搭地鐵太擠迫. 痴線.:@
支持田二少.
其實用港鐵都會票模式搞得唔得？
例如屯門出張九龍X線月票，任何X線轉車組合，三十日搭四十程$440
一來可以避免到班客長線短用，又可以保證班客日日搭你，應該可以達致雙贏
月票制度堅唔係work,
講票價問題唔係咁講。
月票只係一個可以令人容易上腦既概念。
任何套票制度亦有必然被濫用風險。
以香港既巴士收費模式而言，
可以考慮採用類近倫敦用capping既做法。
即係每日車資已達某一水平即不收額外車資既方法。
如果要防止濫用，
可以考慮用兩重系統。
如每日開銷係$40為第一層，
$40以後則每單程$5或原車費，
以較低地為準。
當車資開銷達$60，
則餘下車程免費。
歡迎討論
本帖最後由 ADS@81K 於 2017-3-9 11:22 編輯
castanopsis 發表於 2017-3-9 10:55
其實用港鐵都會票模式搞得唔得？
例如屯門出張九龍X線月票，任何X線轉車組合，三十日搭四十程$440
個idea都幾好
服務範圍夠廣
其實城隧線都可參考相近做法
雖然有6級收費
但可以以$8.1路線作基準
乘客買月票時先比$8.1路線既折扣收費(假設係8折)
如果需要補差價轉乘時
補差價既折扣同月票一樣(都係8折)
例如要轉40X翻馬鞍山
$1轉乘差價8折咗 姐係轉乘只收8毫
咁樣就算來回程不同價錢路線都有折扣
解決收費不同問題
唯一有bug係荃灣方向大部份路線都係免費轉乘
但可以學之前回水咁強制拍卡
9032~HW1045 發表於 2017-3-9 11:11
月票制度堅唔係work,
講票價問題唔係咁講。
唔覺得倫敦個模式可以套用落香港上面
倫敦路線本來就貴，而且全部路線劃一收£1.50，固然容易設一個用得著既cap（好似係£4.50，凡係搭三程以上就用得著）
問題係香港巴士收費按距離，由3-4蚊到20蚊過外都有
你設個cap一係set到絕大部分人都用唔著，或者有正常通勤客突然間俾少咗一半錢，唔實際
本帖最後由 3AV53 於 2017-3-9 11:43 編輯
巴士月票用港鐵都會票形式比較可行，可以防止濫用同時提供一定自由度比乘客
而為左簡化月票種類，唔建議用路線/地區形式，直接用車資形式推出較佳。
例如月票以單程八折計算，可以推出4種月票
$640有40程免費或每程最多減$20
$480有40程免費或每程最多減$15
$320有40程免費或每程最多減$10
$160有40程免費或每程最多減$5
至於轉乘客，每個轉乘組合應該要當一次車程計算
例如用$10月票搭98A，首先減左$6.1優惠，
之後轉74X，先減$4.2轉乘，再減月票剩餘既$3.9優惠，只係補$2
本帖最後由 ausbus 於 2017-3-9 12:07 編輯
其實在外國生活過嘅版友, 對星期票, 月票, 季票甚至年票都唔會陌生.
Melbourne 咁大, 都只係兩個 zone. 最低消費兩小時, Zone 1 Zone 2 內所有巴士, 火車, 電車任坐.
從舊時 Metcard 收費睇, 2小時票 $3.80, 買兩張即4小時已貴過 日票; 日票買 17日貴過月票; 11張月票貴過年票. 但就要預付同埋某程度上計畫好未來搭車情況
現在用 smart card, 已無月票年票模式, 但仍有日票模式. 搭唔過兩小時, 只計兩小時, 超過了就自動計日票. 從現時收費表可見, 兩段兩小時其實就已經夠日票. 週末及公眾假期就更抵. 更加彈性, 無需預付整月車費. 這是針對現時乘客可 work from home 彈性上班 或 出 trip.
如樓上有人提到, 如推月票, 視乎實際條款, 如是任坐. 舉個例, 基本上就唔會有人喺柴灣坐106過海, 全部坐晒118轉乘. 咁106就可以縮, 甚至港島段與102合併或尋找新客源 (耀東?? 106P 模式全日??)
成個網絡嘅搭車習慣都會大執位, 各位更快抵達目的地. 留意其實如果架巴士開咗出嚟, 坐幾多人嘅成本係基本上不變, 有吉位其實也只是浪費, 如可吸納一些月票乘客, 方便市民, 利用閒置載客量, 是好事. 至於行車間, 那就需要營運商作出調整反映. 鼓勵搭車, 某程度上路面少了人, 會較安全, 亦釋放路面空間, "遠少少" 嘅公共設施亦可使用, 避免某些人口稠密地區設施過於擠擁.
如要堵截長線短搭行為, 大可推出 'first set down' 措施, 如 8P 雙向 首個落客站於 東區走廊後, 無需一刀切, 按情況嚴重性及是否有其他路線替代而定. 但巴士公司預咗本土線要加返啲車 (此例子 2A/82X), 但對公司營運及收入可能得不嘗失
再者, 推出咩優惠都係公司商業決定, 嗰個咁嘅所謂理由...怕打親港鐵呀? 城巴10幾年無加價又唔迫吓佢加? 一個一體化真正便民嘅公共交通網絡, 根本公司都唔應該分, 所有模式適用.
ADS@81K 發表於 2017-3-9 11:20
個idea都幾好
服務範圍夠廣
你城隧線個idea係可行
不過我會覺得巴士公司係做都唔會搵城隧線搞
一來收費模式相對複雜，二來本身城隧線接近完全獨市，你整唔整月票班人都一樣搭你
現階段最簡單可以做既其實係將軍澳
堆線同港鐵對到正，收費模式又相對簡單，月票個效果可以發揮到最大
最簡單，98C/98D/296C/296D/297/290/290A三十日四十程$320（每程$8）已經好吸引
相信可以將唔少早繁覺得塞車慢既客拉返落巴士
其實如果要搞就要分兩類: 一條線 VS 轉車客
「一條線」, 例如271,87D, 281A,通常係直達目的地唔會轉車,一條線定一個全月通價就可
至於「轉車客」, 例如西北用屯轉, 東北去九東用大老山, 青沙286X/287X, 就一組一組咁用全月通
(離題)我認為最應該既係取消繁忙時間長者$2乘車優惠
3AV53 發表於 2017-3-9 11:37
巴士月票用港鐵都會票形式比較可行，可以防止濫用同時提供一定自由度比乘客
而為左簡化月票種類，唔建議用 ...
咁做有個問題，就係要分開整四張月票卡而唔可以融入八達通系統入面
因為如果用八達通而又有無指定路線既月票，班客就次次搭平線/短途線都要入散銀，唔係就浪費咗一程
而分開整月票卡技術上唔易開發成本亦都高
始終巴士唔似港鐵，網絡比較複雜而且仲有BBI問題要處理