而家東九嘅交通簡直就係全港市區最垃圾
成個九龍東西咁多人，得嗰一條東西走向鐵路連接；油尖旺嗰邊竟然有成4條南北走向嘅鐵路（東涌線、西鐵線、荃灣線、東鐵線）
到時東西線完工，只係分流到鑽石山以西，鑽石山至油塘成個觀塘區仍然係得一條鐵路
唔單只咁，成個觀塘出入都要靠觀塘市中心個迴旋處，一炒車就成個觀塘收皮
由觀塘去九龍西市區又得兩條路，彩虹交匯處又或者九龍城迴旋處一炒車就大半個觀塘收皮（得行啟隧嘅車無事，但係出咗啟隧好難返到出旺角方向，只係方便到去佐敦以南）
睇下旺角嗰邊，西九龍走廊、連翔道、西九龍公路三條獨立平行道路，其中一條炒車其它車都重有得走；彌敦道炒車都重有塘尾道可以行；長沙灣道炒車都有荔枝角道