kei_hk 發表於 2017-5-1 17:29
我推測係八達通機的軟件做唔到﹐當初無想過這樣提供優惠方式﹐所以短期內係做唔到的。
之前可以做到﹐因 ...
其實只是一個簡單的command
用if then else表示
就等於如果讀取嘅卡種係成人/學生,只扣除原價*0.95再round down
點睇都簡單過九巴家下咁改晒成個database嘅價錢
到時完左優惠再改多次
https://www.consumer.org.hk/ws_chi/unfair_trade_practices/index
已上報
九巴95折優惠被指安排混亂 歧視付現金乘客惹爭議
九巴今日起一連兩個月推出車費95折優惠，但只適用於八達通付款，以現金付車資者仍要「捱貴價」支付原有車費，惟巴士上的車資顯示屏卻只顯示優惠價，造成混亂，亦令「現金客」感到不滿及不公平。工會批評九巴行政混亂，立法會議員質疑九巴做法有歧視之嫌，九巴回應則堅持早已透過新聞稿及車站通告交代有關優惠的詳情。
九巴去年除稅後盈利近6.2億，因「賺凸」而須按政府協議向乘客回饋部分利潤，九巴早前決定今日起至6月底推出車費95折優惠，逾400條九巴獨營路線乘客均可受惠。以車費原價24.3元的長途線，如上水至中環的673號線為例，乘客每程車可省5%車費即1.3元。但此優惠只有以八達通付車費乘客方可享用，被指歧視以現金付車資乘客。加上今晨九巴上顯示屏只顯示了95折後車費，卻沒有標示車費原價，也沒提醒付現金者須付較貴車資，令乘客及車長均感混亂。
九巴僱員工會主席郭志誠稱公司以往的車資扣減優惠運作順暢，不明白為何這次車資顯示安排混亂，他質疑車上沒標示車費原價(現金價)，可能屬「誤導性遺漏」致違反了《商品說明條例》：「如果付現金車資嘅乘客畀少咗車資，我會勸佢畀返差價，但係佢唔肯畀，我都唔會迫佢，因為我覺得今次係公司錯!」郭志誠擔心價錢顯示問題一日未解決，會加深乘客與車長的矛盾引起衝突，他指今日曾向九巴反映，但公司卻只著他們自行執生。
記者訪問多名九巴3C線乘客(現金車費5.8，折扣後八達通車費5.5元)，他們大都不知原來以現金支付車費反而會較貴，眾人同覺得不合情理，乘客陳太直言不滿，堅持上車只會按巴士顯示屏支付5.5元，拒付額外3角車資。記者目擊另一乘客陳女士支付5.5元上車後(即少付了3角)，車長未有干預，疑「隻眼開隻眼閉」。記者其後訪問陳女士，她驚訝於現金車費竟較高，批評車資顯示混亂及不合理，認為九巴應一視同仁對待所有乘客。九巴發言人回應時指使用現金乘客不能享95折的安排，與以往回饋乘客安排一致，九巴堅持早已透過聞稿及車站通告等交代優惠詳情。
雖然標示的確唔清楚，但八達通平過現金俾有咩問題？
地鐵八達通現金唔同價左廿年啦，佢地張單程證噚日先批架？
明天打去香港海關舉報
九巴疑違反商品說明條例
3ASV174 發表於 2017-5-1 23:34
雖然標示的確唔清楚，但八達通平過現金俾有咩問題？
地鐵八達通現金唔同價左廿年啦，佢地張單程證噚日先批 ...
咁地鐵售票機係顯示現金價定8達通價?
你用得8達通機取代價錢牌就應該顯示返現金價
8達通折扣係拍卡時告知乘客就OK( for example 顯示扣除金額$X.X 同特別嘟聲)
3ASV174 發表於 2017-5-1 23:34
雖然標示的確唔清楚，但八達通平過現金俾有咩問題？
地鐵八達通現金唔同價左廿年啦，佢地張單程證噚日先批 ...
因為標示唔清楚 是違法
就好似你去藥房買藥水 店員話$50
之後你付錢就收$80
店員就話$50係八達通價
所以請付多$30
KU1143 發表於 2017-5-1 23:38
咁地鐵售票機係顯示現金價定8達通價?
你用得8達通機取代價錢牌就應該顯示返現金價
8達通折扣係拍卡時告知 ...
你個問題問得好，
地鐵八達通個收費都係另外棟塊牌出黎，既然咁樣 ok，九巴車站同車廂有豬紙顯示正價就絕對無問題。
九巴巴士站張豬紙有顯示正價，所有車車廂正路都有豬紙，依家又唔係八達通機上面個價錢嘟落去扣多左錢。
所以投訴海關都唔會投訴得入，最多都係話佢標示唔夠清楚，
但巴士站已經掛晒 Banner 話九五折只係適用於八達通，報章所講今日上車而又識得用現金俾九五折既人，只有一個解釋，就係擺明搏懵，
大家依家有幾可見有人上車望價錢牌先搵散銀，心照啦。
我係針對o的人話「八達通同現金唔同價唔合理」呢個論點，
依家唔係加一邊價，而係減一邊價，只減一邊有咩問題？
況且唔同價根本唔係新鮮事。
咁我想問64K 72A等路線現金分段收費點算?
係咪要俾原價?
r唔覺現金，八達通唔同價有咩衰，以前轉車票現金同八達通轉車車費都一樣啦，又唔見爭取要番轉車票
最重要係個display,學超市便利店show原價及會員價with小童價，搞掂!
仲有個折頭心理效應，貼咁多95折通告都係想話俾人聽有平，一黎就show個特價咪冇人覺得平囉。