有無人認同上葵涌交通好廢？
有無人認同上葵涌交通好廢？除左梨木樹有近城隧的地理優勢外，去其他地方的巴士線都做唔到點到點，去機場、東九(除經石梨貝外圍的38/42C外)、過海、尖沙咀(指梨木樹)等地方，都仲未有全日直接車。通宵交通更加只有去旺角紅巴做主力，N237,N36都係一啲廢線，前者左兜右兜先去美孚，後者每晚只做得兩個鐘，出入變相會搭的士:(在每晚放工時間，葵芳站巴士總站排最長龍的路線，一定係31M,235M,36M,32M等，因為呢啲區都無乜點對點路線，下下要搭港鐵駁車，但繁時又往往唔夠車去疏導交通。:'(
相對同時又係位處山上的公屋區秀茂坪、寶達、四順、彩雲，除咗入新界(荃灣、將軍澳、機場除外)無直接車外，去其他大部分都有較為完善的巴士網絡，包括通宵交通。:victory:
歡迎討論﹗:)
上葵涌太多線去西九龍，想開直達線去其他區先要重組下
andy92 發表於 2017-5-11 11:46
上葵涌太多線去西九龍，想開直達線去其他區先要重組下
同意
與其話廢不如話落後
仲停留緊七八九十年代，N條線去西九龍同油尖旺
東九龍、沙田、機場、過海都係有限度甚至無服務 ccchhhuuunnn 發表於 2017-5-11 12:13
同意
與其話廢不如話落後
仲停留緊七八九十年代，N條線去西九龍同油尖旺
你住上葵涌？
而家深井同麗城都直車去機場，上葵涌仲未有。:'(
ricky 發表於 2017-5-11 12:35
你住上葵涌？
而家深井同麗城都直車去機場，上葵涌仲未有。
上葵涌去機場搏龍運佢開條A32P啦...
過海線我覺得真係無咩需要,太遠*太貴都好少話過海行街
只要做好平日返放工時間服務就得
而且荃葵駁鐵過海都唔係話慢同貴(係近年龜龜成日加價再加埋駁腳費先同935差唔多價錢)
*今年建議條936半全日,但咁慢我去紅隧以東既地方搭返31B等轉紅隧線好過
西九線真係十年如一日,尤其32同36B
32咁多年黎都唔知做緊乜,當年開線(前身32M)時上葵已經有31B/36B/36M(荃灣線未通時),
仲未計同36A差唔多行法既35A(石蔭<>深水埗碼頭)
就當你開黎係因為象石入伙,但應該要梨木樹後直落葵涌道而唔係兜入黎
之後90年代中,35A大幅重組大致變成今日個樣,雖然係有建議過縮32等等,
但之後又無做到,直至早幾年竟然係九唔搭八地建議同31B合併,結果緊係反哂檯
唔該整返d有誠意既方案,同36A/36B是但一條合併同改線
36B就一日最衰梨木樹果兩條粉餅,當年唔加價改半特快都走去bam咗佢:@
真係講句唔好聽抵佢之後幾年條36比人搵咗笨(但之後自己衰咗又拖埋235落水:@ )
上葵涌除咗西九外去九龍新界其他地區都要轉車
唔好話有38/42C係石籬外邊經過,你地都識講外邊啦,除咗住得邊果d之外住得入少少都行餐懵
再唔係就叫你搭31M/235M轉條垃圾40,嚴重浪費時間
來往荃灣比人搞到兜咗上國瑞路,再唔係就係疏,果條仲要差唔多日日派部ADS:@
呢到我唔求開多條新線,只求求其拉條57M上黎,塞埋和宜合道把口(無車落荃灣)
來往沙田就無奈地比人塞咗部垃圾無良小巴,不過算啦,個BBI都叫ok既
當然有條巴士線最好啦,繁時線都唔拒
唯有寄望石排街對上再開發起多d樓先有機會改善道路同交通(可以拎黎做講數條件) GW4866 發表於 2017-5-11 22:36
上葵涌去機場搏龍運佢開條A32P啦...
過海線我覺得真係無咩需要,太遠*太貴都好少話過海行街
但仲有一個問題，就係總站位
最大鑊係連啲綠小都係周圍擺甚至做循環線
GW4866 發表於 2017-5-11 22:36
上葵涌去機場搏龍運佢開條A32P啦...
過海線我覺得真係無咩需要,太遠*太貴都好少話過海行街
我就來離開北葵涌，無眼睇:L
A32P係唔係齋吹但唔會開？
31M/36M/235M轉40算係唯一方法，但40車好疏，而去黃大仙同彩虹仲可以搭290/290A。
本帖最後由 ricky 於 2017-5-11 23:53 編輯
238X 發表於 2017-5-11 23:35
但仲有一個問題，就係總站位
最大鑊係連啲綠小都係周圍擺甚至做循環線
正如有站友指出，該區果班區議員做唔到嘢，住咗十幾年北葵，人口越來越多，但總覺得巴士班次越來越疏;P
本帖最後由 238X 於 2017-5-12 00:04 編輯
ricky 發表於 2017-5-11 23:47
正如有站友指示，該區果班區議員做唔到嘢，住咗十幾年北葵，人口越來越多，但總覺得巴士班次越來越疏
...
我覺得係兩樣嘢...
一、與其話而家啲車疏咗，不如話以前啲車太密，好多班次載緊空氣啲人唔知，因為人人都係繁時先搭車。問心，在座有幾多人係喺平日非繁時出街？而且你又唔計繁時線多咗？40P / 234C 嗰十幾班車喺邊度彈出嚟？甚至 ETA 同定點班次都有影響，至少個人觀察 36A 同 38A 呢兩年係多咗人搭。(補少少嘢：莫講話啲 3 字頭，連 68X / 69X 嗰啲所謂大線，非繁時都搞到 [以當年標準而言] 不似人形，又唔見有人話？)
二、啲人嘅出入模式亦可能改變咗。以梨木樹為例，以前主要係 36A / B，重建之後變成 36 / 36M；上葵一樣可以話係獨大咗條 235M。而且除咗紅綠小，有啲好似 uber 嘅物體亦可能暗中抽走咗一啲客源，更加唔好講放假好多人其實可能有車在手 (公屋都係咁話)。
唔係想維護政客 (雖則上葵涌同新區都係泛民)，但係我覺得呢度有啲人好鍾意將自己區啲交通問題訴諸政客，忽略咗好多其實係要用數據同技術去解釋嘅問題，要不得。
ricky 發表於 2017-5-11 23:45
我就來離開北葵涌，無眼睇
A32P係唔係齋吹但唔會開？
31M/36M/235M轉40算係唯一方法，但40車好疏，而去 ...
A32P無出現過,只係估佢會唔會整條咁既物體出黎
轉40唔單只疏既問題,係兜+慢既問題
搭38/42C再轉車或行返去都仲快過40轉車(分分鐘40果程岩岩落車等緊駁腳)
另外290/A除咗係去彩虹打後基本唔會考慮,原因大致同上,但點都比40快
梨木樹就轉290/A較完勝
我寧願要部疏少少,但直達既車返去
另外回埋樓上,咁你又唔諗下點解36M/235M之類咁爆?
因為d大路地方無乜選擇或出市區路線太廢/太慢迫住搭鐵轉車
同埋公屋居民有車咁又點?出到去九龍市區又難搵位泊
去新界或者一d偏門地方就話渣車ja
家陣唔係叫你開哂咁多條線去哂18區,只係想開d大路既大區(例如東九)