本帖最後由 Man@MFHK 於 2017-6-1 22:36 編輯
cyc_yin 發表於 2017-6-1 22:15
分享下以前空想出黎既荃屯鐵路同東九龍綫路徑，旨在拋磚引玉，唔洗太認真
https://drive.google.com/ope ...
荃西之後要急轉90度上荃灣站未免有點不切實際......
荃西之後直出大窩口,然後(甚至可以再屈埋上梨木樹先)貼住城隧直到大圍,再穿過獅子山到慈雲山,然後同計劃中既中九龍半山線連接城一條新線。
本帖最後由 cyc_yin 於 2017-6-1 22:53 編輯
Man@MFHK 發表於 2017-6-1 22:32
荃西之後要急轉90度上荃灣站未免有點不切實際......
荃西之後直出大窩口,然後(甚至可以再屈埋上梨木樹先) ...
因為構想出來既荃屯鐵路（我會叫青山綫）係用單軌系統，東九龍鐵路（我會叫中央綫）係用綫性摩打行既小形車，類似大江戸線，兩種規格都可以轉急彎、行高斜度路段
單軌建設時路軌只需用預製組件，橋墩就好似起普通行人天橋咁樣起
都係個句，唔好太認真:)
Snoopy@FB8617 發表於 2017-6-1 15:57
修正返少少
"洪水橋雖然未叫做CBD
但商業地皮面積亦唔算細"
啓德發展計劃其實首要目標係住宅供應
第二係體育園
第三係提供商業地創立龍頭商貿大廈確立啓德喺九龍東CBD地位
第四係補足九龍東CBD一直缺乏嘅項目，包括酒店、旅遊設施(飛踴啟德)
但九龍東CBD以啟德做包裝，但九龍灣及觀塘先係東九龍CBD嘅支柱
正如港島北只得IFC及幾幢著名大廈而沒有各式各樣嘅舊商業大廈
港島北CBD規模會細好多
講返東大嶼
政府推東大嶼會分階段起
依家講哂成個概念
但由第一幢樓落成到全面落成
相信會超過三、四十年
將軍澳由九十年代到依家都發展咗三十年都仲發展緊
依家東啟德急推係因為要KEEP住供應土地數量
唔係政府冇貨賣
相信啟德嗰幾十塊地皮唔會兩三年就散淨差唔多一半
而係至少用十年逐步發展
再者啟德其實只係九龍東CBD2個包裝
要搞起九龍東CBD2係靠九龍灣、觀塘嘅工商舊廈重建先得
但重建時間係非常漫長、散收收及政府無法主導供應新商業地
啟德商業地係幫手係等緊呢個重建過程時推商業地去帶去九龍灣、觀塘嘅工商舊廈重建發展
同樣用人工島搞東大嶼CBD3亦都係漫長
但同九龍東CBD2唔同嘅係
過程漫長在於規劃及基建
但只要規劃及基建逐步完成
政府可以即時手執大量土地儲存主導商業、住宅土地供應
經濟好、需求大時可以推多啲土地
相反亦可以減慢推地
唔使好似依家就嚟搵到櫃桶底穿埋
未來有好多嘢預計唔到
依家近期規劃發展得返啟德發展、安達臣礦場、茶果嶺高嶺土礦場、日出康城車廠上蓋、中環海濱新商業地及地區改劃用地
勉強捱到接住中期規劃發展，包括古洞/粉嶺北新市鎮、洪水橋新市鎮、元朗南發展、東涌東新市鎮、小蠔灣車站上蓋、錦上路車站/八鄉車廠上蓋及周邊發展
全部都係新界區兼最多捱到2030年初
即係2020-2030年都唔會再有大規模市區地皮新供應
但係香港長期缺乏商業用地先導致租金高昂
要解決問題剩係得少量啟德商業地及無法主導嘅舊廈重建係明顯不足
所以發展東大嶼CBD3大量供應商業地先可以長遠解決租金高昂呢個阻礙香港發展嘅根本問題
但要發展東大嶼CBD3係自己完全填海由零開始
規劃及基建至少要花十年時間
我當最快2030年先可以落成第一幢大廈
但之前至少要起好十一號幹綫去港島、東北大嶼
又要起鐵路去港島、九龍西、北大嶼山
呢五個基建同步做都幾係嘢
花十年起都好正常
即係最好2020年就已經定好東大嶼CBD3規劃
咁政府依家規劃定東大嶼CBD3就真係差唔多
2030年之後嘅長遠發展得返東大嶼同坪輋/打鼓嶺新市鎮
呢兩個可以夠捱到2047之後
再之後政府好難再有大型發展
遲早都要做不如早啲做
咁就唔會重蹈曾生覆轍
推低哂洪水橋、新界東北發展重新規劃搞到依家要起納米樓、插針樓
就算人口冇再咁多增長但等多十幾年一定愈來愈多舊樓重建
新住宅用地唔KEEP住供應嘅話就會推高收購舊樓成本
重建出嚟嘅又係貴價納米樓就真係超地獄
所以住宅供應唔斷得
KEEP住多住宅供應嘅話
樓價租金實會跌返
住宅供求平衡就會地價及建築成本低咗
無論中期規劃用地、長期規劃用地定舊樓重建都可以起返人均居住面積大啲單位
較低樓價就可以換人均居住面積大啲單位
咁先真正改善香港擠迫居住環境嘅問題
所以不能夠單單以人口需求問題去睇房屋規劃
除非大部份人都覺得自己依家住得咁迫都冇乜問題
ryandroid 發表於 2017-6-1 23:19
啓德發展計劃其實首要目標係住宅供應
第二係體育園
多謝分享，希望今年底前可以推出更詳細既發展藍圖，包括十一號幹線及新版西部外走廊，由上年底話公布拖到而家
本帖最後由 20160424 於 2017-6-3 23:05 編輯
琴日講完，今日就出左詳細版本制定未來發展，已經研究左至少6年時間，鐵定將來東大嶼一定要填海起人工島，連接屯門至港島，屯荃就留返做茶餘飯後既ff話題吧
－－－－－
政府新聞網公布《可持續大嶼藍圖》
大嶼山發展藍圖出爐 昂坪變賞櫻勝地
政府今日公佈可持續大嶼藍圖，將以「北發展 南保育」發展大嶼山，港府堅持在藍圖包括最大爭議的「東大嶼都會」，
在交椅洲附近水域填海，認為對香港長遠有利，但早前大嶼山發展諮詢委員會提出的大東山觀星設施、大嶼南的水療設施則因諮詢期遇到的反對聲音抽走。
藍圖提出保育文化和歷史如梅窩袁氏大宅等，惟未有提及保育大嶼山西面海域。。。。。
大嶼山發展藍圖公佈 3核心區可容納百萬人口政府今日公布《可持續大嶼藍圖》，提出「北發展、南保育」方針長遠發展大嶼山。根據《藍圖》，北大嶼山以東涌新擴展區、小蠔灣，
及填海得來的「東大嶼都會」等地區發展住宅，長遠可容納70萬至100萬人口。東大嶼將成為本港第3個經濟發展核心區，預計可提供20萬個職位。
tvb－政府公布可持續大嶼藍圖 冀集中發展東大嶼都會
有線新聞 【大嶼山長遠藍圖 北發展、南保育】
土木署官網《可持續大嶼藍圖》