路政署擬在九龍灣站B出口(北面) 加建橫過觀塘道行人天橋
http://www.districtcouncils.gov.hk/kt/doc/2016_2019/tc/committee_meetings_doc/TTC/12331/TTC_14_2017.pdf
路政署現建議加建一條行人天橋橫跨觀塘道連接港鐵九龍灣站 B 出口及將會落成的東九文化中心，
以紓緩現有行人天橋（結構編號KF(LNTKE)）的擠擁情況和提升港鐵九龍灣站與將會落成的東九文化中心和附近住宅的連繫。
條觀塘道由大直路變成微彎..... ;P
依家九龍灣站頭尾都有天橋接駁
有冇需要起多一條呢?
若果真係想做到九龍灣站直達東九文化中心的話
又可唔可以喺現有嘅兩條天橋伸延呢?
無啦啦起多一條天橋,仲要搞到條觀塘道左轉右轉
(都未計興建期間改道隨時影響流量)
兩個字講完:擾民!
JX9097 發表於 2017-5-31 12:15
依家九龍灣站頭尾都有天橋接駁
有冇需要起多一條呢?
疑建新橋係位於彩虹的一邊﹐平時人流都接近3/4以上﹐上落樓梯塞晒人要慢慢行﹐加多一條分流一下﹐都未尚係壞事。
條觀塘道由大直路變成微彎.....
借機為一堆巴士站製做停車灣﹐唔駛長期佔用慢線:lol
起唔係問題, 搞到觀塘道微彎都可以算(觀塘道/駿業里天橋一樣係咁), 但可唔可以唔好再搞「堆砌式」斜道, 與其見有位就攝條斜道, 不如重整現有天橋系統, 令斜道在外觀和實用性都盡量做到滿分.
去東九文化中心, 我會覺得出入港鐵站的市民會比往來三彩的多, 所以斜道唔應該向三彩, 而且會同舊天橋樓梯口打交, 可以在非港鐵站範圍的右邊(由九龍灣站出來)整斜道, 斜道要有180度轉角, 避免大量行人貪方便, 阻礙真正有需要人士使用, 斜道旁有梯級供行人使用, 通往三彩一邊的斜道取消, 要增加行人空間, 係應該用呢度擴闊現有通道, 而唔係將斜道擺喺兩條樓梯中間, 讓各方向人流打交. 本帖最後由 s3n370 於 2017-6-1 02:00 編輯
EX-TL 發表於 2017-6-1 01:02
起唔係問題, 搞到觀塘道微彎都可以算(觀塘道/駿業里天橋一樣係咁), 但可唔可以唔好再搞「堆砌式」斜道, 與 ...
留意番條新天橋除佐通去九龍灣站，另一作用係提供無障礙通道往返觀塘道西行巴士站，
而升降機正正响三彩天橋
所以斜道低位連接現有天橋，唔係完全無道理
況且新橋落成後，九龍灣站往東九文化中心/淘大行人，
大多會改用新橋
打大交情況應該唔會太嚴重
斜道用現有設計連接新舊天橋，仲有個唔太顯眼的好處
就係變相擴闊九龍灣站同三彩天橋中間果段行人橋
近年新建天橋，大多捨斜道，改用升降機/垂直升降台
甚至係現時建有斜道天橋，都情願拆卸斜道，改建升降機，
除佐係土地問題，最大關鍵係升降機造價同保養都平佐
以呢個例子，如果唔起斜道，
直接响新橋起垂直升降台，連接新天橋同九龍灣站
己經避免佐你擔心行人打大交呢個問題
呢條橋反其道而行，起斜道而唔係升降台，
最大原因應該係變相擴闊呢個功效
現有B出口條天橋根本太多人用，繁忙時間迫到落樓梯
有時寧願兜遠少少，行A出口天橋再經牛頭角公園過淘大，起碼唔洗迫
真係唔該佢啦啦聲起多條
其實即係將個樽頸擺左喺對面個落橋位
不如睇下個文娛中心會唔會有類似平台既野直駁天橋，等D人穿過個文娛中心去淘大
~誰@359~ 發表於 2017-6-3 13:52
其實即係將個樽頸擺左喺對面個落橋位
不如睇下個文娛中心會唔會有類似平台既野直駁天橋，等D人穿過個文娛中 ...
聽講係有路既
~誰@359~ 發表於 2017-6-3 13:52
其實即係將個樽頸擺左喺對面個落橋位
不如睇下個文娛中心會唔會有類似平台既野直駁天橋，等D人穿過個文娛中 ...
東九文化中心一樓接駁現有行人天橋，然後可於一樓：
- 經樓梯往現有觀塘道（往觀塘方向）巴士站
- 經扶手電梯、升降機往現有牛頭角道（利基大廈外）行人過路處
- 經樓梯往牛頭角道（往啟祥道天橋方向）巴士站
而面向擬議的新行人天橋只是行人通道及少量綠化空間，有條件研究
能否擴闊接駁行人天橋的位置以連接新、舊兩條行人天橋。