[2017.05] HX650/651 香港<>米子 [多圖, 有片]
本帖最後由 DIH 於 2017-7-30 20:48 編輯前菜：飛機餐
主菜：鐵路便當
甜品：巴士梳乎厘
早前與朋友去了日本「中国地方」一轉，試下香港航空新開的「米子」究竟係甚麼地方。出發前三個月買飛，當時做緊 promo，最低曾見 $17xx 來回，後來升至 $1910 即刻扑鎚。
去程
日期：2017-05-27
航班：HX650
時間：12:00 HKG - 16:10 YGJ
用機：A320 (B-LPM)
09:30 到 T1 K 區準備寄行李，已經人頭湧湧。我地已做了網上 check-in，但由於沒有列印登機證，不能使用自助登機櫃位，只能排隊。只有三四個櫃位做我們這批客，排成半個鐘。
剛到埗時顯示係 208 號閘，寄行李後改成 211 號閘。
指定動作
是日風和日麗，飛機有鯊魚鰭。
B-LPM，2014 年 8 月首飛，9 月交付香港航空。
快運 outer bay 上客中
5 月 24 日滑出跑道的中國東航 B-6366，三日後仍在香港機場被雪糕筒圍住。
國泰 A350
海航盛世
準時離閘，工作人員揮手。
中場客運廊另一邊的港航 A330-200
Deerjet 即「金鹿公務航空有限公司」，都係海航集團旗下。
港龍 A321
因主人欠債而在香港曝曬的 747
又一架 A350
快運 B-LCA「燒賣」當時已閒置了一段時間
約 12:25 於 07R 跑道起飛
升至巡航高度
安全帶燈號一熄就開始翻熱及派餐。
我揀了豬肉飯，餐飲安排比起兩年前去北海道大為改善：
主菜份量增多，擺得靚靚仔仔，山水豆腐花又甜又滑。
另一選擇為雞肉闊條麵
起飛後兩個零鐘、餐後大約個半鐘到達日本主島，下為櫻島火山。
霧島山
鹿兒島之後約 20 分鐘經過廣島上空
廣島之後經過中国山地，不出 15 分鐘已到山陰，此為鳥取縣伯耆町。
降落後，見到鳥取大山籠罩在雲中。
旁邊的全日空 A321
回望我地架機，米子機場只有兩條空橋。
AR 記念寫真，無玩到。
進擊の小人
到埗後第二日有航空祭，行山時聽到軍機飛行聲音。
－－－－－－－－－－
起飛片段：
https://youtu.be/kpRJwGYpIlE
降落片段：
https://youtu.be/UZQwYY-Y09E 餐飲賣相相當唔錯，比起過去十年我是但一次由香港出發的都要好
（包括 KE，當然 KE ICN 出發無得頂，但香港出發就…）
唔知味道如何？
本帖最後由 DIH 於 2017-7-29 10:30 編輯
加送部分旅程相片：
用腳行上鳥取大山，由夏山登山口（約 700 米）去到六合目（約 1300 米）。
落山時經過碎石原
東鄉溫泉日落
鳥取砂丘
賀露港螃蟹館
水木茂大道
境港
境港魚生飯
－－－－－－－－－－
經過 8 日愉快行程後，於 6 月 3 日乘搭 HX651 返港。
回程
日期：2017-06-03
航班：HX651
時間：17:10 YGJ - 19:55 HKG (ATD 17:34, ATA 19:53)
用機：A320 (B-LPN)
在松江等巴士時見到由出雲起飛的 JAL Dash 8 Q400
米子鬼太郎空港目前只有三條定期航線，其一為全日空往東京羽田，香港航線係第二條，2016-09-14 開航。
第三條為仁川航線，原於 2001 年由韓亞開航，2016-10-23 改由 Air Seoul 營運。
鬼太郎裝飾，下為離境層幾間免稅店。
彩繪玻璃
這個招牌，除非駕車，否則睇唔到。
可與鬼太郎合照
航班數量極少，HX651 起飛後，三個半鐘才有另一班機。
又見全日空 A321
當時米子與香港氣溫相差 10 度。雖然塊板話準時，結果係遲了少少。
預定 17:10 起飛，這時我才剛上機。
回望大山。我地 5 月 28 去行山，事後發現係全程最適合行山的一日，其他日子唔係太熱就係多雲。
米子空港同香港一樣係 07/25 跑道，約 17:30 於 07 跑道起飛。
美保灣
回望米子鬼太郎空港
停機坪，圖中左方白色橋旁即為 JR 境線米子空港駅。
左：江島；右：大根島
當日早上搭巴士由松江經此兩島到境港（另有機場巴士連接松江及米子空港）
因為長直斜而成為景點的江島大橋
中海
東松江某處好似填海而成的農地
旅程中曾到訪的廣島縣三次市
再次經過廣島市上空
飛機餐同去程一模一樣
日本時間 19:30，香港時間 18:30，開始黃昏。
見到遠處有隻飛機往相反方向飛，zoom 近再放大後發現係國泰。
香港時間大約 19:00 接近台灣，有大量雷暴雲。
機師略為右轉避開雷暴，臨降落一段時間都着住安全帶燈，幸好氣流不算太強烈。順帶一提，此程機長係日本人，英文好流利。
沙田上空
第一次在中場落機
等行李依然要等好耐......
人企在那裡大約等了 20-25 分鐘，取得行李時已經係降落後一個鐘。
是次機程飛行路徑
起飛一段
降落一段
－－－－－－－－－－
起飛片段：
https://youtu.be/gB5JBhMNNAs
－－－－－－－－－－
關於山陰同米子：
好多人都對香港航空竟然開去米子大惑不解，我都係其中之一。唔係佢開呢條線，「米子」呢個名真係聽都未聽過。事後分析，作為一週兩班（三、六）的旅遊航點，米子係一個唔錯的選擇。
山陰地區極少國際航線，只有米子的香港及仁川兩條（兩條都係 2016 年秋季開航），連台灣線都冇，因此山陰旅行早年並未在港流行。即使有心想去，亦要在大阪或京都前往，費時之餘，交通食宿亦支出更多。山陰有鳥取砂丘、境港水木茂大道、出雲大社等大路景點，以及非常密集的溫泉（今次 7 晚住 4 晚溫泉酒店，兼且唔貴），悠悠閒四五日玩完，適合去大城市去到厭的遊客（如我），不論旅行團、自駕遊或搭車遊都好適合。
整個山陰有三個機場，每個皆按其特色冠上花名：鳥取砂丘柯南空港、米子鬼太郎空港、出雲緣結空港。其中，米子空港位於山陰地區中間，服務人口最多，有 JR 車站，亦有不少巴士連接附近市鎮，乘搭公共交通不出一小時可到松江市、境港市、米子市，由米子搭 JR 不出兩小時可到鳥取及出雲市；公路方面，交通不算繁忙，大部分高速公路都免費，自駕遊相對輕鬆。機場附近的境港，松葉蟹捕撈量為日本第一，相信回程時機肚有唔少同我地一齊飛。來回兩程，上座率都甚高（註：來回均為星期六，中間有一日端午假期），其中回程有一批深圳旅行團，頓覺而家香港航空係做緊整個東南亞往山陰的獨市。
關於香港航空：
今次發覺香港航空比起兩年前進步不少，不論係網頁或 app 的流暢度、餐飲份量、味道及流程、服務本地化方面都有改善。A320 本身無 PTV，頭上電視播的有《世界零距離》等資訊節目及一些台灣主持來港的飲食節目，字幕係正體字，機上雜誌亦全部使用正體字。稍有微言的是，上機時播音樂，其中一首竟然播張學友唱的《心經》，初次聽到真係覺得「大吉利是」。返港時不知為何在日本有少許延誤，但最終追得返時間。價錢係 $1910，我覺得物有所值，LCC 價錢 full service 服務，有得嘆好嘆。 本帖最後由 DIH 於 2017-6-19 10:03 編輯
S3BL100 發表於 2017-6-18 22:25
餐飲賣相相當唔錯，比起過去十年我是但一次由香港出發的都要好
（包括 KE，當然 KE ICN 出發無得頂，但香港 ...
我兩程都係食豬肉飯，味道唔錯，係鹹的，應該係用豉油豆粉整。肉、飯、菜的份量都足夠。我朋友去程時食雞肉闊條麵，睇個樣應該都OK，但份量未必夠。回程佢都係食豬肉飯。 DIH 發表於 2017-6-18 22:53
經過 8 日愉快行程後，於 6 月 3 日乘搭 HX651 返港。
回程
離題一講
B-LCA 仲整緊
樓主覺得呢條米子線會唔會做得長?:lol
我成日"仍" 住HX同UO D日本二三線城市嘅條會喺開線幾年後, 冇咗個XX費(類似降落費,停泊費? 突然唔記得個名)優惠就執粒
畢竟呢個價錢真係非常有競爭力, 自己本身都計劃緊搵個時間去鳥取行下
師兄客量如何? 如果少人驚佢快執要趕緊去一次
本帖最後由 DIH 於 2017-6-19 10:44 編輯
cruisesnet 發表於 2017-6-19 09:54
師兄客量如何? 如果少人驚佢快執要趕緊去一次
去程坐機尾右邊，附近全部滿座，其中有一團東x遊；回程坐機頭左邊，除了附近三行 AB 位無人坐外，其他座位都有人，有一批深圳旅行團。
去程時非常意外地與一些政界及傳媒人同機，佢地落機後一齊坐小巴去打 golf。這顯示山陰這種悠閒地方係會有高階遊客去的。
出發前一個月左右，同日期機票加到 $38xx，當時應已接近 full booking。機肚有幾多貨我就唔清楚。 同樓主差吾多時間座 HX 去日本, 都係呢 Set 飛機餐, 派餐時話係日式豬肉飯, 食落係好喊既吾知咩汁既港式豬肉飯.
一分錢一分貨, 又有熱餐, 真係無投訴, 個豆腐花 Size 係正常維他既約一半, 二年前座 HX 去日本係正常超市買既維他豆腐花 Size.
服務就...當日小弟去程好吾掂, 全部 lan 仔 lan 妹新人無經驗, 身邊同行人仲講笑如果呢班人做 Gold Coast 或 Auckland, 班客真係死得.回程個班就好醒快手快腳, 但派錯哂兒童餐比附近小朋友.
米子機場好攪野得 ANA 飛無日航, 個停車場吾駛錢任泊, 隔離座 JR 出市區或入境港平均每方向一個鐘一班, 真正拍蒼蠅機場.
自己幾鐘意米子鳥取, 消費吾貴夠哂鄉下, 其實 HX 飛呢度第三線城市, 貴又吾會座又吾夠客飛, 平又擺明無錢賺, 吾係強國做後盾, 條線點有得做.
tridents 發表於 2017-6-19 10:14
同樓主差吾多時間座 HX 去日本, 都係呢 Set 飛機餐, 派餐時話係日式豬肉飯, 食落係好喊既吾知咩汁既港式豬 ...
咁講真，HX 仲有旅行團撐場。
一架 A320 如果做到兩三團客仔，再加佢地個定價咁進取，打爆架 A320 唔係難事。