記者「實測」西九高鐵往廣州 (擊破+詳細分析+結論)
【一地兩檢】高鐵西九站往廣州南48分鐘到達？記者實測結果是……高鐵未通車，所謂實測其實係記者亂咁黎，計高鐵時間就左加右加，排隊上車、出站入站、地鐵買飛等車都樣樣計凸時間，但計直通車時間就幾乎淨計直通車車程... 廣州東站入境唔計、廣州東站去目的地時間唔計... 唯一記者估岩係一般情況西九龍去廣州南都迫近60分鐘
以下小弟將記者的錯誤逐一擊破：
1. 記者假設西九龍站淨係過關都要花20分鐘，原因係落馬洲過關要20分鐘...;P
2. 記者假設尖沙咀出發到西九龍站上高鐵的時間共60分鐘:funk: (尖沙咀到西九龍站入站假設要20分鐘+過關又假設要20分鐘+買飛安檢上車又假設要20分鐘，係爭在未計去廁所開大時間)，但神奇在尖沙咀出發到紅磡站上直通車的時間卻只計30分鐘(記者並冇說明)?? 明明程序幾乎一樣，除非西九龍站入面大到要比紅磡站花多30分鐘浄行路，但首先西九龍站入面唔係真係咁大同埋站入面一部分腳程已包含在過關程序內，所以個記者真係亂咁黎
3. 直通車去到廣州東站竟然唔計入境出站時間?? 個度至少15分鐘先出到站，另一邊廂西九龍站/廣州南站就乜都計多
4. 計高鐵時間，就以上下九路、天河市中心為目的地，但計直通車/廣深和諧號時間就以廣州東站做目的地，事實上廣州東站去就近的天河市中心(體育西路站)都要再搭地鐵6分鐘，去上下九路(長壽路站)更要24分鐘，記者完全唔計，死未!!!:curse:
5. 因為廣州南站大所以轉地鐵過程要30分鐘?? 記者又亂咁吹，廣州南地鐵站係同高鐵站共構，地鐵站打橫在高鐵站中軸貫穿28個月台的地底，高鐵到達區有成4個地鐵站入口，不論邊個高鐵月台一落就見到地鐵站入口，然後一落就係地鐵站大堂，由高鐵站月台到地鐵站月台只需5分鐘(如果死要計埋買地鐵單程票的時間，唔該廣州東都要計埋)
6. 記者將廣州南站到廣州市區的時間定為1.5小時，轉地鐵過程30分鐘上面已踢爆，廣州南站到廣州市區的地鐵車程真係要60分鐘?? 根據官方時間及個人經驗，對比一下由廣州南站或廣州東站前往廣州市區各地所需的時間：
往公園前站(廣州傳統市中心)：
-廣州南站29分鐘、廣州東站17分鐘，分別只有12分鐘
往廣州塔站：
-廣州南站33分鐘、廣州東站15分鐘，分別有18分鐘
往珠江新城站(天河新市中心)：
-廣州南站35分鐘、廣州東站14分鐘，分別有21分鐘
往體育西路站(天河舊市中心)：
-廣州南站37分鐘、廣州東站6分鐘，分別有31分鐘
無可否認廣州南站離天河區的確較遠，但真係唔明記者點樣作大到60分鐘，而且亦可以見到，廣州東站前往廣州傳統市中心只比廣州南站快12分鐘
綜合以上各點，利用高鐵由尖沙咀上廣州市區的時間被記者發水60-70分鐘至3.5小時，實際上2.5小時連天河都能輕輕鬆鬆去到(45+60+45)，而利用直通車由尖沙咀出發到行出廣州東站2.5小時其實非常非常趕，已經唔計再要地鐵接駁的時間
最後結論，尖沙咀出發，如果係去廣州傳統市中心及珠江以南，高鐵一定完勝直通車
本帖最後由 Kaix 於 2017-7-27 00:05 編輯
PS8851@182 發表於 2017-7-26 16:29
中國高鐵要提早到站等上車等安檢, 搞到好似搭飛機咁浪費時間, 唔似日本搭新幹線可以開車前3分鐘先到站跳上 ...
問題係直通車程序同高鐵一樣，點解直通車就假設30分鐘，高鐵就假設60分鐘??
我搭過高鐵5-6次，冇一次要好似搭飛機咁預早1.5-2小時，我次次開車前30分鐘前先入站都完全冇問題(當然一早買好哂飛)，次次仲有10-15分鐘剩，好似係開車前5分鐘先至停止落月台
不過旺季大陸d大白象高鐵站人多起上黎可以好恐怖，咁就要再預早d，但西九龍站應該唔會有依個問題
本帖最後由 fw1321 於 2017-7-27 03:10 編輯
我覺得宜家搭高鐵最麻煩既地方唔係安檢, 而係買飛。
即使你能夠上網預先買好飛, 上車前都仲要搵時間去指定地點換張飛 (唔理你提前去換, 定係搭車前先去換)。
內地人如果有張新版身份證就可以用高鐵站既換票機快速換飛, 有部分機標示港澳同胞證都換得,
但我舊年試過就唔得 (我估可能係要先登記張回鄉證O掛)。
如果你想即時買飛, 好似福田呢類人流少到極既站就好快買到, 如果好似深圳北、廣州南呢類站
真係閒閒地排返你個幾兩個鐘。即使唔駛排隊, 你都未必買到即時走既車次, 好似深圳至廣州
呢類線, 有時班車開前個幾鐘連無座都售罄。咁呢個情況你都仲可以拎住張飛上返早啲開既車,
但咁樣成程車就唔駛旨意有得坐。
香港貫通內地高鐵網, 我估計購票至少方便過宜家, 即使要拎飛都叫做方便咗。
最大好處係去到深圳北/廣州南轉乘其他高鐵線, 咁樣就唔駛再做安檢。
至於如果淨係去廣州, 就好視乎香港邊度出發, 如果我由新界西出發都
仲係搭直通巴士經深圳灣算數喇, 除非遇正內地乜嘢假期啦。
fw1321 發表於 2017-7-27 03:01
我覺得宜家搭高鐵最麻煩既地方唔係安檢, 而係買飛。
即使你能夠上網預先買好飛, 上車前都仲要搵時間去指定 ...
已經試過兩次普通週末預早大半個鐘去到深圳北去拎票搭車, 但排隊排到要搭遲一班車或者差點搭唔到,
因為前面成班盲毛喺度問啲唔相關嘅問題。
中國嘅問題就係人太多, 起左咁多設施仲係一樣咁逼咁多人用,
而鐵老大嘅服務水準喺人性化方面仲係好落後
係嘅, 喺香港出發, 由港鐵管理, 點估都無深圳北或者廣州南咁亂,
但而家搭東鐵隨時上到車 (當然要企), 而搭直通車就唔使實名制,
第時高鐵就又可能無即班車又要實名制, 其實都係有啲唔方便
leochill 發表於 2017-7-27 09:40
已經試過兩次普通週末預早大半個鐘去到深圳北去拎票搭車, 但排隊排到要搭遲一班車或者差點搭唔到,
因為 ...
大陸成日講到自己咁智能，如果好似飛機咁將車票電子化，入閘時 scan QR code 又得唔得？咁可以慳返好多無謂時間。 本帖最後由 OTIS401 於 2017-7-27 11:19 編輯
fw1321 發表於 2017-7-27 03:01
我覺得宜家搭高鐵最麻煩既地方唔係安檢, 而係買飛。
即使你能夠上網預先買好飛, 上車前都仲要搵時間去指定 ...
售票處的窗口有太多的類別(例如一個專做退票、另一個專做改票等，售票嘅窗口只有很少)
同埋有太多人博大霧排錯窗口甚至插隊，都係導致大排長龍嘅原因
講到尾其實主因都是實名制:L 去搵啲好日唔返廣州的人有欠公平.
強行用自已的標準去計算時間. 軋頭軋尾咁出個Report:@
坐巴士又係咪真係咁慢? 有了深西同S3後, 上廣州坐巴士唔係差得去邊.
S3 唔會塞車, 只係因為出關入S3 的隧道有工程先搞到要多20 分鐘.
本帖最後由 miklcct 於 2017-7-27 12:28 編輯
krausssammy 發表於 2017-7-27 12:23
去搵啲好日唔返廣州的人有欠公平.
強行用自已的標準去計算時間. 軋頭軋尾咁出個Report
搭直巴只係屯門元朗出發先有優勢，港九市區真係直通車/高鐵好過，唔通貪條屯門公路夠香咩？
簡單啲講，去廣州傳統市區：
港九市區：直通火車
新界西：直巴S3
新界東：東鐵轉城鐵
去廣州南：
港九市區：高鐵
新界西：直巴S3
新界東：去福田搭高鐵
krausssammy 發表於 2017-7-26 20:23
去搵啲好日唔返廣州的人有欠公平.
強行用自已的標準去計算時間. 軋頭軋尾咁出個Report
同意,我前排先坐完直通車上,直通巴落
巴士由海珠廣場落到旺角都係三個半鐘多D,
其實直通車車程都差唔多兩個鐘,連埋兩邊清關,最少都兩個半鐘
仲未計由天河出返去其他區既時間,就好似我咁,本身住河南,就算搭的士都要差唔多半個鐘
實際上巴士唔係慢好多,而重點係直通車要$210,直通巴只係$80人仔,差別太大啦...
頁:
[1]
2