建議取消14B線並開辦新路線來往藍田至尖沙咀
本帖最後由 lwb701 於 2017-8-4 05:28 編輯參考當年取消14C以換取開辦全新吸血路線14X為藍本，提出以下建議：
取消14B並開辦新循環線14E（藍田廣田邨↺尖沙咀）作替代。
14E（藍田廣田邨↺尖沙咀）
建議路線：按此參考Google Map 走線圖
建議收費：
全程$8.5
藍田站 往尖沙咀$7.5
九龍佑寧堂 往藍田廣田邨$8.5
牛頭角上邨 往藍田廣田邨$5.8
物華街 往藍田廣田邨$4.5
預計行車里數及時間：~29公里、130分鐘
建議服務時間及班次：每日0600-2130，每30分鐘一班
用車：5部(全數來自現時14B)
當日 14C 變 14X 行得通，就唔代表而家照辦煮碗複製條 14E 出來都行得通
首先當日條 14C 已經係差到不能再差，
14B 而家當然都係好差，但距離當日 14C 仲有一段距離
其次，當日大家接受到換線，而且行得通的原因，係油塘無相似全日線，
莫講話無尖咀車，連佐敦特快都無
但而家既然已經有 14X，換一樣佢地已經有既野，佢地接受的誘因根本唔大
仲要你條 14E 不論尖咀定油塘，站位都同 14X 相反，根本做唔到聯合班次、
變相幫 14X 加班的效果
有車剩，直接幫 14X 加班仲實際啦
S3BL100 發表於 2017-8-4 11:32
當日 14C 變 14X 行得通，就唔代表而家照辦煮碗複製條 14E 出來都行得通
首先當日條 14C 已經係差到不能再 ...
咁既走線真係客都吸唔到，基本上係無獨市位，
佐敦尖咀應該唔會有客搭，仲要無啦啦兜入九龍站，
你知唔知嗰頭塞起上黎好恐怖，100%會脫班。
肯定會仲蝕過而家14B，你話九記會唔會無野搵野黎做。
本帖最後由 lwb701 於 2017-8-5 09:27 編輯
love_kmb 發表於 2017-8-4 12:39
咁既走線真係客都吸唔到，基本上係無獨市位，
佐敦尖咀應該唔會有客搭，仲要無啦啦兜入九龍站，
你知唔知 ...
咩叫仲要無啦啦兜入九龍站？咁你教我九龍站返牛頭角應該坐咩車好？
你知唔知加士居道成日塞車，成個尖沙咀又有地鐵又有船就一定唔係獨市位啦，咁要笠曬啲巴士線佢囉。
S3BL100 發表於 2017-8-4 11:32
當日 14C 變 14X 行得通，就唔代表而家照辦煮碗複製條 14E 出來都行得通
首先當日條 14C 已經係差到不能再 ...
14X根本就係拎佐敦條14嘅車去做215X嘅客。
呢家你仲想想14B果5部車去做尖沙咀嘅客，仲要牛頭角道係得一個站受惠。
搶夠未？
lwb701 發表於 2017-8-5 09:31
14X根本就係拎佐敦條14嘅車去做215X嘅客。
呢家你仲想想14B果5部車去做尖沙咀嘅客，仲要牛頭角道係得一個 ...
當日 14C 換 14X，最初係只做佐敦，但結果做唔掂，
而油塘又好想有全日尖咀線，咁將 14X 變成尖咀循環，成件事有咩問題？
你又點解唔諗下，油塘角度，佢地本身已經有條 14X，
點解要多一條站位同 14X 完全相反的 14E 去尖沙咀，仲要只係做多個九龍站咁大把？
14X 半粒鐘一班，14E 又半粒鐘一班，但站位相反，
高超道乘客應該邊個方向等車呢請問？
同樣地，彌敦道出發的乘客，兩邊都係半粒鐘一班，應該南行定北行站位等車？
油塘角度，點解要接受一個根本做唔到變相加班的方案？
想用 14E 食 14B，但結果照顧唔到真係想做的尖咀客，算唔算係弄巧反拙？
本帖最後由 love_kmb 於 2017-8-5 11:40 編輯
lwb701 發表於 2017-8-5 09:26
咩叫仲要無啦啦兜入九龍站？咁你教我九龍站返牛頭角應該坐咩車好？
你知唔知加士居道成日塞車，成個尖沙咀 ...
你咁講，好多地方都無直接車去九龍站，咁係咪又要改啲路線入九龍站。
除非你有事實證明九龍站去牛頭角係好有需求。
你自己都識講加士居道成日塞車，仲要入九龍站，
半個鐘一班你話有無人會等，一塞車分分鐘成個鐘都無車黎。 本帖最後由 lwb701 於 2017-8-5 12:13 編輯
love_kmb 發表於 2017-8-5 11:39
你咁講，好多地方都無直接車去九龍站，咁係咪又要改啲路線入九龍站。
除非你有事實證明九龍站去牛頭角係好 ...
係你自己妖魔化佐敦道塞車在先je。
行尖東返九龍咪又係理工出面塞死，咁係未代表215X唔快？
加士居道塞車都快過你碌馬頭圍道、太子道東同觀塘道呀，你吹佢漲？
山上有條95，彩虹道有11, 203E, 95三條線出到佐敦西/九龍站
咁點解同一區可以有3條線直達，人地果區有1條都唔得？
88X夠半粒鐘加塞車搞到45分鐘一班車返沙田，咪又係頂曬閘
咁係未又執左佢呀？
呢家你同鐵路爭係未應該針對返連鐵路都要兜嘅區域，
而唔係人地輕鬆上到地鐵嘅位呀？ lwb701 發表於 2017-8-5 12:04
88X夠半粒鐘加塞車搞到45分鐘一班車返沙田，咪又係頂曬閘
咁係未又執左佢呀？
...
你究竟明唔明咩係需求問題，你既然覺得牛頭角去九龍站咁有需求，咁咪直接去到九龍站掉頭。
去尖沙咀又要陪兜九站，九站上車又要陪兜尖咀。
你可以用296D黎駁我架，但人地客源係尖咀，而且兜完尖咀先番九站。
仲有，係咪人有你就要有而唔使睇需求先，坑口寶林都好似無直接車去九站，點睇人口都多過牛頭角，
樂華都無車去九站，不如兜埋你條14E上去，咁至公平嘛。
佐敦道塞車你話人妖魔化真係好笑，你知唔知一塞好多線就會脫哂班。
88X條走線直接，加埋藍田獨市位有一定需求，所以先仲做得住。
你自己望返你14E咩走線，
你仲好意思用215X黎比，人地咩班次呀。
就算多咗14X，215X繁時番觀塘都照爆，
你條半個鐘一班又唔同站會點吸到客，13X都密過你啦。
喺佐敦行多兩步搭13X,紅van咪仲著數，好過慢慢等。
本帖最後由 lwb701 於 2017-8-5 13:32 編輯
love_kmb 發表於 2017-8-5 12:52
你究竟明唔明咩係需求問題，你既然覺得牛頭角去九龍站咁有需求，咁咪直接去到九龍站掉頭。
去尖沙咀又要 ...
樂華呢，我就一直爭取28順手拉埋入九龍站嘅。
你同我講需求，出尖沙咀有28, 13X, 213X 家下三條線做，夾硬計埋1A就有四條線做。
就當你尖沙咀需求真係大到咁，我呢家跪地插沙是旦搵條線入到去係山卡啦海皮嘅九龍站，
係未需求細就可以無視？你有無諗過九龍站個情況係幾乎迫住走落下面坐地鐵，
都唔想行15分鐘出上海街行20分鐘出佐敦坐巴士小巴，咁咪變成你所講嘅無需求囉。
每日急步行20分鐘出去坐13X/213X你估我未試過？
用成20分鐘行到出曬水，已經講緊慢過坐地鐵上上落落左轉右轉。
Fine，呢家有ETA，坐到出佐敦咪比多$5.1轉8/11，坐到出尖咀比多$6.4又或$7.5係尖沙咀坐兩個站入去九龍站。
仲要比巴士佬白眼坐幾個站浪費佢地車程，要佢地聽閂尾閘叮叮響，我好好受？
我錯囉，鬼叫我窮咩。;P
頁:
[1]
2