nwfb23 發表於 2017-9-26 23:46
起宿舍俾外勞，不如好似以前中巴咁
宿舍俾本地司機，你唔加人工都大把人會做
講明有大鑊野就沒收宿舍，肯家 ...
外勞單身寡仔嚟香港打工，你整啲大學宿舍規格，每個單位三百呎實用，人均面積75呎（公屋標準），夠放兩張碌架床，一個客飯廳，四個人住得好鬆動。
只要改建大型車廠，上面起多十層，每層80個單位（車廠面積大，沿外圍可以起好多小型單位，戶戶有窗），夠住三千人。再整多一層會所提供康樂設施，天台整球場泳池，呢種設計既照顧到外勞身心健康，又唔會佔用本港額外土地資源，外勞番工亦超方便，唔會增加路面壓力。
為本地員工提供宿舍唔係唔得，但本地員工有家庭，可能每人要俾300呎，你起十層，同樣數目單位只夠住800人，唔夠分。起四十層，超過地積比政府都唔批，而且一有細路住成件事就好複雜，例如要考慮車廠周邊係咪安全，需唔需要整埋學校等。
輸入外勞唔係問題.
但人工起碼要兩萬三以上.
隔離澳門巴士司機剩係底薪都兩萬二,仲未計其他福利都請唔列外勞.
你得一萬五底薪想請外勞?!會唔會天真左D?!
幾十歲人唔好咁多幻想,腳踏實地得唔得?
ctb234 發表於 2017-9-27 09:08
輸入外勞唔係問題.
但人工起碼要兩萬三以上.
隔離澳門巴士司機剩係底薪都兩萬二,仲未計其他福利都請唔列外 ...
澳門就係因為外勞唔做得巴士司機，所以先會搞到兩萬幾人工都無人做，再次證明當城市發展、新一代知識水平上升，而勞動力又有限時，唔係有錢就請到人！
但澳門好在三間巴士公司有政府包底，發財車有賭場撐腰，所以除非你俾九巴喺站頭開賭（呢樣嘢中巴真係專家），否則你要狂加司機人工的話，車費就要跟住加加。
053h4 發表於 2017-9-27 08:45
香港人瞓唐樓劏房，花園街大火燒死人
外地人來做工重包住
所以好公平，巴士公司出$4310人工但包食住。
呢樣唔係新鮮事，幾十萬在港菲印傭一早就要傭主包食住，但點解香港人唔去打住家工？
053h4 發表於 2017-9-27 08:46
邊過話鐵路成本低，近年就係鐵路唔夠做巴士替代運輸
東京大阪等城市嘅大運量運輸，巴士成本會低過鐵路？
日本全國公共交通運輸量，係鐵路多定巴士多？