ryandroid 發表於 2017-10-15 13:51
東大嶼鐵路要起好都係2036之後嘅事
2020s贛深高鐵通車後
西九龍可以直達廣洲東
我同意你個假設, 不過我唔認為直通車會咁易可以全數改行高鐵路段
如果直通車一日仲有, 南北線配線設計唔容許列車只運行屯門南至會展之間去調度
咁就會令新個段列車班次唔穩定
另外係金鐘同會展站是否容納到新的轉車流量
例如金鐘站擴建部份, 扶手電梯位置似乎係為左快速地帶走南北線落客月台乘客而設去形成一個單向的人行動線
會展站係相反方向跨月台, 但南北線由東大嶼出黎要轉去東區, 就要上落樓層
呢兩個問題唔係容易解決
最後係造價: 南北線行交流電令隧道斷面較大, 興建成本會相對直流電系統高
eternalflame 發表於 2017-10-22 01:27
我同意你個假設, 不過我唔認為直通車會咁易可以全數改行高鐵路段
如果直通車一日仲有, 南北線配線設計唔 ...
「我同意你個假設, 不過我唔認為直通車會咁易可以全數改行高鐵路段」
政府有咁大個高鐵站唔用
仲保留車上檢
會唔會俾人話浪費公帑？
「金鐘同會展站是否容納到新的轉車流量
例如金鐘站擴建部份, 扶手電梯位置似乎係為左快速地帶走南北線落客月台乘客而設去形成一個單向的人行動線
會展站係相反方向跨月台, 但南北線由東大嶼出黎要轉去東區, 就要上落樓層
呢兩個問題唔係容易解決」
呢啲車站裝修問題
都係可以工程解決到的
而你建議中的港島西海皮嘅東大嶼鐵路及將軍澳綫的跨層轉乘其實都有大量人流要處理
上環更要先經大堂轉乘
難道又是容易？
西環/西營盤一帶舊樓臨立
甚少空置地
如何設立如添馬站的跨層轉車站似乎更難
上環喺干諾道中天橋設站亦有難度
難道造價就不高嗎？
而且添馬的交匯方案係強制東涌綫全車轉多次車
依家東大嶼鐵路又要強制全車轉多次車
花咁多錢但要跨區乘客明明有更好方案唔使轉車都要焗轉車
其實即係倒客落巴士
將軍澳綫西延比東鐵綫西延涉及更多更複雜的土木工程及收地問題
但效益卻比東鐵綫西延低
沙中線由獨立鐵路改為一拆二
北港島綫原本一直都係一拆二
一拆二令鐵路系統減少轉乘次數而令效益提升是較佳的選擇
以交匯方案規畫增加大多數人的轉車次數的做法完全係倒退